If you would like a copy of this version please contact info@davaraudiobibles.org

Sagalla New Testament © Bible Society of Kenya. Sagalla New Testament Audio Bible ℗ 2022, Davar Partners International.

Sagalla New Testament

<div class="version vid3618 iso6393tga" data-vid="3618" data-iso6393="tga">
 <div class="book bkMAT">
 <div class="chapter ch12" data-usfm="MAT.12">
 <div class="label">12</div><div class="s">Ikotelo ighulu ya Sabato</div><div class="r">(Marko 2:23-28; Luka 6:1-5)</div><div class="p"> 1Nao konyuma Jesu kaitila mbweni ijua lya Sabato. Nawo wairimi wake weshahilo ni njala, wakadyowa kutema vanga na kulya. 2Nawo Wafarisayo waghenda kuona hung'u, wakamuza Jesu, &#8220;Zighana selyi wairimi wako wedeagha undu ghurighidogho kudeo ijua lya Sabato.&#8221; 3Jesu kawatumbulila, &#8220;Ado simushomile selyi Daudi adeile, iye na walye wekezanye ilyi eshahilo ni njala? 4Kangila kele nyumba ya Mlungu: nao iye na wandu wake wakalya mikate iikilo kwa Mlungu na irighidogho kulyigho sala ni wakohani tu. 5Ango simushomile kele Sheria ya Musa selyi wakohani waivunjagha Sabato kele hekalu na siwatalikagha kamba wadea makosa? 6Nemi namuza, aha kuwo na mubwaa kuisa Hekalu. 7Ngera tu momanyile kutambula kwa Mawandiko agha, gha Kuela &#8216;Nanashaile mbazi na si sadaka,&#8217; Macha simowataghanye awa wandu kukala wakosa. 8Kwani Mwana wa Mdamu ni Bwana wa Sabato.&#8221;</div><div class="s">Mundu eluo na mkonu ghopooza</div><div class="r">(Marko 3:1-6; Luka 6:6-11)</div><div class="p"> 9Nao Jesu kafuma alye kaghenda kangila kele sinagogi yawe. 10Na alyenyi koluo na mundu eluo na mkonu ghopooza. Nawo wakamkotela, &#8220;Ado ni karakara kuboesa ijua lya Sabato?&#8221; Kwani weshaile kumshitaki. 11Jesu kawatumbulila, &#8220;Nani kwenyu ewo na ng'onzi ikangila kineni seifunyagha ijua lya Sabato? 12Ije mdamu si bora kuisa ng'onzi? Kwa hung'u ni karakara kumdeila mdamu ghaloli ijua lya Sabato.&#8221; 13Nao kamuza ulya mundu, &#8220;Ghorora mkonu ghwako.&#8221; Nao ulya mundu kaghughorora ghukabowa ghukakala sa ghulya ghumoju. 14Nao Wafarisayo wakafuma wakamteta njama selyi wemulagha.</div><div class="s">Mtumishi asaghulo ni Mlungu</div><div class="p"> 15Naye Jesu kemanya agha, kafuma alye, nawo wandu wengi wakamwirima, kaboesa wakongo wose. 16Kawalaghiza siwawaghorere wandu uvoro ghwake. 17Agha gheluo ni kukatisa ghaghoriro ni tondolo Isaya:</div><div class="q1"> 18&#8220;Iye ni mtumishi wangu uyu nimusaghule,</div><div class="q1">mshayo wangu eboelagha roho yangu.</div><div class="q1">Ningizagha Roho yangu ighulu yake,</div><div class="q1">Naye ujeeresa hachi yangu kwa mbari zose.</div><div class="q1"> 19Sejekala na nganyi hata seghoragha na ndighi,</div><div class="q1">hata mundungi sesikilagha lwaka lwake ngileni.</div><div class="q1"> 20Sevunjagha lusanu lugomeke,</div><div class="q1">hata sezimagha utambi ghufukagha,</div><div class="q1">hata ailete hachi isime.</div><div class="q1"> 21Na mbari zose zikoseree izina lyake.&#8221;</div><div class="s">Jesu na Beelzebuli</div><div class="r">(Marko 3:20-30; Luka 11:14-23)</div><div class="p"> 22Nao wandu wamoju wakamletela Jesu mundu eluo kifondo na pepo bubu, naye kamuboesa hata kadima kughora na kuona. 23Nao wandu wose wakashinika wakaghamba, &#8220;Ado uyu niye Mwana wa Daudi?&#8221; 24Ela Wafarisayo wasikila wakaghamba, &#8220;Ni kwa ndighi za Beelzebuli tu mubwaa wa pepo, niko agusa pepo.&#8221; 25Nao Jesu kemanya maririkanyo ghawe kawauza, &#8220;Uzuri ugho ghose ghusarikagha ghwenyi sighudimagha kukala, na muzi ango nyumba isarikanagha siidimagha kumanga. 