Gewilde Bybelverse vanaf Lukə 14

Deel

«Nui gaa bɔ ə hvilɛn búlú, mąąnɛ̨ɛ̨ ə mą́ą́ mɛ̨nį hviɛlaɓo ə dɛɛ gaa nuą diɛ, ə dɛɛ nɛ̨ą ɓa da lonnii, ə dɛɛ gaayɔɠaa diɛ, ə mą kɛ gbɔwɔ kpinįi mąą mɛ̨nį. Nui a wala yili kɛ tii, a kɛ tii hva pɛli kɛi a nwɔ́ kalan non ta.

Nui a wala gbɔwɔ ŋą kolɔwa həɠə hvo hvilɛn búlú, mąą nu hva pɛli kɛi a nwɔ́ kalan non ta.

Mąąhɔlɔɓo, nui lɔpee a gbɔwɔ kɛnɛ̨, da mąą yɛɛ. Nui a gbɔwɔ mąą yɛɛ, da gɛnɛ̨.»

Jesus yɛ nwɔ̨nɔ̨ diɛ: «Yili ɓə gaa mą, ka ta hva pɛli kɛi a nwɔ́ kalan non, akɛ hvo lənə li gbɔwɔ ɓa da ɉɔlɔɓo hɛnŋąą kəlee.»

«Ká nɛlɛ ɓə, a kɛ yɛ ə pɛlɛ kɛnɛ̨ tɔɔ, hva gbɛa hee, hvo giliŋąhiɛ, akɛ hɛn gaa ɲəi a pɛli góló tii kɛi ə naa kulɔ. Awala kɛ tii, a bɛlɛ kɔ́wɔ tɔɔ, hva nąą kulɔ. Nuą da nąą kaa ɲəi, da yɛlɛ kulɔ ɉu. Diɛ kɛ mą: ‹Ɉulɔnui ŋɛ̨i aa pɛlɛ kɔ́wɔ tɔɔ, hvo naa kulɔ li.›

Kɛlaa, yaa kɛi nuą təli hɛli kɔ̨nɔ̨n ma, gɛ a yeehvowolo nuą, kpɛɠii ɲɔ̨n gɛ nuą, kɔ́wɔ nwaną nuą da ɲɛ̨ipu nuą. Akɛ yá yili kɛ, nwun na nɛ̨ɛ̨mun maa a yɛ́. Mąąhɔlɔɓo, hɛn da hvo di yəi, di hvo gwələ kulɔi. Kɛlaa da gwələ kulɔ yɛ́ a telmo nuą nwun ɲələ, diɛ kulɔ haaɓɛlaa lɔwai.»

«Kpolo nɛ̨ɛ̨i. Kɛlaa, akɛ kpolo leen a kpɛɛ mą, lə ɓə da da neen na? Hvo kɛa a pɔlɔ lɛlɛ hɛn, hvo nwɔ̨nɔ̨ a tulun bɔlɔ; bili lɔ ɓə da mo. Nui mɛ̨nį mɛ̨n nwəli kaa mą, ə mɛ̨n a nɛlɛɛ.»