Gewilde Bybelverse vanaf JOHON 6

Deel

Jisu ngi mhin inni theda, “Neia rinkhu thenpen ava ping; Nei kihin karvang miia mpoi tham nime, ungu Nei mikrin kcha miia mning kraal nime.

Rinkhu kpii ava pthla, daksaa ava do ksi pme; Neiji ahin thaanni kdo the pauna rek ava pthla ungu rinkhu.

Kmaang chrangki tummi nong lou maan, pdainu Mii Chapa ngi ado tpiik chaak raan, kṭuw knai ma rinkhu ado phaak chaak raan ki tummi alou in, mleija Mma leenni Isowr ri kbiinam namda mdo piik dok.

Mleija Mchapa deida ungu Mma hin krin cha mii pum ktai ava kṭuw knai ma rinkhu kpha chra; ungta mṭutna nitti Neiji pring pardel nikdi, hava Nei Kpah plungbin.”

Jisu ngi mhin inni arthawngda, “Mma ngi mdosii Mii ava naanni arin chaak inbi, hava Isowr nong.”

Kpah do piik mkheng Nei kihin karvangra; ungta Mma hinni karvang mii ava Neiji reipthi nimaang.

Simon Pitor ri Mhin arthawng da, “Mukpu ku hin sun nikaan da? Kṭuw knai kma ki rinkhu pauna pda Nang ngi thloi ti

Neia parwaanki kurjung ṭum kring thenpen ava ping; ku mii khatti hava mchaakbi, kṭuw knaima kringra; ungta dultipaam tumra kdo piik thenpen ava Nei kdaksaa.”

Nei mju ksii Kpah dohowl kma donle, ku khat lee ngi Nei kihinni arvang nime; ungta mṭutna nitti Neiji pring pardel nikdi.

Mleija Isowr thenpen na parwaanki kurjung, ungta dultipaam thung ngi rinkhu mdo piik.”

Neia rinkhu thenpen ava ping.

Ava dilli Jisu ngi thenpen louda, Mma ngi mpanpaak dok dilli, ko kong mii rek hin them pik lamda; mmaan dongei ja ngi tuwlva ruk anto tlo lamda. Ungta mmaanni poi kpa ngi mmaal dok inle, msiikhu rek hin Mma ngi theda, “Kekleem kṭikka kma liit kma apurkuk dok in.”

Mmaanni meel kdum mdit mata plii arveel arkuwng tunni mvan slii arlaanni, truwn leen Jisu chetda arkuwng ktongtha mnai dei lamda, kdung ngi piir chlamda, Pdainu Mma ngi mhin inni theda, “Nei ping, ṭi maan.”