If you would like a copy of this version please contact info@davaraudiobibles.org

The Matengo New Testament © The Word for the World. Matengo New Testament ℗ 2024, Davar Partners International.

Matengo New Testament

<div class="version vid3941 iso6393mgv" data-vid="3941" data-iso6393="mgv">
 <div class="book bkLUK">
 <div class="chapter ch23" data-usfm="LUK.23">
 <div class="label">23</div><div class="s">Yesu bumpeleka kwaka Pilatu</div><div class="r"> Matei 27:1-2, 11-14; Maluko 15:1-5; Yohana 18:28-38</div><div class="p"> 1Ndipala boka batenda kujema, nu kumpeleka Yesu kwaka Pilatu. 2Batumbuliya kuntakii koni bakapwaga, &#8220;Tunkoli mundu ajo jaahoa bandu biito kwa malobi gisoli. Jaakana bandu kulepa kodi kwaka nkolongu juku Loma, jupwaaga jombi ndi Kilisitu, Bambo nkolongu.&#8221;</div><div class="p"> 3Pilatu andalukiya Yesu, &#8220;Boo, we lee Bambu Nkolongu wa Ayaude?&#8221;</div><div class="p">Yesu jajibua, &#8220;Ngati egupwagiki weapa.&#8221;</div><div class="p"> 4Ndienu Pilatu jaapwagila agolu akolongu nu nsambi wa bandu bala, &#8220;Ngase nilibweni likosa lokapi lejutei mundu jonzo.&#8221;</div><div class="p"> 5Lakini bombi bahingamaki ngamaa koni apwaaga, &#8220;Kupetea mabolee gaki jaakwelake bandu baabii ku ndema juku Yudea. Jatumbuliya ku Galilaya mbaka kongo.&#8221;</div><div class="s">Yesu bumpeleka kwaka Helodi</div><div class="p"> 6Pilatu pajajogwa haga, andalukiya, &#8220;Boo, mundu hoju mwenei juku Galilaya?&#8221; 7Pilatu pajamanya Yesu jahumi mundema jejitawala Helodi, ampelika kwaka Helodi, jojabii ku Yelusalemu masoba gegala. 8Helodi pa ambona Yesu, jatogulii ngamaa ndaba masoba gingi japala kumbona. Jabia jujoini majambu gaki na japala jubona ndonduke kuhuma kwaki. 9Helodi andalukiya Yesu malobi gingi lakini Yesu ngasejajibwiki sokapi. 10Agolu akolongu na aka abola ba Malagalaki bajemiki pala, bumpikia Yesu magambu gingi kwa makili ngamaa. 11Helodi na alonda baki bunhengila Yesu liyaa nu kundongama. Bunhwatika ingobu ya sapi ngamaa ngati laka bambu nkolongu, nu kunkelabuu kwaka Pilatu. 12Tumbuka lisoba le leli, Helodi jabia nkosi waka Pilatu, kabula ja masoba gu munyuma batenda kusukiana.</div><div class="s">Yesu antemu kuwa</div><div class="r"> Matei 27:15-26; Maluko 15:6-15; Yohana 18:39-19:16</div><div class="p"> 13Ndienu, Pilatu jaakema pamu aka agolu akolongu, aka kilongosi na bandu, 14jaapwagila, &#8220;Mundetiki mundu ajoo kwangu ngati jojaakonga bandu. Ne nundaluki palongi jinu, lakini ngasenilibweni likosa lokapi lemuntakali. 15Najombi Helodi ahelahe ankelabwi mundu jonzo kwitu, ndaba ngasejilibweni likosa lake. Henu mundu jonzo ngase jatei sokapi sesunhenga kuwa. 16Henu nagalaki mundapula iboku, ndi mundekakiya jujenda.&#8221; 17Kila lisoba la tipati ja Pasaka, Pilatu jwayobali kundekake mpungwa jumu.