Gratis leesplanne en oordenkings oor HEBREËRS 10:35

So baie van ons huiwer tussen onsekerheid en valse vertroue. Hierdie 4-dag leesplan van Life.Church sal vir jou 'n nuwe grondslag vestig in vertroue op God. Begin lees uit deel ses van die reeks "Bly Positief" wat uit ses gedeeltes bestaan.

Voel jy soms dat jy nie weet wie jy is nie of etikette dra wat nie by jou pas nie? Dalk sukkel jy om die regte "jy" te vind en uit te leef. Hierdie leesplan is 'n reis deur Die Woord en vertel vir jou hoe om al die etikette af te gooi en 100% jy te wees. Begin vandag en leer hoe om jou identiteit uit te leef!

Om met God te wandel is nie maklik nie. Wanneer ons kies om God met ons hele hart te volg, word dinge moeiliker. Wat hou ons op hierdie pad? Hoekom kies ons om saam met Hom op reis te gaan? Die antwoord: JESUS IS GROTER! In hierdie leesplan, die sesde van nege, op ons reis deur Hebreërs, sien ons hoe ons lewe saam met Jesus uitdagend kan en sal word. Om vas te hou is dalk nie altyd maklik nie, maar dit sal die moeite werd wees. 

God maak sy kerk wakker, en ons moet die geheelbeeld begin sien. Wanneer tye moeilik raak, sal ons in die versoeking kom om tou op te gooi. Dit is egter nie nou tyd om moed te verloor nie. Sluit by ons aan terwyl ons leer hoe om die tye waarin ons is te verstaan, asook om strategieë te verkry hoe om op te staan en die koninkryk van God te bevorder.

Wag jy vir God om jou gebede te beantwoord? Gaan die dae, maande en jare verby sonder enige bewys dat jou diepste verlangens ooit vervul sal word? Indien wel, is jy nie alleen hierin nie. Sluit by Dr. Charles Stanley aan wanneer hy sy persoonlike ervarings en Bybelse beginsels gebruik om aan jou bemoediging te bied wanneer dit voorkom of alle hoop verydel is. Hy wil jou leiding gee en help om God se uitstel periodes te benut.

Duik dieper. Swem verder. Hierdie 14-dag leesplan vir tieners stel jou in staat om jou geestelike lewe te verryk. Dit skep geleentheid dat jy dieper in die Woord van God kan delf en deur die daaglikse dagstukke geïnspireer kan word.

Rolene Strauss, voormalige Mej. SA en Mej. Wêreld, wil jóú help om te leer “nee” sê ... “Nee” vir almal wat sê jy is nie goed genoeg of mooi genoeg nie, “Nee” vir jouself wanneer jy jou vergelyk met ander en te krities is oor jouself. Gee jou selfvertroue ’n hupstoot in 14 dae saam met Rolene. Hierdie plan is saamgestel uit Rolene Strauss se dagboek VANUIT DIE HART.