26Kwa hung'u Shetani kamgusa Shetani wasarikana na uzuri ghwake ghumangagha ije? 27Na ngera nagusa pepo kwa Beelzebuli, wana wenyu wanazigusagha na kimuni? Kwa hung'u niwo wemutaghanyagha. 28Ela ngera nagusa pepo kwa Roho wa Mlungu, manyeni Uzuri ghwa Mlungu ghwamujila.</div><div class="p"> 29&#8220;Ango udimagha ije mundu kungila kele nyumba ya mundu wa ndighi na kuusa mali yake hambiri semufungile mundu wa ndighi? Nao ima auseghe mali yake. 30Uwo wose seo nemi uwo kinyume changu. Na uyo sekoghanyagha nemi wasaghisa. 31Kwa hung'u namuza, kila kaung'a na masholi ghejefwilo waya wandu, ela mundu uwo wose eghoragha malaghelaghe ighulu ya Roho wa Kuela sejefwilo waya. 32Uyo wose eghoragha laghelaghe ighulu ya Mwana wa Mdamu, ufwilogho waya, ela uwo wose eghoragha laghelaghe ighulu ya Roho wa Kuela sefwilogho waya, kele urumengu ughu ango kele urumengu ghukujagha.</div><div class="s">Mwiti na mavalo ghake</div><div class="r">(Luka 6:43-45)</div><div class="p"> 33&#8220;Mwiti ghwaloli ghwanavalagha mavalo ghaloli na mwiti ghuwase mavalo ghawase. Kwani mwiti ghwamanyikana kwa mavalo ghake. 34Inyo kivali cha nyoka! Mudimagha ije kughora malagho ghaloli? Kwani mundu wanaghoragha agha gheo ngoloni kwake. 35Mundu waloli kele uloli ghwake wafunya ghaloli na mundu awase kele kuwasa kwake wafunya ghawase.</div><div class="p"> 36&#8220;Nemi namuza, kele ijua lya kutaghanya wejefunya mtalo ghwa kila ilagho lyiwase welyighoragha. 37Kwani kwa ghore zako ujetalo mhachi na kwa ghore zako ujetaghanyo.&#8221;</div><div class="s">Kushaya mwakilimbita</div><div class="r">(Marko 8:11-12; Luka 11:29-32)</div><div class="p"> 38Nao wamoju wa Walimu wa Sheria na Wafarisayo wakamuza Jesu, &#8220;Mwalimu, tanashaile kuona mwakilimbita kufuma kwako.&#8221; 39Ela iye kawatumbulila, &#8220;Kivali chiwase na sichedumusagha chanahada mwakilimbita, ela siweonyezogho mwakilimbita ungi sala mwakilimbita wa tondolo Jona. 40Kwani selyi kwenyi Jona akalile kele kifu cha nyangumi majua matatu na viro vitatu, niko kwenyi na Mwana wa Mdamu ekalagha majua matatu na viro vitatu amweni msangeni. 41Wandu wa Ninawi wejeuka ijua lya kutaghanyo na kutaghanya kivali ichi, kwani wo wanarihire kwa machilo gha Jona, na aha kuo mubwaa amwisile Jona. 42Mzuri wa wake wa Sheba ujeuka ijua lya kutaghanyo na kutaghanya kivali ichi, kwani wanajile kufuma kulele eri asikile suku ya Solomoni, na aha kuwo na mubwaa amwisile Solomoni.</div><div class="s">Kuuya kwa pepo</div><div class="r">(Luka 11:24-26)</div><div class="p"> 43&#8220;Ngelo pepo yamufuma mundu eluo nayo, yamaramara kireti andu sikowesi meji ikelola andu kozumuwa, ela ilyi yasowa, 44ighambagha, &#8216;Niuyagha kele nyumba yangu nifumile.&#8217; Nao ilyi yeja yaidoka nduu, isheriro na kuiko kirani. 45Aho ijeghenda ilete pepo nzima mfungate ziwase kuichumba, zije zingile na kukala alye. Nao kudua ulya mundu ujekala awase kuchumba selyi eluo. Niko kwenyi ijekala kwa kivali ichi.&#8221;</div><div class="s">Mee Jesu na wana wakwawe</div><div class="r">(Marko 3:31-35; Luka 8:19-21)</div><div class="p"> 46Nao ilyi Jesu eluo keghoranya na wandu, mee na wana wakwawe wekeja wakakala kimusi shighati wekeshaya kughoranya naye. 47Mundu mumoju kamuza, &#8220;Meo na wana wakwenyu weo kimusi shighati, wanashaile kughoranya na uwe.&#8221; 48Ela Jesu katumbulila, &#8220;Mawe nani, na wana wakwetu ni wana ani?&#8221; 49Nao kaghorora mikonu yake kwa wairimi wake kaghamba, &#8220;Zighaneni awa niwo mawe na wana wakwetu! 50Kwani uwo wose edeagha mashayo gha Aba wa mlunguni niye wakwetu wa kialume na wakwetu wa kiwake na mawe.&#8221;</div>
 </div>
 </div>
</div>