</div><div class="p"> 18Lakini bandu boti bajamaliya pamwa, &#8220;Gunkoma mundu hoju, utubopuliya Balaba!&#8221; 19Balaba jabia mundu joankongiki mkipungu ndaba jukusababisa puju jejapiti kumusi nukukoma bandu.</div><div class="p"> 20Pilatu japala kundekake Yesu, henu jalongila nabu kabee. 21Lakini bombi bajamalya kwa sauti, &#8220;Mumbambaliya mu nsalaba! Mumbambaliya mu nsalaba!&#8221;</div><div class="p"> 22Pilatu jaapwagila kwa mala ja tatu, &#8220;Ndaba ja kike? Boo jutei likosa boo mundu we jone? Ngase nilibweni likosa lokapi leluntenda mbaka kunkoma. Henu nu ndapu iboku ya ndomondo nu kundekakela.&#8221;</div><div class="p"> 23Lakini bombi baendalya kujamali kwa sauti ngolongu ngamaa, bapala ambambaliya Yesu mu nsalaba. Kujamali kwabu buntenda Pilatu jujetakiya. 24Ndienu Pilatu jaamua sebapala bandu bala kihengika. 25Andekakiya mundu jobumpala jola, jobummbei mukipungu jojwatei puju nukukoma bandu na kwaapeke Yesu bunhengila seapala.</div><div class="s">Yesu ammbambika mu nsalaba</div><div class="r"> Matei 27:32-44; Maluko 15:21-32; Yohana 19:17-27</div><div class="p"> 26Pababia bumpeleka, baketangana na mundu jumu jobunkema Simoni, mwenei juku Kilene, jojabia juhuma ku litui. Ndipala bunkamula, buntweka nsalaba we gola ili jutotula su munyuma jaka Yesu.</div><div class="p"> 27Nsambi nkolongu wa bandu unkagula Yesu, pamu na aka mbomba bababia alobalake nu kundele Yesu. 28Yesu jaang'anumbukiya na kwaapwaagi, &#8220;Mbanganya mwa aka mbomba buku Yelusalemu, mwinele nenga, ila nndela ndaba jinu mwabeti na bana bino. 29Ndaba gahika masoba pabipwaga, &#8216;Nambanga banga akambonga banga kubeleka, banga kuwai kupata bana wala mabeli gangakujongesa bana!&#8217; 30Masoba ge haga, bandu pa biitumbuka kiipwagi itombi, &#8216;Mtuhabukiya!&#8217; Ni itombi isoku, &#8216;Mtuyelalya!&#8217; 31Ana bandu ahengiki hela ku nkongu mmbei, kwibia boo ku nkongu nzomu?&#8221;</div><div class="p"> 32Bandu bangi abeli bababii baahenga galiya baapeliki pamu na Yesu ili bakaabambaliya. 33Pabahika pandu pabapakema, &#8220;Lihupa lu Umutu&#8221; Ndienu bummbambaliya Yesu pamu na bababi baahenga galiya abeli bala kila mundu nu nsalaba waki, jumu upandi waki wamalele na jongi upandi waki wamangega. 34Yesu japwaga &#8220;Atati! Waalekakiya mahakahu gabu ndaba ngase amanyiki se ahenga.&#8221;</div><div class="p">Ndienu alonda bala bapega gudugudu ili kubagana ingobu yaki. 35Bandu babia ajemiki pala buku ndingalya, na akakolongu ba Ayaudi babia bundongama Yesu bakapwaga, &#8220;Jaakombwi bandu bangi, henu julikombula mweni, ana jombi ndi Kilisitu Nkombosi jojuhaguliwi na Sapanga!&#8221;</div><div class="p"> 36Ahelahe alonda batenda kundongama kabee, bunzendila nu kumpeke divai jejibabiki, 37nabombi bumpwagila, &#8220;Ana sakaka weapa Bambu Nkolongu wa Ayaudi, ulikombula wamwete!