Gewilde Bybelverse vanaf MATTHEW 7

Deel

Sain lah, odese ninthane ri ma, smai lah, odese nisi mai ma

Derga dho lah, nisi ne khuru ri nang. Sere sain du, bo mai nang; sere smai du, bo nu nang; sere derga khe dho du, bo khuru rijao ma se.

Sere ani ebo grao buthu khe khna hi mani du, subung girikyaba, longthai basao ha noh dangyaba jang suhi grao thi du.

Odebani, khrip jadi malai nisi ni basao ha bonsi dang ma nangjaoba lai, malai ni basao habo nisi dang lah. Bede thikhade ebo ning dara ode gorasalirao ni grao ja kha.

Hayu ni lama ha thangyaba dergade khasi bi, boni lama bo gepheyaba se. Bokhe nuyarao bo gijisa se ning.

Derga khasiba ha hap lah. Jamyaba ha thangyaba dergade de bi, boni lamabo war bi. Ojang gede thangyababo gabang bang bi.

Odehe, nisi subung phaphi ning jar ni basathu ne hamba jinis riba ring kha la, nisi ni bupha sorgo ha dongyaba la boni ha sainyarao ne bo hamba jinis ri nang niya?

Ning malai khe gajai ha da ri, ning khebo gajai rima se. Bede thikhade ning bede malai khe gajai riba, olei ning ningbo gajai ri jaoma se, ar ning snadi jang suba, bo suyaba jang ning ningbo sujao ma se.

Odehe, sere ani ebo grao khe khna hi maniya, bode subung gibir, hajeng basao ha noh dangyaba jang baosi se thi hi suhi thi du.

Snadi jabani jar ni muthai ha muphin gedeba dongyaba khe nuya hi malai ni muthai ha muphin basasa dongyaba khe ning nu ba? Ning jar ni muthai ha ning muphin gedeba dongyaba khe nuya hi nini daphlung ni muthai ha muphin dongyaba khe ‘a ne khaikho ri lah’ thi hi ning bede thiphu ba?

Gorasali mosol ni phrang girik hi dong lah, bo buthu de melma bugur khe phin hi nisi niha phai re. Thikhabo bonsi ni bising hade rasa haslarao lai se. Bonsi khe bonsi ni dongthai ha ning nisi tharmai nang. Busuh gnang biding ni bedep ha grep bathai thai re? Busuh gnang biding ha thaikhrao thai re?

Olei jasosi ning bongphang hamba de boni bathai ham re; thikhabo, bongphang hamyayaba de boni bathai bo hamya re.

Bongphang hamba de boni bathai hamya jaya. Bongphang hamyayaba de boni bathaibo hamya re.

Khrip bongphang hamsi bathai thaiya khade dainphai hi, wai ha dangsing jao re.