Nao konyuma Jesu kaitila mbweni ijua lya Sabato. Nawo wairimi wake weshahilo ni njala, wakadyowa kutema vanga na kulya. Nawo Wafarisayo waghenda kuona hung'u, wakamuza Jesu, “Zighana selyi wairimi wako wedeagha undu ghurighidogho kudeo ijua lya Sabato.” Jesu kawatumbulila, “Ado simushomile selyi Daudi adeile, iye na walye wekezanye ilyi eshahilo ni njala? Kangila kele nyumba ya Mlungu: nao iye na wandu wake wakalya mikate iikilo kwa Mlungu na irighidogho kulyigho sala ni wakohani tu. Ango simushomile kele Sheria ya Musa selyi wakohani waivunjagha Sabato kele hekalu na siwatalikagha kamba wadea makosa? Nemi namuza, aha kuwo na mubwaa kuisa Hekalu. Ngera tu momanyile kutambula kwa Mawandiko agha, gha Kuela ‘Nanashaile mbazi na si sadaka,’ Macha simowataghanye awa wandu kukala wakosa. Kwani Mwana wa Mdamu ni Bwana wa Sabato.”


Nao Jesu kafuma alye kaghenda kangila kele sinagogi yawe. Na alyenyi koluo na mundu eluo na mkonu ghopooza. Nawo wakamkotela, “Ado ni karakara kuboesa ijua lya Sabato?” Kwani weshaile kumshitaki. Jesu kawatumbulila, “Nani kwenyu ewo na ng'onzi ikangila kineni seifunyagha ijua lya Sabato? Ije mdamu si bora kuisa ng'onzi? Kwa hung'u ni karakara kumdeila mdamu ghaloli ijua lya Sabato.” Nao kamuza ulya mundu, “Ghorora mkonu ghwako.” Nao ulya mundu kaghughorora ghukabowa ghukakala sa ghulya ghumoju. Nao Wafarisayo wakafuma wakamteta njama selyi wemulagha.

Naye Jesu kemanya agha, kafuma alye, nawo wandu wengi wakamwirima, kaboesa wakongo wose. Kawalaghiza siwawaghorere wandu uvoro ghwake. Agha gheluo ni kukatisa ghaghoriro ni tondolo Isaya:
“Iye ni mtumishi wangu uyu nimusaghule,
mshayo wangu eboelagha roho yangu.
Ningizagha Roho yangu ighulu yake,
Naye ujeeresa hachi yangu kwa mbari zose.
Sejekala na nganyi hata seghoragha na ndighi,
hata mundungi sesikilagha lwaka lwake ngileni.
Sevunjagha lusanu lugomeke,
hata sezimagha utambi ghufukagha,
hata ailete hachi isime.
Na mbari zose zikoseree izina lyake.”