&#8221;</div><div class="p"> 38Panani ju nsalaba waki babia ahandiki malobi ganga, &#8220;Jonzo ndi Bambu Nkolongu jwa Ayaudi.&#8221;</div><div class="p"> 39Jumu jojabii jojuhenga galiya babaambalii mu nsalaba antondula Yesu nu kupwaga, &#8220;Weapa le nga wi Kilisitu? Ulikombula wamweti na twe utumbula!&#8221;</div><div class="p"> 40Lakini jojuhenga giliyaa jongi jola andakaliya nzaki juliyaa jola nu kupwagi, &#8220;Boo weapa ngase gunzogopa Sapanga? Wehapa bukutemu ngati jombi. 41Weapa na nepani bututemwi ngati ekupalika, ndienu tujopiki malepu ga mahengu gitu, lakini mundu jonzo ngasejatei sindu siliya.&#8221; 42Ndipala mundu jola ampwagila Yesu, &#8220;Waa Yesu, egwihika mu Ukolongu waku gwingombuka.&#8221;</div><div class="p"> 43Yesu japwaga, &#8220;Nugupwagi sakaka lelenu gwiibiya pamu nane pandu pa laha pabapakema Paladiso.&#8221;</div><div class="s">Yesu jukuwa punsalaba</div><div class="r"> Matei 27:45-56; Maluko 15:33-41; Yohana 19:28-30</div><div class="p"> 44Kwabiya saa sita lyoba mutu, lwahika lwii nndema gwooti mbaka saa tisa. 45Ndipala, lipazia la Nyumba jaka Sapanga lajenduka hipandi ibele. 46Yesu jajamaliya kwa sauti ngolongu, japwaaga, &#8220;Atati, Mwamaboku gaku nijibeka loho jango!&#8221; Ejapwaaga hela jwatendakuwa.</div><div class="p"> 47Nkolongu ja alonda miya moja juku Loma jola pajabona gagapiti, andumbaliya Sapanga nukupwaaga, &#8220;Sakaka mundu jonzo jabii jwaamboni.&#8221;</div><div class="p"> 48Bandu boka bababii ahikiki kulingali lijambu heli, pabagabona gagapiti, bajenda mwama nyumba gabu, koni abii nu usungu. 49Lakini bandu boti babummanyiki Yesu bajeema su kutali ili bagabona majambu ge haga. Kati jabu babii aka mbomba babunzengali Yesu kuhuma ku Galilaya.</div><div class="s">Yesu atenda kuntaga</div><div class="r"> Matei 27:57-61; Maluko 15:42-47; Yohana 19:38-42</div><div class="p"> 50Jabii mundu jumu, lihina laki Josepu jojahumi ku Alimataya musi uku Yudea. Mundu we hoju jwabii jwa amboni na jabii juhenga majambu ga amboni na jabia julendale Ukolongu waka Sapanga. 51Hata ngati Alimatayo jabii jumu kati ja akolongu ba pasengu ja Ayaudi. Lakini ngasejajetaki sebahenga ajake, 52Josepu jajenda kwaka Pilatu, kuloba nhyega jaka Yesu. 53Henu jahulua kuhuma pu nsalaba, jijiwatika sanda, jugubeka pilitenge lelabii ahembiki pi lilibu, lelule ngasebawaiki kuntaga mundu. 54Lisoba lee heli labii lijumaa, lisoba le heli labi lisoba lukutumbuli Lisoba lu Kupomulela.</div><div class="p"> 55Aka mbomba bala bababii ampwatiki Yesu kuhuma ku Galilaya bumpwata Josepu, na bilibona litenge lela na ebabei nhyega jaka Yesu. 56Ndipala babujaninya ku nyumba, baandia mahuta gaganungi sapi ili bijipakia nhyega jaka Yesu.</div><div class="p">Lisoba lu Kupomulela bapomulya ngati Malagalaki gaka Sapanga egapwaaga.</div>
 </div>
 </div>
</div>

