Gewilde Bybelverse vanaf Matiunu 13

Deel

Anama Godinu sina nauteda iwata utasuba dawa Godinu gaukara utasu. Mui amarama Godinu gaukara derawere utasu yawietana wani aderedi (100) ari utasu. Mui amarama Godinu gaukara deranono utasu yawietana sikisiti (60) ari utasu. Mui amarama Godinu gaukara kikiratu utasu yawietana toti (30) ari utasu, Yesuma wei.

Anama Godinu sina nauteda danu ununa aika maika imueta danu ununa ibaiabai derawere munasuba i sinanu daba garari utasuro i sina tai uwanawa utasu. Ina i ruru ubarero itata yo ari.

I ubina eno, anama Godinu yawotasu sina nauteda iwawa utasuna seitanima farasute i sina i amaranu neno ubareroma ma dare munasu. Ina i dabaro itata yo ari.

Anama Godinu sina nauteda yaru utasute danu nauetana derawere me, fuyaratu i yo ini ari, iba moana kowaro nautasuro Godinu sinaba awe uyareta farasuro i amarama Godinu sina sau ekodasu. Ina i gebiro duboro itata yo ari.

Yesuma wei, Godinu ure yawotasu ewa sina ari. Mui amarama mui waiyaro feare oitaro ibi i oi derawere daurite eri. I oi daure erite nono sakaima ma tafure odite ani. Suro ane farite danu ibaiabai nesia oiya ue maite oi munite nono i nasini oiya ui wei.

Moana yo kobere nasiniro itatate waraegou utate tai faiyawere uwata. Tai demurairoma tai wani aderedi (100) uwani. Mui tai demurairoma tai sikisiti (60) uwani. Mui tai demurairoma tai toti (30) uwani weite wei, ya ome bobo uwarana Nanu sina nauegou uawe wei.

Weitaro wei, me, da ma rerefoita. Eno ufoitana moana uitini ma rerefoitoba ekodiawero uitini uruini uruama warafitate ayo ufitaitana i uiti muneta uwaraba eno wemau, i uru botai ma rereawete inaro yafoe utedana tobo uawe. Tobo uawete nono duburo i ba uiti ma rereawete nanu ieta oeta suro odiawe wemau wei. Yesuma i kasei sina eno wei.