Quechua, Panao Huanuco - 2009 Edition (NT) Drama

Quechua, Panao Huanuco - 2009 Edition (NT)

<div class="version vid457 iso6393qxh" data-vid="457" data-iso6393="qxh">
 <div class="book bkLUK">
 <div class="chapter ch17" data-usfm="LUK.17">
 <div class="label">17</div><div class="s">Juchaman mana &#263;hayananpaj pi&#241;apashan</div><div class="r">San Mateo 18.6&#8211;7, 21&#8211;22; San Marcos 9.42</div><div class="p"> 1Pur&#239;shijnincunata Jes&#250;s niran: &#171;Imallapis canga runa juchaman &#263;hayananpaj. Chaypis juchaman jan&#263;hacujcunata chigaypa Tayta Diosninchi &#241;acachinga. 2Wamra-jina llapan shungunwan nuwaman yupachicujcunata juchaman jan&#263;hajcunaga wa&#241;uyman &#263;hayachun. Jatun-caray marayta cuncanman wallgaparcur, yacu ruri-ruricaman wicaparinman. 3Chaymi juchaman ama jan&#263;hanacunquichu.</div><div class="p">&#171;Runa-masiqui juchata aparicuptin, pi&#241;acunqui. Pi&#241;acushayquita wiyacuptin, allina ricanacunqui. Juchanta ama yarparanquinachu. 4Juc junajlla&#263;hu jan&#263;his cutipis juchata aparicuriycur: &#8249;Mana llutanta rurash&#228;nachu&#8250; nishuptiqui, imaypis junganquiman. Alli &#241;awiquiwan ricanquiman.&#187;</div><div class="p"> 5Ca&#263;hancuna Tayta Jes&#250;sta ma&#241;acuran: &#171;Tayta, llapan shung&#252;wan yupachicunajpaj yanapaycall&#228;may&#187; nir.</div><div class="p"> 6Jes&#250;sna niran: &#171;Yangallapis yupachicur, tagay jatun y&#252;rata ninquiman: &#8249;Caypita washaman witicuy.&#8250; Niptiqui &#228;nir, llupic&#228;cur jatun yacu p&#252;sucamansi witicaramunman.</div><div class="p"> 7&#171;Piyuncuna yapyashanpita, michipacushanpita &#263;hayaptin, patrun manash ninchu: &#8249;Jamacuy. Micushun.&#8250; 8Manch&#228;ga nin: &#8249;Canan yanucaraycamuy. Micucurcupt&#239;raj, micunqui.&#8250; 9Nishanta llapanta ruraptinsi, manash ninchu: &#8249;Ima allish yanap&#228;mashcanqui.&#8250; 10Chay-jina jamcunapis Tayta Diosninchipa maquin&#263;hu cawarcaycanqui. Shungun munashanta rurar, ninquiman: &#8249;Tayta Diosninchipa maquin&#263;hu cawayc&#228;. Nimashallanta imatapis rurashc&#228;.&#8250; &#187;</div><div class="s">&#262;huncaj jara&#263;hu jishyawan jishyajcunata Jes&#250;s allchac&#228;chishan</div><div class="p"> 11Jerusal&#233;n marcaman aywar, Galilea uranpa, Samaria uranpa Jes&#250;s yarpuran. 12Juc marcaman &#263;hayaycaptin, &#263;huncaj jara&#263;hu jishyawan jishyajcuna ricaripuran. 13Carullapita jayacuran: &#171;Tayta Jes&#250;s, llaquipaycall&#228;may, ari. Allchacaycachill&#228;may&#187; nir. 14Jes&#250;sna niran: &#171;C&#252;racunaman ayway. Allchacashayquita ricachiy.&#187; C&#252;raman aywaycashallan&#263;h&#252;na jara&#263;hu jishyawan jishyajcuna &#228;nir allchac&#228;curan.</div><div class="p"> 15Jucnin allchacashanta tantiyacurir, cushish cuticullaran. Sumaj wiy&#228;chipaypa Tayta Diosninchita alliman &#263;huraran: &#171;Taytallau Tayta, ima allish llaquip&#228;mashcanqui&#187; niycar. 