Ndipala boka batenda kujema, nu kumpeleka Yesu kwaka Pilatu. Batumbuliya kuntakii koni bakapwaga, “Tunkoli mundu ajo jaahoa bandu biito kwa malobi gisoli. Jaakana bandu kulepa kodi kwaka nkolongu juku Loma, jupwaaga jombi ndi Kilisitu, Bambo nkolongu.”
Pilatu andalukiya Yesu, “Boo, we lee Bambu Nkolongu wa Ayaude?”
Yesu jajibua, “Ngati egupwagiki weapa.”
Ndienu Pilatu jaapwagila agolu akolongu nu nsambi wa bandu bala, “Ngase nilibweni likosa lokapi lejutei mundu jonzo.”
Lakini bombi bahingamaki ngamaa koni apwaaga, “Kupetea mabolee gaki jaakwelake bandu baabii ku ndema juku Yudea. Jatumbuliya ku Galilaya mbaka kongo.”

Pilatu pajajogwa haga, andalukiya, “Boo, mundu hoju mwenei juku Galilaya?” Pilatu pajamanya Yesu jahumi mundema jejitawala Helodi, ampelika kwaka Helodi, jojabii ku Yelusalemu masoba gegala. Helodi pa ambona Yesu, jatogulii ngamaa ndaba masoba gingi japala kumbona. Jabia jujoini majambu gaki na japala jubona ndonduke kuhuma kwaki. Helodi andalukiya Yesu malobi gingi lakini Yesu ngasejajibwiki sokapi. Agolu akolongu na aka abola ba Malagalaki bajemiki pala, bumpikia Yesu magambu gingi kwa makili ngamaa. Helodi na alonda baki bunhengila Yesu liyaa nu kundongama. Bunhwatika ingobu ya sapi ngamaa ngati laka bambu nkolongu, nu kunkelabuu kwaka Pilatu. Tumbuka lisoba le leli, Helodi jabia nkosi waka Pilatu, kabula ja masoba gu munyuma batenda kusukiana.


Ndienu, Pilatu jaakema pamu aka agolu akolongu, aka kilongosi na bandu, jaapwagila, “Mundetiki mundu ajoo kwangu ngati jojaakonga bandu. Ne nundaluki palongi jinu, lakini ngasenilibweni likosa lokapi lemuntakali. Najombi Helodi ahelahe ankelabwi mundu jonzo kwitu, ndaba ngasejilibweni likosa lake. Henu mundu jonzo ngase jatei sokapi sesunhenga kuwa. Henu nagalaki mundapula iboku, ndi mundekakiya jujenda.” Kila lisoba la tipati ja Pasaka, Pilatu jwayobali kundekake mpungwa jumu.
Lakini bandu boti bajamaliya pamwa, “Gunkoma mundu hoju, utubopuliya Balaba!” Balaba jabia mundu joankongiki mkipungu ndaba jukusababisa puju jejapiti kumusi nukukoma bandu.
Pilatu japala kundekake Yesu, henu jalongila nabu kabee. Lakini bombi bajamalya kwa sauti, “Mumbambaliya mu nsalaba! Mumbambaliya mu nsalaba!”
Pilatu jaapwagila kwa mala ja tatu, “Ndaba ja kike? Boo jutei likosa boo mundu we jone? Ngase nilibweni likosa lokapi leluntenda mbaka kunkoma. Henu nu ndapu iboku ya ndomondo nu kundekakela.”
Lakini bombi baendalya kujamali kwa sauti ngolongu ngamaa, bapala ambambaliya Yesu mu nsalaba. Kujamali kwabu buntenda Pilatu jujetakiya. Ndienu Pilatu jaamua sebapala bandu bala kihengika. Andekakiya mundu jobumpala jola, jobummbei mukipungu jojwatei puju nukukoma bandu na kwaapeke Yesu bunhengila seapala.


