Hadiyya - 1992 BSE (NT) Drama

<div class="version vid3498 iso6393hdy" data-vid="3498" data-iso6393="hdy">
 <div class="book bkJHN">
 <div class="chapter ch2" data-usfm="JHN.2">
 <div class="label">2</div><div class="s">Bollochcho'i Maaddanne Yesuus Hee'ukkisa</div><div class="p"> 1Eehanni saxxi ballina Galii'l uullanne yoo Qaana'a yakkam beero'onne bollochcho'i hee'ukko. Yesuusina ama Maaraamem eekke'e hee'llo'o. 2Yesuusim ixxi losaaninne maqirem ee bollochcho'o weeshamaa hee'ukko. 3Bollochcho'i mannina woyi'n diqaas beeddukkaare Maaraame Yesuusina &#171;Woyi'n diqaas beeddaakko&#187; yito'o. 4Yesuus isena &#171;Iyyumma, an issoommi luwwa at kuttitte. Iina amman afukkoyyome&#187; yukko.</div><div class="p"> 5Yesuus ama awwaadaanina &#171;Ixxi kuroo luwwa maham issehe&#187; yito'o. 6Ayihuxxi mannina muccurimmi losan hee'u bikkina aanshaqqakkam wo'o issimmina kiniinsi baxamaakkoo loh jaalo'uwwi eekke'e hee'ukko. Oo jaalo'uwwi annannichchim tommi wo'i harachcho#2:6Giriik kitaab &#171;Lam te'im sas keennaancho&#187; yookko. Oohim mat keennaanchi sadee sadeenti leetiro'oo ihooqax wo'o amadoohane yimma. amadoohan hee'ukko. 7Yesuus ee awwaadaanina &#171;Jaalo'uwwanne wo'o wonshehe&#187; yukko. Ixxuwwim jaalo'uwwanne wo'o ciffaa'lla'a wonshito'o. 8Ixxi ee awwaadaanina &#171;Huno'llehe, hoffokam inkiittakka'a bollochcho'i maadda egeraanchina massitakka'a uwwehe&#187; yukkaare ixxuwwim massita'a uwwito'o. 9Oo bollochcho'i maadda egeraanchim gubbaa moo'u ammanenne woyi'n diqaasanne daba'llaa hee'ukko. Ixxim oo woyi'n diqaas hanniinsi waaruda'e la'ukkoyyo. Ihukkaarem wo'o inkiitto'i keen laqqa'a hee'llo'o. Bollochcho'i maadda egeraanchi bollochcho'i annichcho weeshaa 10&#171;Ayyi manchim gaassaa illichchi woyi'n diqaasa uwwaa manni agaa goddaa lasage qiraare'e uwwookko. Ihukkaarem at illichchom kabad afeebe'e uwwittoyyo&#187; yukko. 11Yesuus Galiilanne Qaana'a yakkam beero'onne ka luxxi maalalsiisoo mare'e issaa ixxi lomba moo'isukko. Ixxi losaanim ixxonne amma'nnito'o.</div><div class="p"> 12 # 
 Mat 4:13
 Ee lasage Yesuus ixxi amanne, abbaayyuwwinnee ixxi losaaninnee maqirem Qifirinnaahoom beero'o dillaa ee beyyonne hofqax ballam afuurukko.</div><div class="s">Keesammi Miniinsi Daddaraano Yesuus Hollukkisa</div><div class="r">(Mat 21:12-13; Mar 11:15-17; Luq 19:45-46)</div><div class="p"> 13 # 
 Doy 12:1
 Ayihuxxi mannik Shaashshiqqi Ugud hincaakkoohaannonne Yesuus Yerusaaleema marukko. 14Ixxim Keesammi Minenne diinate dabassitam keenii labeennuwwa, gereebbaa handare'ee biteessam keenii daddattu'uuyyi moo'aa 15jiraafa dadaa ee jiraafinne gereebbaa labeennuwwaa hundam Keesammi Miniinsi fissukko. Diinate dabassitam kee'n xaraphpheezam qubbaa'aa ixxuwwi diinate fincukko. 16Odim handare'e biteessam keeninam &#171;Kaka ka beyyiinsi fissitakka'a hoollehe! Iyyanni mine dadda'l min issitakkotte&#187; yukko. 17#Maz 69:9 Ee ammane ixxi losaan Keesammi Kitaabanne &#171;Ki mi'n to'achchi eese gii'llisa shokkiisukko&#187; yamamaa kitaabamukkoka sawwito'o.</div><div class="p"> 18Ee lasage Ayihuxxi manni ixxena &#171;Kaka issitoo malaayyi kiina yoo'isa moo'isoo mare'i maruwwa?&#187; yito'o. 19#Mat 26:61; 27:40; Mar 14:58; 15:29 Yesuus ixxuwwina dabaraa &#171;Ka Keesammi Mine ginditakkolas an sas ballanne dabaraa baxoommo&#187; yukko. 20Ayihuxxi mannim dabatta'a &#171;Ku Keesammi Min baxamaa beeddukkok sorennee loh hiinchonnette. At sas ballanne dabattaa baxxoohonnihe?&#187; yito'o. 21Ihukkaarem Yesuus &#171;Keesammi Mine&#187; yaa wocukkok ixxi gaqqi bikkinatte hee'ukko. 22Yesuus lehiinsi ki'aa lasage ixxi losaan eekka sawwita'a Keesammi Kitaabanne kitaabamukkokaa Yesuus wocukkokaa amma'nnito'o.</div><div class="p"> 23Ee ugudanne Yesuus Yerusaaleemanne hee'ukkuuyyi maalalsiisoo mare'uwwa issukkoka moo'lla'a lobakat keen ixxonne amma'nnito'o. 24Ihukkaarem Yesuus manni hundam la'am hee'u bikkina ixxuwwa amma'nnukkoyyo. 25Ixxi manni wodanonne yoo luwwa la'am hee'u bikkina ayyi manchim manni bikkina ixxena kurona hasam hee'ukkoyyo.</div>
 </div>
 </div>
</div>