Nao wandu wamoju wakamletela Jesu mundu eluo kifondo na pepo bubu, naye kamuboesa hata kadima kughora na kuona. Nao wandu wose wakashinika wakaghamba, “Ado uyu niye Mwana wa Daudi?” Ela Wafarisayo wasikila wakaghamba, “Ni kwa ndighi za Beelzebuli tu mubwaa wa pepo, niko agusa pepo.” Nao Jesu kemanya maririkanyo ghawe kawauza, “Uzuri ugho ghose ghusarikagha ghwenyi sighudimagha kukala, na muzi ango nyumba isarikanagha siidimagha kumanga. Kwa hung'u Shetani kamgusa Shetani wasarikana na uzuri ghwake ghumangagha ije? Na ngera nagusa pepo kwa Beelzebuli, wana wenyu wanazigusagha na kimuni? Kwa hung'u niwo wemutaghanyagha. Ela ngera nagusa pepo kwa Roho wa Mlungu, manyeni Uzuri ghwa Mlungu ghwamujila.
“Ango udimagha ije mundu kungila kele nyumba ya mundu wa ndighi na kuusa mali yake hambiri semufungile mundu wa ndighi? Nao ima auseghe mali yake. Uwo wose seo nemi uwo kinyume changu. Na uyo sekoghanyagha nemi wasaghisa. Kwa hung'u namuza, kila kaung'a na masholi ghejefwilo waya wandu, ela mundu uwo wose eghoragha malaghelaghe ighulu ya Roho wa Kuela sejefwilo waya. Uyo wose eghoragha laghelaghe ighulu ya Mwana wa Mdamu, ufwilogho waya, ela uwo wose eghoragha laghelaghe ighulu ya Roho wa Kuela sefwilogho waya, kele urumengu ughu ango kele urumengu ghukujagha.


“Mwiti ghwaloli ghwanavalagha mavalo ghaloli na mwiti ghuwase mavalo ghawase. Kwani mwiti ghwamanyikana kwa mavalo ghake. Inyo kivali cha nyoka! Mudimagha ije kughora malagho ghaloli? Kwani mundu wanaghoragha agha gheo ngoloni kwake. Mundu waloli kele uloli ghwake wafunya ghaloli na mundu awase kele kuwasa kwake wafunya ghawase.
“Nemi namuza, kele ijua lya kutaghanya wejefunya mtalo ghwa kila ilagho lyiwase welyighoragha. Kwani kwa ghore zako ujetalo mhachi na kwa ghore zako ujetaghanyo.”


Nao wamoju wa Walimu wa Sheria na Wafarisayo wakamuza Jesu, “Mwalimu, tanashaile kuona mwakilimbita kufuma kwako.” Ela iye kawatumbulila, “Kivali chiwase na sichedumusagha chanahada mwakilimbita, ela siweonyezogho mwakilimbita ungi sala mwakilimbita wa tondolo Jona. Kwani selyi kwenyi Jona akalile kele kifu cha nyangumi majua matatu na viro vitatu, niko kwenyi na Mwana wa Mdamu ekalagha majua matatu na viro vitatu amweni msangeni. Wandu wa Ninawi wejeuka ijua lya kutaghanyo na kutaghanya kivali ichi, kwani wo wanarihire kwa machilo gha Jona, na aha kuo mubwaa amwisile Jona. Mzuri wa wake wa Sheba ujeuka ijua lya kutaghanyo na kutaghanya kivali ichi, kwani wanajile kufuma kulele eri asikile suku ya Solomoni, na aha kuwo na mubwaa amwisile Solomoni.


“Ngelo pepo yamufuma mundu eluo nayo, yamaramara kireti andu sikowesi meji ikelola andu kozumuwa, ela ilyi yasowa, ighambagha, ‘Niuyagha kele nyumba yangu nifumile.’ Nao ilyi yeja yaidoka nduu, isheriro na kuiko kirani. Aho ijeghenda ilete pepo nzima mfungate ziwase kuichumba, zije zingile na kukala alye. Nao kudua ulya mundu ujekala awase kuchumba selyi eluo. Niko kwenyi ijekala kwa kivali ichi.”


Nao ilyi Jesu eluo keghoranya na wandu, mee na wana wakwawe wekeja wakakala kimusi shighati wekeshaya kughoranya naye. Mundu mumoju kamuza, “Meo na wana wakwenyu weo kimusi shighati, wanashaile kughoranya na uwe.” Ela Jesu katumbulila, “Mawe nani, na wana wakwetu ni wana ani?” Nao kaghorora mikonu yake kwa wairimi wake kaghamba, “Zighaneni awa niwo mawe na wana wakwetu! Kwani uwo wose edeagha mashayo gha Aba wa mlunguni niye wakwetu wa kialume na wakwetu wa kiwake na mawe.”

Luister na Matayo 12