Pababia bumpeleka, baketangana na mundu jumu jobunkema Simoni, mwenei juku Kilene, jojabia juhuma ku litui. Ndipala bunkamula, buntweka nsalaba we gola ili jutotula su munyuma jaka Yesu.
Nsambi nkolongu wa bandu unkagula Yesu, pamu na aka mbomba bababia alobalake nu kundele Yesu. Yesu jaang'anumbukiya na kwaapwaagi, “Mbanganya mwa aka mbomba buku Yelusalemu, mwinele nenga, ila nndela ndaba jinu mwabeti na bana bino. Ndaba gahika masoba pabipwaga, ‘Nambanga banga akambonga banga kubeleka, banga kuwai kupata bana wala mabeli gangakujongesa bana!’ Masoba ge haga, bandu pa biitumbuka kiipwagi itombi, ‘Mtuhabukiya!’ Ni itombi isoku, ‘Mtuyelalya!’ Ana bandu ahengiki hela ku nkongu mmbei, kwibia boo ku nkongu nzomu?”
Bandu bangi abeli bababii baahenga galiya baapeliki pamu na Yesu ili bakaabambaliya. Pabahika pandu pabapakema, “Lihupa lu Umutu” Ndienu bummbambaliya Yesu pamu na bababi baahenga galiya abeli bala kila mundu nu nsalaba waki, jumu upandi waki wamalele na jongi upandi waki wamangega. Yesu japwaga “Atati! Waalekakiya mahakahu gabu ndaba ngase amanyiki se ahenga.”
Ndienu alonda bala bapega gudugudu ili kubagana ingobu yaki. Bandu babia ajemiki pala buku ndingalya, na akakolongu ba Ayaudi babia bundongama Yesu bakapwaga, “Jaakombwi bandu bangi, henu julikombula mweni, ana jombi ndi Kilisitu Nkombosi jojuhaguliwi na Sapanga!”
Ahelahe alonda batenda kundongama kabee, bunzendila nu kumpeke divai jejibabiki, nabombi bumpwagila, “Ana sakaka weapa Bambu Nkolongu wa Ayaudi, ulikombula wamwete!”
Panani ju nsalaba waki babia ahandiki malobi ganga, “Jonzo ndi Bambu Nkolongu jwa Ayaudi.”
Jumu jojabii jojuhenga galiya babaambalii mu nsalaba antondula Yesu nu kupwaga, “Weapa le nga wi Kilisitu? Ulikombula wamweti na twe utumbula!”
Lakini jojuhenga giliyaa jongi jola andakaliya nzaki juliyaa jola nu kupwagi, “Boo weapa ngase gunzogopa Sapanga? Wehapa bukutemu ngati jombi. Weapa na nepani bututemwi ngati ekupalika, ndienu tujopiki malepu ga mahengu gitu, lakini mundu jonzo ngasejatei sindu siliya.” Ndipala mundu jola ampwagila Yesu, “Waa Yesu, egwihika mu Ukolongu waku gwingombuka.”
Yesu japwaga, “Nugupwagi sakaka lelenu gwiibiya pamu nane pandu pa laha pabapakema Paladiso.”


Kwabiya saa sita lyoba mutu, lwahika lwii nndema gwooti mbaka saa tisa. Ndipala, lipazia la Nyumba jaka Sapanga lajenduka hipandi ibele. Yesu jajamaliya kwa sauti ngolongu, japwaaga, “Atati, Mwamaboku gaku nijibeka loho jango!” Ejapwaaga hela jwatendakuwa.
Nkolongu ja alonda miya moja juku Loma jola pajabona gagapiti, andumbaliya Sapanga nukupwaaga, “Sakaka mundu jonzo jabii jwaamboni.”
Bandu boka bababii ahikiki kulingali lijambu heli, pabagabona gagapiti, bajenda mwama nyumba gabu, koni abii nu usungu. Lakini bandu boti babummanyiki Yesu bajeema su kutali ili bagabona majambu ge haga. Kati jabu babii aka mbomba babunzengali Yesu kuhuma ku Galilaya.


Jabii mundu jumu, lihina laki Josepu jojahumi ku Alimataya musi uku Yudea. Mundu we hoju jwabii jwa amboni na jabii juhenga majambu ga amboni na jabia julendale Ukolongu waka Sapanga. Hata ngati Alimatayo jabii jumu kati ja akolongu ba pasengu ja Ayaudi. Lakini ngasejajetaki sebahenga ajake, Josepu jajenda kwaka Pilatu, kuloba nhyega jaka Yesu. Henu jahulua kuhuma pu nsalaba, jijiwatika sanda, jugubeka pilitenge lelabii ahembiki pi lilibu, lelule ngasebawaiki kuntaga mundu. Lisoba lee heli labii lijumaa, lisoba le heli labi lisoba lukutumbuli Lisoba lu Kupomulela.
Aka mbomba bala bababii ampwatiki Yesu kuhuma ku Galilaya bumpwata Josepu, na bilibona litenge lela na ebabei nhyega jaka Yesu. Ndipala babujaninya ku nyumba, baandia mahuta gaganungi sapi ili bijipakia nhyega jaka Yesu.
Lisoba lu Kupomulela bapomulya ngati Malagalaki gaka Sapanga egapwaaga.

Luister na Luka 23