If you have would like a copy of this version please contact info@davarpartners.org

Oluluyia Old Testament

<div class="version vid2659 iso6393lwg" data-vid="2659" data-iso6393="lwg">
 <div class="book bkGEN">
 <div class="chapter ch35" data-usfm="GEN.35">
 <div class="label">35</div><div class="s">Nyasaye ahelesia Yakobo ikhabi Betseli</div><div class="p"> 1 # 
 Obucha. 28:11-17
 Mana Nyasaye naboolela Yakobo ari, &#8220;Rula otsie Betseli, omenyeyo, ne unyumbashileyo eshimalilo shiemisango. Nisie Nyasaye owakhuloleshela, olwa wali niwilukhanga okhwibisa okhurula khumusiani wenywe Esau.&#8221; 2Kho Yakobo naboolela abeinzuye nende boosi aba yali ninabo ari, &#8220;Murusie abanyasaye bakaasibwa nabandu, abamuli ninabo abo musukune, mwisiiye nimwifwala ebifwalo ebiyiakha. 3Mana khurule khutsie Betseli kho mbu, ndumbashile Nyasaye eshimalilo shiemisango, Nyasaye wanunula isie mutsinyanga tsiomatinyu kanje, khandi niyaniinda buli habundu aha ndatsitsanga.&#8221; 4Kho nibahelesia Yakobo abanyasaye abakaasibwa nabandu aba bali ninabo, khandi nibamuhelesia emikasa chiali mubirwi biabwe, mana Yakobo nabibisa biosi hasi womusaala kwomuruba, okwali hambi Shekemu.</div><div class="p"> 5Ne olwa bali nibarulanga, oburi obunji bwatiila abandu abali mumatookho akali ahambi ninabo, mana abandu bamatookho ako nibakhaywa okhulondachila khubasiani ba Yakobo. 6Yakobo nende abandu boosi aba yali ninabo nibeetsa Luzi (niyo Betseli), litookho lili mushialo shia Kanani. 7Yakobo niyombakhaho eshimalilo shiemisango, ne nakulikhaho mbu, Eli-Betseli;#35:7 Eli-Betseli: Nyasaye wa Betseli. shichila Nyasaye omwene yelolesia khu Yakobo olwa yali niyeluushe okhurula khu Esau omusiani wabwe. 8Naye Debora omulesi wa Rebeka nafwa ne nayabilwa mushisina shiomusaala kwomuruba, emwalo wa Betseli. Mana habundu nihalangwa mbu, Aloni-bakutsi.</div><div class="p"> 9Nyasaye khandi naloleshela Yakobo, olwa Yakobo yali narulanga Mesopotamia ne namulaamila ikhabi. 10#Obucha. 32:28Mana Nyasaye naboolela Yakobo ari, &#8220;Niwe Yakobo, nebutswa okhurula bulano shiolalangungwa mbu Yakobo tawe, habula olalangwa mbu, Isiraeli.&#8221; 11#Obucha. 17:4-8Namuboolela ari, &#8220;Nisie Nyasaye Owobunyali Bwosi, emulaka mbu, mwibulane nimwinjiha, lihangalio lirulemwo amahanga kandi amanji khandi abaruchi barule mwiwe. 12Ne eshialo shia ndahelesia Aburahamu nende Isaka ndalakhuhelesia iwe nende abolwibulolwo.&#8221; 13Mana Nyasaye narulaho, naye Yakobo natong'a habundu yaho. 14#Obucha. 28:18,19Mana Yakobo nasinjisiaho isiilo yelichina okhuba eshitsulilo, ne nakholela khusiilo okhwo omusango khulwa okhutsushililakhwo idivai nende amafura. 15Kho Yakobo nakulikha habundu aha yali naboolanenje nende Nyasaye yaho mbu, Betseli.</div><div class="s">Okhufwa khwa Raeli</div><div class="p"> 16Mana nibarula Betseli nibatsia Efuratsi, ne olwa bali nibashili okhuula Efuratsi, Raeli yachaaka okhulumwa inzibula, nanyakhana muno. 17Ne olwa Raeli yali nalumungwa nanyakhananga obutinyu, abakhasi abebusinjia bamuboolela bari, &#8220;Shiolaria ta, okhuba bulano oleebula omusiani undi.&#8221; 18Ne olwa Raeli yali nakwisinjia mwoyo nali hambi okhufwa, yakulikha omusianiwe oyo mbu, Benoni#35:18 Benoni: Omusiani weshibeela shianje., nebutswa samwana yamukulikha mbu, Benjamini#35:18 Benjamini: Omusiani wokhumukhono musaatsa.. 19Kho Raeli nafwa nayabilwa elubeka lweinjila eyitsia Efuratsi (nilio Betselehemu), 20naye Yakobo nasinjisia isiilo khushilindwa shia Raeli eshio. Niyo isiilo yili khushilindwa shia Raeli okhuula olwa leelo. 21Yakobo natsiililila okhuchenda ne nakhoma liheemalie imbeli womunaara okwa Ederi.</div><div class="s">Abasiani ba Yakobo</div><div class="r">(1 Akak. 2:1-2)</div><div class="p"> 22 # 
 Obucha. 49:4
 Olwa Yakobo yali nashimenyile Ederi, mushialo eshio, Rubeni yakona nende Biliha owali omukhasi omubiikha wa Yakobo, naye Yakobo namanya. Ne abasiani ba Yakobo bali ekhumi nababili. 23Abasiani ba Lea bali, Ruben, omusiani wambeli wa Yakobo, Simoni, Lawi, Yuda, Isakhari nende Zebuluni. 24Abasiani ba Raeli bali, Yosefu nende Benjamini. 25Abasiani ba Biliha omukholi wa Raeli bali, Dani nende Nafutali. 26Abasiani ba Zilipa omukholi wa Lea bali, Gadi nende Asheri. Abo nibo abasiani ba Yakobo yebula olwa yali Mesopotamia.</div><div class="s">Okhufwa khwa Isaka</div><div class="p"> 27 # 
 Obucha. 13:18
 Mana Yakobo niyetsa Mamure hambi Heburoni niyo ewa Isaka samwana nende Aburahamu kuukanyene bamenyanga khale. 28Isaka namenya emiyika eshikhumi shilala nende amakhumi munane. 29Isaka nafwa, nalonda khubekhobe abafwa khale, nali omukofu muno, nabo abasianibe Esau nende Yakobo nibamuyabila.</div>
 </div>
 </div>
</div>