16Jes&#250;spa &#241;aupanman &#263;hayar, jungurpacuycuran: &#171;Tayta Jes&#250;s, ima allish allchac&#228;chimashcanqui&#187; nir. Jes&#250;sman cutij runaga Samaria runa caran.</div><div class="p"> 17Jes&#250;sna juturajcunata tapuran: &#171;&#191;Manachu &#263;huncaj jara&#263;hu jishyawan jishyajcuna allchacasha? Waquin, &#191;maytaj? 18&#191;Cay j&#228;pa runallachu Tayta Diosninchita alliman &#263;huran? Waquinga Israel runa caycarsi, Tayta Diosninchita jungaycusha&#263;hi&#187; nir. 19Jungurparaj j&#228;pa runata niran: &#171;Jatariy. Yupachicamashayquipita allchacashcanqui. Aywacuyna.&#187;</div><div class="s">Tayta Diosninchipa maquin&#263;hu cawaypita tantiyachishan</div><div class="r">San Mateo 24.23&#8211;28, 36&#8211;41</div><div class="p"> 20Waquin fariseucuna Jes&#250;sta tapuran: &#171;&#191;Imaypitataj Tayta Diosninchipa maquin&#263;hu cawashun?&#187; nir. Jes&#250;sna niran: &#171;Maquin&#263;hu cawashanchita musyananchipaj mana Tayta Diosninchitar&#228;chu ricananchi. 21Mana pipis ninmanchu: &#8249;Cay&#263;hu runacunata maquin&#263;hu puriyc&#228;chin. Washa&#263;hu maquin&#263;hu puriyc&#228;chin.&#8250; Mana ricarpis, waquinninchi Tayta Diosninchipa maquin&#263;hu cawarcaycanchi.&#187;</div><div class="p"> 22Jinarcur pur&#239;shijnincunata Jes&#250;s niran: &#171;&#209;acay captin, maqu&#239;&#263;hu cawap&#228;riytasi munanquipaj. Wash&#228;najtapis munanquipaj. Chaypaj Tayta Diosninchi ca&#263;hamasha. Ichanga mana ricamanquip&#228;nachu. 23&#8249;Tayta Diosninchipa ca&#263;han cay&#263;hu caycan&#8250; nishuptiquisi: &#8249;Washa&#263;hu caycan&#8250; nishuptiquisi, ashij ama aywanquichu. 24Cutimupt&#239;, illaguta llapan ricashan-jina llapan runa ricamanga. 25Chaypis cananllaraj runacuna wasguimanga. &#209;acachir ushyamanga.</div><div class="p"> 26&#171;Sumaj tantiyacunquiman. Tayta Diosninchi ca&#263;hamasha. Yapay ca&#263;ham&#228;nan wichan runacuna cawashanwan cawarcaycangapaj. No&#233; cawashan wichanpis runacuna chaynuy cawarcaycaran. 27L&#252;cu tamya mana jallarishancaman runacuna cawashanwan cawacurcaycaran. Jaucalla micucurcaycaran. Upucurcaycaran. Waquinpis majachacaycaran. B&#252;timan No&#233; jigacurcuptinmi ichanga, l&#252;cu tamya jallacuycuran. Yacu limbucurcuptin, llapan runa shugupacaypa wa&#241;uran. 28Lot cawashan wichanpis runacuna cawashanwan cawarcaycaran. Cushish micucuran. Upucuran. Rantipacuran. Murupacuran. Wasintapis rurapacuran. 29Sodoma marcapita Lot llucshicuriptinmi ichanga, nina tamya jallacuycuran. Llapan runata ushyaran. 30Tayta Diosninchi ca&#263;hamaptin, cutimush&#228; junajpis runacuna cawashanwan cawarcaycangapaj.</div><div class="p"> 31&#171;Chay junaj wasi punculla&#263;hu caycarsi, ruriman ama yaycunmanchu. Imancunatapis ama jurgunmanchu. &#262;hacrapitapis wasiman ama cutinmanchu. 32Lotpa warmin imaman &#263;hayashanta jungarunquiman. Payga jipaman ticr&#228;rishan&#263;hu ca&#263;hi rumiman ticracuriran. 