Malay, Papuan

<div class="version vid2690 iso6393pmy" data-vid="2690" data-iso6393="pmy">
 <div class="book bkGEN">
 <div class="chapter ch2" data-usfm="GEN.2">
 <div class="label">2</div><div class="p"> 1Jadi begitu suda, bagemana langit deng bumi sama de pu isi smua dapa bikin sampe slesai. 2Waktu hari ketuju, Allah su kas slesai kerja yang De bikin itu. Suda, hari ketuju tu Allah brenti#2:2 brenti &#8210; Bahasa Ibrani: Sabat. De pu arti &#8216;brenti kerja.&#8217; dari smua kerja itu. 3Trus Allah kas berkat hari ini, baru De kas kusus hari ketuju ini. Allah bikin begini karna pas hari ketuju, Allah brenti dari smua kerja yang De su kas slesai itu.#Keluaran 20:8-11; Ulangan 5:12-15; Ibrani 4:1-11 </div><div class="s">Manusia di taman Eden</div><div class="sr"> 2:4-25</div><div class="p"> 4Ini crita, bagemana sampe langit deng bumi ni bisa ada.</div><div class="p">Waktu TUHAN Allah bikin langit deng bumi ini, 5blum ada tanaman apapa, mo rumput juga blum ada yang tumbu di bumi. Itu karna TUHAN Allah blum kas turun hujan ke bumi deng blum ada orang yang kerja tana ini. 6Tapi begini, ada air yang kluar dari tana yang bikin basa bagian atas tana smua.#2:6 air yang kluar dari tana yang bikin basa bagian atas tana smua &#8210; Ada juga yang bilang kalo ini embun yang naik kas basa tana. 7Trus TUHAN Allah bentuk manusia dari debu tana,#2:7 bentuk manusia dari debu tana &#8210; Dalam bahasa Ibrani kata &#8216;manusia&#8217; mirip deng kata yang pu arti &#8216;tana.&#8217; baru Allah tiup napas yang kasi hidup ke dalam manusia pu hidung. Jadi manusia de hidup.</div><div class="p"> 8Habis itu, TUHAN Allah bikin taman di sebla timur, di daera yang de pu nama Eden. Manusia yang su dapa bentuk ni Allah taru di taman itu. 9Trus dari tana, TUHAN Allah kas tumbu macam-macam pohon. Pohon yang kliatan bagus, deng pohon yang de pu bua bagus untuk jadi makanan. Baru, di bagian tenga taman itu juga, tumbu pohon yang de pu bua bikin orang bisa tetap hidup trus, sama pohon yang de pu bua bikin orang bisa tau mana yang baik deng mana yang jahat.</div><div class="p"> 10Di daera Eden ini ada kali besar satu. Kali ini de yang lewat dari taman ini untuk kas basa de pu tana. Begitu kluar dari daera Eden, kali besar ini de tabagi jadi empat bagian. 11De pu bagian yang pertama tu, de pu nama kali Pison. Kali ini de mngalir kliling tana Hawila smua, ini tana tempat emas asli. 12Tana ini pu emas tu, emas paling bagus suda. Di tana ini juga ada pohon yang de pu geta harum skali. Trus ada Krisopras juga, batu yang kilat, de pu harga mahal skali. 13Bagian yang kedua, de pu nama kali Gihon. Kali ini de mngalir kliling tana Kus smua. 14Bagian yang ketiga de pu nama kali Tigris. Kali ini de mngalir di bagian timur tana Asyur. Kalo bagian yang keempat, de pu nama kali Efrat.</div><div class="p"> 15TUHAN Allah taru manusia de dalam taman Eden untuk kerja deng jaga liat taman itu. 16Baru, TUHAN Allah kasi printa begini ke manusia dia, &#8220;Ko bisa makan bua apa saja dari tiap pohon di taman ini. 17Tapi, pohon yang de pu bua bikin orang bisa tau mana yang baik deng mana yang jahat tu, ko tra bole makan de pu bua, karna ko pasti mati waktu ko makan.&#8221;</div><div class="p"> 18Baru TUHAN Allah bilang, &#8220;Tra baik juga eh, kalo manusia de sendiri begini. Sa mo bikin de pu kawan. Kawan yang cocok deng dia, untuk tolong dia.&#8221;</div><div class="p"> 19Trus TUHAN Allah bikin smua binatang dari tana, binatang yang di darat deng burung yang di udara. Trus Allah bawa datang binatang smua ke manusia itu supaya manusia de kas nama binatang-binatang itu. Dari nama yang manusia de kasi, itu yang nanti binatang-binatang ini dapa panggil begitu. 20Manusia de kas nama binatang piara smua, binatang liar smua, sama smua burung di udara. Tapi manusia de tra ketemu kawan untuk de pu diri. Kawan yang cocok deng dia, yang bisa tolong dia.</div><div class="p"> 21Jadi, TUHAN Allah bikin manusia de tidur sono skali. Waktu de su tidur, TUHAN Allah ambil manusia pu tulang rusuk satu, trus tutup bagian itu deng daging. 22Dari tulang rusuk yang su dapa ambil dari manusia itu, TUHAN Allah bentuk prempuan satu. Trus Allah bawa prempuan ini datang ke manusia itu.</div><div class="p"> 23Trus manusia itu de bilang begini,</div><div class="q1">&#8220;Memang, de ini suda!</div><div class="q2">De pu tulang deng sa pu tulang, itu satu.</div><div class="q2">De pu daging deng sa pu daging, satu juga.</div><div class="q1">Nanti de dapa panggil &#8216;prempuan,&#8217;</div><div class="q2">karna Allah bentuk de dari laki-laki.&#8221;#2:23 Nanti de dapa panggil &#8216;prempuan,&#8217; karna Allah bentuk de dari laki-laki &#8210; Dalam bahasa Ibrani kata &#8216;prempuan&#8217; itu isyah, kalo &#8216;laki-laki&#8217; itu isy, jadi de pu arti, &#8216;nanti de dapa panggil isyah karna Allah bentuk de dari isy.&#8217; </div><div class="p"> 24Karna itu laki-laki tra tinggal lagi sama de pu bapa deng mama, tapi hidup satu hati deng de pu istri, biar dong dua jadi satu.</div><div class="p"> 25Waktu itu, manusia deng de pu istri tlanjang tapi dong dua tra rasa malu.</div>
 </div>
 </div>
</div>