Mana Nyasaye naboolela Yakobo ari, “Rula otsie Betseli, omenyeyo, ne unyumbashileyo eshimalilo shiemisango. Nisie Nyasaye owakhuloleshela, olwa wali niwilukhanga okhwibisa okhurula khumusiani wenywe Esau.” Kho Yakobo naboolela abeinzuye nende boosi aba yali ninabo ari, “Murusie abanyasaye bakaasibwa nabandu, abamuli ninabo abo musukune, mwisiiye nimwifwala ebifwalo ebiyiakha. Mana khurule khutsie Betseli kho mbu, ndumbashile Nyasaye eshimalilo shiemisango, Nyasaye wanunula isie mutsinyanga tsiomatinyu kanje, khandi niyaniinda buli habundu aha ndatsitsanga.” Kho nibahelesia Yakobo abanyasaye abakaasibwa nabandu aba bali ninabo, khandi nibamuhelesia emikasa chiali mubirwi biabwe, mana Yakobo nabibisa biosi hasi womusaala kwomuruba, okwali hambi Shekemu.
Ne olwa bali nibarulanga, oburi obunji bwatiila abandu abali mumatookho akali ahambi ninabo, mana abandu bamatookho ako nibakhaywa okhulondachila khubasiani ba Yakobo. Yakobo nende abandu boosi aba yali ninabo nibeetsa Luzi (niyo Betseli), litookho lili mushialo shia Kanani. Yakobo niyombakhaho eshimalilo shiemisango, ne nakulikhaho mbu, Eli-Betseli; shichila Nyasaye omwene yelolesia khu Yakobo olwa yali niyeluushe okhurula khu Esau omusiani wabwe. Naye Debora omulesi wa Rebeka nafwa ne nayabilwa mushisina shiomusaala kwomuruba, emwalo wa Betseli. Mana habundu nihalangwa mbu, Aloni-bakutsi.
Nyasaye khandi naloleshela Yakobo, olwa Yakobo yali narulanga Mesopotamia ne namulaamila ikhabi. Mana Nyasaye naboolela Yakobo ari, “Niwe Yakobo, nebutswa okhurula bulano shiolalangungwa mbu Yakobo tawe, habula olalangwa mbu, Isiraeli.” Namuboolela ari, “Nisie Nyasaye Owobunyali Bwosi, emulaka mbu, mwibulane nimwinjiha, lihangalio lirulemwo amahanga kandi amanji khandi abaruchi barule mwiwe. Ne eshialo shia ndahelesia Aburahamu nende Isaka ndalakhuhelesia iwe nende abolwibulolwo.” Mana Nyasaye narulaho, naye Yakobo natong'a habundu yaho. Mana Yakobo nasinjisiaho isiilo yelichina okhuba eshitsulilo, ne nakholela khusiilo okhwo omusango khulwa okhutsushililakhwo idivai nende amafura. Kho Yakobo nakulikha habundu aha yali naboolanenje nende Nyasaye yaho mbu, Betseli.