33Pipis shungun munashallanta rurar, ushyacayman &#263;hayangapaj. Shim&#239;ta wiyacurmi ichanga runa &#241;acachiptinsi, wa&#241;uchiptinsi, imaycamanpis Tayta Diosninchipa maquin&#263;hu cawangapaj.</div><div class="p"> 34&#171;Chay junaj juc c&#228;malla&#263;hu ishcaj pu&#241;uycaptin, juc-cajllata shuntacushaj. Jucnintam ichanga jaguiycushaj. 35Ishcaj warmi agacurcaycaptinpis, juc-cajllata shuntacushaj. Jucnintam ichanga jaguiycushaj.&#187;#17.35 Waquin Biblia&#263;hu yapasha: &#171;Ishcaj runa arupacuycaptin, juc-cajllata apacushaj. Jucnintam ichanga jaguiycushaj&#187; nir.</div><div class="p"> 36Chaura pur&#239;shijnincuna Jes&#250;sta tapucuran: &#171;&#191;Maymantaj cutimuj aywanqui?&#187; nir. 37Jes&#250;sna niran: &#171;Rimaypis purin. &#8249;Siucacunash micunanta ricar, maymanpis jutucan.&#8250; Cutimush&#228;tapis llapan runa mayanga.&#187;</div>
 </div>
 </div>
</div>

Purïshijnincunata Jesús niran: «Imallapis canga runa juchaman ćhayananpaj. Chaypis juchaman janćhacujcunata chigaypa Tayta Diosninchi ñacachinga. Wamra-jina llapan shungunwan nuwaman yupachicujcunata juchaman janćhajcunaga wañuyman ćhayachun. Jatun-caray marayta cuncanman wallgaparcur, yacu ruri-ruricaman wicaparinman. Chaymi juchaman ama janćhanacunquichu.
«Runa-masiqui juchata aparicuptin, piñacunqui. Piñacushayquita wiyacuptin, allina ricanacunqui. Juchanta ama yarparanquinachu. Juc junajllaćhu janćhis cutipis juchata aparicuriycur: ‹Mana llutanta rurashänachu› nishuptiqui, imaypis junganquiman. Alli ñawiquiwan ricanquiman.»
Caćhancuna Tayta Jesústa mañacuran: «Tayta, llapan shungüwan yupachicunajpaj yanapaycallämay» nir.
Jesúsna niran: «Yangallapis yupachicur, tagay jatun yürata ninquiman: ‹Caypita washaman witicuy.› Niptiqui änir, llupicäcur jatun yacu püsucamansi witicaramunman.
«Piyuncuna yapyashanpita, michipacushanpita ćhayaptin, patrun manash ninchu: ‹Jamacuy. Micushun.› Manchäga nin: ‹Canan yanucaraycamuy. Micucurcuptïraj, micunqui.› Nishanta llapanta ruraptinsi, manash ninchu: ‹Ima allish yanapämashcanqui.› Chay-jina jamcunapis Tayta Diosninchipa maquinćhu cawarcaycanqui. Shungun munashanta rurar, ninquiman: ‹Tayta Diosninchipa maquinćhu cawaycä. Nimashallanta imatapis rurashcä.› »

Jerusalén marcaman aywar, Galilea uranpa, Samaria uranpa Jesús yarpuran. Juc marcaman ćhayaycaptin, ćhuncaj jaraćhu jishyawan jishyajcuna ricaripuran. Carullapita jayacuran: «Tayta Jesús, llaquipaycallämay, ari. Allchacaycachillämay» nir. Jesúsna niran: «Cüracunaman ayway. Allchacashayquita ricachiy.» Cüraman aywaycashallanćhüna jaraćhu jishyawan jishyajcuna änir allchacäcuran.
Jucnin allchacashanta tantiyacurir, cushish cuticullaran. Sumaj wiyächipaypa Tayta Diosninchita alliman ćhuraran: «Taytallau Tayta, ima allish llaquipämashcanqui» niycar. Jesúspa ñaupanman ćhayar, jungurpacuycuran: «Tayta Jesús, ima allish allchacächimashcanqui» nir. Jesúsman cutij runaga Samaria runa caran.