Jadi begitu suda, bagemana langit deng bumi sama de pu isi smua dapa bikin sampe slesai. Waktu hari ketuju, Allah su kas slesai kerja yang De bikin itu. Suda, hari ketuju tu Allah brenti dari smua kerja itu. Trus Allah kas berkat hari ini, baru De kas kusus hari ketuju ini. Allah bikin begini karna pas hari ketuju, Allah brenti dari smua kerja yang De su kas slesai itu.


Ini crita, bagemana sampe langit deng bumi ni bisa ada.
Waktu TUHAN Allah bikin langit deng bumi ini, blum ada tanaman apapa, mo rumput juga blum ada yang tumbu di bumi. Itu karna TUHAN Allah blum kas turun hujan ke bumi deng blum ada orang yang kerja tana ini. Tapi begini, ada air yang kluar dari tana yang bikin basa bagian atas tana smua. Trus TUHAN Allah bentuk manusia dari debu tana, baru Allah tiup napas yang kasi hidup ke dalam manusia pu hidung. Jadi manusia de hidup.
Habis itu, TUHAN Allah bikin taman di sebla timur, di daera yang de pu nama Eden. Manusia yang su dapa bentuk ni Allah taru di taman itu. Trus dari tana, TUHAN Allah kas tumbu macam-macam pohon. Pohon yang kliatan bagus, deng pohon yang de pu bua bagus untuk jadi makanan. Baru, di bagian tenga taman itu juga, tumbu pohon yang de pu bua bikin orang bisa tetap hidup trus, sama pohon yang de pu bua bikin orang bisa tau mana yang baik deng mana yang jahat.
Di daera Eden ini ada kali besar satu. Kali ini de yang lewat dari taman ini untuk kas basa de pu tana. Begitu kluar dari daera Eden, kali besar ini de tabagi jadi empat bagian. De pu bagian yang pertama tu, de pu nama kali Pison. Kali ini de mngalir kliling tana Hawila smua, ini tana tempat emas asli. Tana ini pu emas tu, emas paling bagus suda. Di tana ini juga ada pohon yang de pu geta harum skali. Trus ada Krisopras juga, batu yang kilat, de pu harga mahal skali. Bagian yang kedua, de pu nama kali Gihon. Kali ini de mngalir kliling tana Kus smua. Bagian yang ketiga de pu nama kali Tigris. Kali ini de mngalir di bagian timur tana Asyur. Kalo bagian yang keempat, de pu nama kali Efrat.
TUHAN Allah taru manusia de dalam taman Eden untuk kerja deng jaga liat taman itu. Baru, TUHAN Allah kasi printa begini ke manusia dia, “Ko bisa makan bua apa saja dari tiap pohon di taman ini. Tapi, pohon yang de pu bua bikin orang bisa tau mana yang baik deng mana yang jahat tu, ko tra bole makan de pu bua, karna ko pasti mati waktu ko makan.”
Baru TUHAN Allah bilang, “Tra baik juga eh, kalo manusia de sendiri begini. Sa mo bikin de pu kawan. Kawan yang cocok deng dia, untuk tolong dia.”
Trus TUHAN Allah bikin smua binatang dari tana, binatang yang di darat deng burung yang di udara. Trus Allah bawa datang binatang smua ke manusia itu supaya manusia de kas nama binatang-binatang itu. Dari nama yang manusia de kasi, itu yang nanti binatang-binatang ini dapa panggil begitu. Manusia de kas nama binatang piara smua, binatang liar smua, sama smua burung di udara. Tapi manusia de tra ketemu kawan untuk de pu diri. Kawan yang cocok deng dia, yang bisa tolong dia.
Jadi, TUHAN Allah bikin manusia de tidur sono skali. Waktu de su tidur, TUHAN Allah ambil manusia pu tulang rusuk satu, trus tutup bagian itu deng daging. Dari tulang rusuk yang su dapa ambil dari manusia itu, TUHAN Allah bentuk prempuan satu. Trus Allah bawa prempuan ini datang ke manusia itu.
Trus manusia itu de bilang begini,
“Memang, de ini suda!
De pu tulang deng sa pu tulang, itu satu.
De pu daging deng sa pu daging, satu juga.
Nanti de dapa panggil ‘prempuan,’
karna Allah bentuk de dari laki-laki.”
Karna itu laki-laki tra tinggal lagi sama de pu bapa deng mama, tapi hidup satu hati deng de pu istri, biar dong dua jadi satu.
Waktu itu, manusia deng de pu istri tlanjang tapi dong dua tra rasa malu.

Luister na Kejadian 2