Gewilde Bybelverse vanaf Jesu koty rewarà kõ 19

Deel

A'evo remẽ Pauru wapytepyy kõ. Ameve Janejare'e 'Ãg oike ipy'a kõ pupe ky'y. Ãmẽ ãmõ yvy yvy wãnà kõ ayvu rupi oporegeta Janejare'e moe'e kupa, Janejare'e 'Ãg kasia rupi. Wemikuwa e'ã rupi oporegeta kupa. Janejare'e ayvu omojenu teve jane kõ pè kupa ky'y, Janejare'e 'Ãg omojenuoka ijupe kõ maekwerà.

Ãmẽ Pauru Epesu taa pè ekoi remẽ, marama tè ekoi, Janejare'e 'Ãg kasia rupi ipi. [Poromokatu ipi. Ãmõ, ãjãg kõ omoisyry ojimoemija ee mãe kõ wyi ipi. Wãisõ ekoi.] Ajawyi jane kõ oo Pauru resa remẽ, kamisa rovajarerà Pauru remimõtãgwerà werojivy itekorã mãe kõ tojipy ee okatua rõmõ ipi. Ãjãg kõ ve oẽ oo oo iwyi kõ ipi. Janejare'e 'Ãg kasia rupi tè a'evo.

Ajamã'ẽ ãjãgai kõ noerovija kõi. Okuwa Jesu koty rewarà kõ rõwã kupa. Ajawyi noerovijai ãjãg kõ. Wayvuvaja kõ kõrijõ tè. – Akuwa Jesu ije! e'i ãjãgai. Ãmõ, Pauru teve eremikuwa! e'i. Ava kõ pejẽ ãmẽ? Napeayvukasi oreupe! e'i kõrijõ ãjãgai ijupe kõ.