Jesúsna juturajcunata tapuran: «¿Manachu ćhuncaj jaraćhu jishyawan jishyajcuna allchacasha? Waquin, ¿maytaj? ¿Cay jäpa runallachu Tayta Diosninchita alliman ćhuran? Waquinga Israel runa caycarsi, Tayta Diosninchita jungaycushaćhi» nir. Jungurparaj jäpa runata niran: «Jatariy. Yupachicamashayquipita allchacashcanqui. Aywacuyna.»


Waquin fariseucuna Jesústa tapuran: «¿Imaypitataj Tayta Diosninchipa maquinćhu cawashun?» nir. Jesúsna niran: «Maquinćhu cawashanchita musyananchipaj mana Tayta Diosninchitarächu ricananchi. Mana pipis ninmanchu: ‹Cayćhu runacunata maquinćhu puriycächin. Washaćhu maquinćhu puriycächin.› Mana ricarpis, waquinninchi Tayta Diosninchipa maquinćhu cawarcaycanchi.»
Jinarcur purïshijnincunata Jesús niran: «Ñacay captin, maquïćhu cawapäriytasi munanquipaj. Washänajtapis munanquipaj. Chaypaj Tayta Diosninchi caćhamasha. Ichanga mana ricamanquipänachu. ‹Tayta Diosninchipa caćhan cayćhu caycan› nishuptiquisi: ‹Washaćhu caycan› nishuptiquisi, ashij ama aywanquichu. Cutimuptï, illaguta llapan ricashan-jina llapan runa ricamanga. Chaypis cananllaraj runacuna wasguimanga. Ñacachir ushyamanga.
«Sumaj tantiyacunquiman. Tayta Diosninchi caćhamasha. Yapay caćhamänan wichan runacuna cawashanwan cawarcaycangapaj. Noé cawashan wichanpis runacuna chaynuy cawarcaycaran. Lücu tamya mana jallarishancaman runacuna cawashanwan cawacurcaycaran. Jaucalla micucurcaycaran. Upucurcaycaran. Waquinpis majachacaycaran. Bütiman Noé jigacurcuptinmi ichanga, lücu tamya jallacuycuran. Yacu limbucurcuptin, llapan runa shugupacaypa wañuran. Lot cawashan wichanpis runacuna cawashanwan cawarcaycaran. Cushish micucuran. Upucuran. Rantipacuran. Murupacuran. Wasintapis rurapacuran. Sodoma marcapita Lot llucshicuriptinmi ichanga, nina tamya jallacuycuran. Llapan runata ushyaran. Tayta Diosninchi caćhamaptin, cutimushä junajpis runacuna cawashanwan cawarcaycangapaj.
«Chay junaj wasi puncullaćhu caycarsi, ruriman ama yaycunmanchu. Imancunatapis ama jurgunmanchu. Ćhacrapitapis wasiman ama cutinmanchu. Lotpa warmin imaman ćhayashanta jungarunquiman. Payga jipaman ticrärishanćhu caćhi rumiman ticracuriran. Pipis shungun munashallanta rurar, ushyacayman ćhayangapaj. Shimïta wiyacurmi ichanga runa ñacachiptinsi, wañuchiptinsi, imaycamanpis Tayta Diosninchipa maquinćhu cawangapaj.
«Chay junaj juc cämallaćhu ishcaj puñuycaptin, juc-cajllata shuntacushaj. Jucnintam ichanga jaguiycushaj. Ishcaj warmi agacurcaycaptinpis, juc-cajllata shuntacushaj. Jucnintam ichanga jaguiycushaj.»
Chaura purïshijnincuna Jesústa tapucuran: «¿Maymantaj cutimuj aywanqui?» nir. Jesúsna niran: «Rimaypis purin. ‹Siucacunash micunanta ricar, maymanpis jutucan.› Cutimushätapis llapan runa mayanga.»

Luister na San Lucas 17