Gewilde Bybelverse vanaf IRPHUTNA 3

Deel

Khanchu nupangnu khan thing ra kha fâk thei zât a nih ti le mit lâktak a nih ti le, mihai invârtir theitu thing ra irzukom tak a nih ti an hriatin chu, a ra senkhat irhmalin a fâk tâka; khan, a pasal khom a pêka a fâk sa tâka.

Khan RENGPA Pathianin ramsa a isiam murdi laia mirûl hi a vâr irlet tak a nia. Khanchu mirûlin nupangnu kuang khan, “Pathianin irhuana thing rahai hi nin ifâk hrang ni mah a iti ma ni?” a tia.

Khan, nang le nupang hi nangni irdoitir ki ta, ni’rchihai le a’rchihai khom la’rdoitir ki ti: kha khan ni lu zêmirnôitir a ta, nangin a ke ârtui lei inchuk pe ni ti,” a tia.

Nupangnu kuang khan, “Ni dengtheina le ni nâi vongna kha a saterengin nang inpungtir pe ki ta; intak takin nâi nei ngai ni ta; khannisianlân ni nuamlam chu ni pasal tiang ni a ta, ama khan ni chunga ircham nei ngai a ti,” a tia.

Khan, irnênga ni kîr nôk mâka chu ni hmâia irthântui luang zon zonin bu ne ta ni ti; irnêng pil ata lâksuak ni ni sikin: Pil ni nia, pila dên ni ikîr nôk hrang a ni,” a tia.

Khan, Adama kuang khan, “Ni dôngma thu ni zôm ta, thing inkhat, ‘A ra ni ifâk hrang ni mah’ tia thu nang ki ipêk kha, a ra ni fâk sikin irnêng hi nangma sikin khosâl tongin a iom tâk a ni; ni dam sûngin intak taka sinin a ra kha fa ta ni ti.

Khan, ama khan, “Korongboi ni nih ti tu’n mo nang a inhril? Thei ra faloi hrang tia nang ki ihril kha ni ifâk tâk ma ni?” a tia.

Khanchu, mihriam kha an hnotsuak tâka; khan, hringna thing lampui kha enkol hrangin Eden irhuan nisua tiang pang cherubhai le mei khandai irvêl lop lop kha an omtir tâka.

Khan, Adama khan a dôngma kha mihring murdihai nu a ni sikin a’rhminga Evi a tia.