Gewilde Bybelverse vanaf Matiu 7

Deel

“Mulor nunung, pa dir tabar mulo, mulor sereni, pa mulor pasteteki, mulor pinpidir, pa dir sapang pas mulo.

Anasa la rop ning la nunung dir tabar la, pa esining i sereni ir pasteteki, pa esining i pinpidir, dir sapang pasi.

“La rop ning la longor anuka warwarala ne, pa la longor ono, la arlar ana tena tastasmai, ning i tol tar anuna rumai saot na hat.

A ututnala rop ning mulo mang sur a tarai lar toli tetek mulo, mulo otleng, mulor sira toli tetek la. Ine a kamkama warkurai ane Moses, pa asasaerla ana propetla.

Ika a taman pa ngas ning i han sur a lalaun, i natarna, pa silik tarai ka la sira pastek pasi.

“Mulor kas ana natar a taman lik. Anasa a taman pa ngas ning i han sur a hinirua tikin, i palar pa i langolango, pa galis a tarai kol la sira kas ono.

Mulo na laulau a tarai, ika mulo tasman ot a wakak a artabarla sur mulor tabar na natnatumulola ono. Ning mulo sira toli larne, i momol kol mang, e Tamamulo ning i kes saot na langit ir saran a wakak a ututnala tetek esining ir nunungi.

“Gong mulo warkurai a toltol ana tik, sakana e God ir warkurai a toltol anumulo. Anasa e God ir warkurai mulo arlar larning mulo warkurai tik. Pa a ngas a warkurai ning mulo warkurai tik ono, i ot ning e God ir warkurai ulak mulo ono.

La rop ning la longor anuka warwarala ne, ika bel la muri, la arlar ana longlong, ning i tol tar anuna rumai saot na woio, pa bel i por rakrakai a kasanga.

Sur asaning u oroi pas ka a beren kaning namatana e tasimlik, pa bel u nuk pas a puka rakai kaning na matam? Ning a puka rakai kaning na matam, ur atong mangmangasa i tetek e tasimlik mang, ‘Ar kepsen a beren kusun a matam’?

“Mulor tumarang ana asasongo na propetla. La sira han tetek mulo ana wakak a gininla arlar ana sipsipla, ika tingia na balanla, la mang sur lar alaulau mulo arlar ana ngalngalia na papla. Mulor oroi lalan a asasongo na propetla ana gininla. I mangasa, dir git pas ta wana wain miting na kadas, pa ta wana fig miting na rosros? Bel!

Larka otleng ning a wakak a rakaila rop la sira suah a wakak a wanla, ika a laulau a rakaila rop la sira suah a laulau a wanla.

A wakak a rakai bel ir suah ta laulau a wana, pa a laulau a rakai otleng bel ir suah ta wakak a wana.

A rakaila rop ning bel la suah a wakak a wanala, dir ting sen la, pa dir minggen la ting na iah.