Mana nibarula Betseli nibatsia Efuratsi, ne olwa bali nibashili okhuula Efuratsi, Raeli yachaaka okhulumwa inzibula, nanyakhana muno. Ne olwa Raeli yali nalumungwa nanyakhananga obutinyu, abakhasi abebusinjia bamuboolela bari, “Shiolaria ta, okhuba bulano oleebula omusiani undi.” Ne olwa Raeli yali nakwisinjia mwoyo nali hambi okhufwa, yakulikha omusianiwe oyo mbu, Benoni, nebutswa samwana yamukulikha mbu, Benjamini. Kho Raeli nafwa nayabilwa elubeka lweinjila eyitsia Efuratsi (nilio Betselehemu), naye Yakobo nasinjisia isiilo khushilindwa shia Raeli eshio. Niyo isiilo yili khushilindwa shia Raeli okhuula olwa leelo. Yakobo natsiililila okhuchenda ne nakhoma liheemalie imbeli womunaara okwa Ederi.


Olwa Yakobo yali nashimenyile Ederi, mushialo eshio, Rubeni yakona nende Biliha owali omukhasi omubiikha wa Yakobo, naye Yakobo namanya. Ne abasiani ba Yakobo bali ekhumi nababili. Abasiani ba Lea bali, Ruben, omusiani wambeli wa Yakobo, Simoni, Lawi, Yuda, Isakhari nende Zebuluni. Abasiani ba Raeli bali, Yosefu nende Benjamini. Abasiani ba Biliha omukholi wa Raeli bali, Dani nende Nafutali. Abasiani ba Zilipa omukholi wa Lea bali, Gadi nende Asheri. Abo nibo abasiani ba Yakobo yebula olwa yali Mesopotamia.

Mana Yakobo niyetsa Mamure hambi Heburoni niyo ewa Isaka samwana nende Aburahamu kuukanyene bamenyanga khale. Isaka namenya emiyika eshikhumi shilala nende amakhumi munane. Isaka nafwa, nalonda khubekhobe abafwa khale, nali omukofu muno, nabo abasianibe Esau nende Yakobo nibamuyabila.

Luister na OBUCHACHILO 35