Gewilde Bybelverse vanaf Jesu koty rewarà kõ 13

Deel

Ãmõ remẽ a'e kõ ojimoaty Janejare'e moe'e kupa upa. Nojimi'ui rã'ĩ tesõ iko kupa, oporegeta ijupe kupa upa remẽ. Ãmẽ Janejare'e 'Ãg oporegeta ijupe kõ. Kee e'i ijupe kõ: – Aã kõ tapemonooka eayvu mojenuarà kõ rõmõ. Panape. Ãmõ, Sauru. Mokopejõ, e'i. A'evo ekoi ãmẽ kupa. Janejare'e pè oporegeta wemimono rã kõ rè kupa. Nojimi'ui rã'ĩ tesõ iko kupa a'evo ekoia rã mẽ. Ojipoinõ wemimonoarà rã kõ ãkãg 'aryvo kupa, Janejare'e tomokasi kõ. Sauru. Ãmõ, Panape. A'evo wereko kõ imono kupa.

Jesu rè janerako'i mã'ẽ rupi kõrijõ tè janeaiwererà nikasi'ãi janeupe ky'y. “Ivo mã'ẽ tè ene”, e'i Janejare'e janeupewarà mõ ãmẽ ky'y. Tãmõ Moisesi remikusiwarerà ivo tekoua rewarà rè janerako'i remẽ, manyvo nija'e'ãi “ivo mã'ẽ” te'i janeupe. Ikasi jẽtà janeaiwererà janere.

kee e'ipa Janejare'e oreupe rewarà mõ: “Poroyape mã'ẽ vo poroinõ, ãwisõ poroereko katua tapemojenu jenu erokwa pirujẽ jane kõ pè, pirujẽ yvy yvy wãnà kõ pè”, e'ipa rewarà mõ. Aekwerà rupi katu tè oroikotà ãmẽ ky'y, e'i kupa.