Eehanni saxxi ballina Galii'l uullanne yoo Qaana'a yakkam beero'onne bollochcho'i hee'ukko. Yesuusina ama Maaraamem eekke'e hee'llo'o. Yesuusim ixxi losaaninne maqirem ee bollochcho'o weeshamaa hee'ukko. Bollochcho'i mannina woyi'n diqaas beeddukkaare Maaraame Yesuusina «Woyi'n diqaas beeddaakko» yito'o. Yesuus isena «Iyyumma, an issoommi luwwa at kuttitte. Iina amman afukkoyyome» yukko.
Yesuus ama awwaadaanina «Ixxi kuroo luwwa maham issehe» yito'o. Ayihuxxi mannina muccurimmi losan hee'u bikkina aanshaqqakkam wo'o issimmina kiniinsi baxamaakkoo loh jaalo'uwwi eekke'e hee'ukko. Oo jaalo'uwwi annannichchim tommi wo'i harachcho amadoohan hee'ukko. Yesuus ee awwaadaanina «Jaalo'uwwanne wo'o wonshehe» yukko. Ixxuwwim jaalo'uwwanne wo'o ciffaa'lla'a wonshito'o. Ixxi ee awwaadaanina «Huno'llehe, hoffokam inkiittakka'a bollochcho'i maadda egeraanchina massitakka'a uwwehe» yukkaare ixxuwwim massita'a uwwito'o. Oo bollochcho'i maadda egeraanchim gubbaa moo'u ammanenne woyi'n diqaasanne daba'llaa hee'ukko. Ixxim oo woyi'n diqaas hanniinsi waaruda'e la'ukkoyyo. Ihukkaarem wo'o inkiitto'i keen laqqa'a hee'llo'o. Bollochcho'i maadda egeraanchi bollochcho'i annichcho weeshaa «Ayyi manchim gaassaa illichchi woyi'n diqaasa uwwaa manni agaa goddaa lasage qiraare'e uwwookko. Ihukkaarem at illichchom kabad afeebe'e uwwittoyyo» yukko. Yesuus Galiilanne Qaana'a yakkam beero'onne ka luxxi maalalsiisoo mare'e issaa ixxi lomba moo'isukko. Ixxi losaanim ixxonne amma'nnito'o.
Ee lasage Yesuus ixxi amanne, abbaayyuwwinnee ixxi losaaninnee maqirem Qifirinnaahoom beero'o dillaa ee beyyonne hofqax ballam afuurukko.


Ayihuxxi mannik Shaashshiqqi Ugud hincaakkoohaannonne Yesuus Yerusaaleema marukko. Ixxim Keesammi Minenne diinate dabassitam keenii labeennuwwa, gereebbaa handare'ee biteessam keenii daddattu'uuyyi moo'aa jiraafa dadaa ee jiraafinne gereebbaa labeennuwwaa hundam Keesammi Miniinsi fissukko. Diinate dabassitam kee'n xaraphpheezam qubbaa'aa ixxuwwi diinate fincukko. Odim handare'e biteessam keeninam «Kaka ka beyyiinsi fissitakka'a hoollehe! Iyyanni mine dadda'l min issitakkotte» yukko. Ee ammane ixxi losaan Keesammi Kitaabanne «Ki mi'n to'achchi eese gii'llisa shokkiisukko» yamamaa kitaabamukkoka sawwito'o.
Ee lasage Ayihuxxi manni ixxena «Kaka issitoo malaayyi kiina yoo'isa moo'isoo mare'i maruwwa?» yito'o. Yesuus ixxuwwina dabaraa «Ka Keesammi Mine ginditakkolas an sas ballanne dabaraa baxoommo» yukko. Ayihuxxi mannim dabatta'a «Ku Keesammi Min baxamaa beeddukkok sorennee loh hiinchonnette. At sas ballanne dabattaa baxxoohonnihe?» yito'o. Ihukkaarem Yesuus «Keesammi Mine» yaa wocukkok ixxi gaqqi bikkinatte hee'ukko. Yesuus lehiinsi ki'aa lasage ixxi losaan eekka sawwita'a Keesammi Kitaabanne kitaabamukkokaa Yesuus wocukkokaa amma'nnito'o.
Ee ugudanne Yesuus Yerusaaleemanne hee'ukkuuyyi maalalsiisoo mare'uwwa issukkoka moo'lla'a lobakat keen ixxonne amma'nnito'o. Ihukkaarem Yesuus manni hundam la'am hee'u bikkina ixxuwwa amma'nnukkoyyo. Ixxi manni wodanonne yoo luwwa la'am hee'u bikkina ayyi manchim manni bikkina ixxena kurona hasam hee'ukkoyyo.

Luister na Yohaannis Mishiraachcha 2