The New Testament in Soli

<div class="version vid2447 iso6393sby" data-vid="2447" data-iso6393="sby">
 <div class="book bkMAT">
 <div class="chapter ch8" data-usfm="MAT.8">
 <div class="label">8</div><div class="s">Yesu lasengulunga shimankuntu</div><div class="r">(Maliko 1:40-45; Luka 5:12-16)</div><div class="p"> 1Yesu mpwalaseluka pa mulundu pasa, bantu bangi balamukonkela. 2Lino muntu walikukute bulwashi bwa mankuntu, walesakusuntama ne kwambeti, &#8220;Nkambo, nakamuyanda ngamunswepesha&#8221; 3Yesu walatandabula cikasa cakendi ne kumukumya, ne kwambeti, &#8220;Ee, ndayandanga, &#8216;Swepa!&#8217; Popelapo walabacena.&#8221; 4Kufumapo Yesu walamwambileti, &#8220;Nyumfwa, kotambilako nabambi sobwe, obe koya uliboneshe kuli shimilumbo, utwale mulumbo usa ngwalamba Mose, kwambeti bantu baboneti ulaba cena.&#8221;</div><div class="s">Mushilikali Mukulene Waciloma</div><div class="r">(Luka 7:1-10)</div><div class="p"> 5Mpwalashika Yesu mu munshi wa Kapelenawo, mushilikali mukulene wabashilikali mwanda, walesa kusenga lunyamfwo. 6Walasengeti, &#8220;Nkambo, musebenshi wakame wona kung'anda nimulwashi, nkelela kucikonsha kwenda, lakolwanga.&#8221; 7Yesu walamwambileti, &#8220;Ndesanga kumusengula.&#8221;</div><div class="p"> 8Nomba mushilikali usa walambeti, &#8220;Sobwe Nkambo, ame nkandelela kwambeti amwe mwenga kuyakwingila mung'anda yakame, kamwambani maswi onka, musebenshi wakame nabe cena.</div><div class="p"> 9&#8220;Pali bamakulene mbonkute kunyumfwila, nomba nenjame nkute bashilikali bakute kunyumfwila. Na ndambili mushilikali, &#8216;Koya&#8217; Cakubinga ukute kuya. Na ndambili naumbi eti &#8216;Kwesa kuno&#8217; Cakubinga ukute kwisa, na ndambili musha wakameti, &#8216;kwensa ici cakubinga ukute kucinsa.&#8217; &#8221;</div><div class="p"> 10Lino Yesu mpwalanyumfweco walakankamana, walambila bantu basa balikumukonkeleti, &#8220;Kwamba cakubinga, nambi pakati pa Baislayeli paliya kucanikapo lushomo lulicisa. 11Cakubinga ndamwambilishingeti bantu bangi nibakafumine kucwe, ne kumbonshi, kwisakwikala pamo ne Abulahamu ne Isake kayi ne Yakobo pa malyalya amu Bwami bwakwilu. 12Nomba abo banga belela kuba mu Bwami ubo, nibakataiwe kunsa mumushinshe. Kopeloko nibakalile ne kukokota meno abo, cebo cakubabwa.&#8221;</div><div class="p"> 13Popelapo Yesu walambila mukulene wabashilikali, &#8220;Kamuyani kung'anda, cinshike kwelana ne lushomo ndokute.&#8221; Pacindi copeleco musebenshi wakendi walaba cena.</div><div class="s">Yesu lasengulunga bantu bangi</div><div class="r">(Maliko 1:29-34; Luka 4:38-41)</div><div class="p"> 14Yesu mpwalengila mu ng'anda ya Petulo, walabona kumakwendi batukashi kabali bona, kabakolwa cimpwita. 15Walabekata kucikasa popelapo cimpwita calapwa. Kumakwendi Petulo balapunduka, ne kutatika kubambila Yesu cakulya.</div><div class="p"> 16Mansailo, pabusuba bopelobo, bantu balaleta balwashi bangi bekatwa ne mishimu yaipa, Yesu walikupulisha mishimu ne maswi onka, kayi balwashi bonse walikubasengula. 17Byonsebi walabinsa kwambeti, mbyalamba mushinshimi Yesaya bikwanilishiwe, byakwambeti, &#8220;Nendi walamanta bishikubaba ne malwashi etu.&#8221;</div><div class="s">Makani a kukonkela Yesu</div><div class="r">(Luka 9:57-62)</div><div class="p"> 18Yesu mpwalabona likoto lyabantu balikuba bamushinguluka, walambila beshikwiya bakendi, &#8220;Katutampukilani kutala kwa lwenje kusa.&#8221; 19Nomba pacindi copeleco palashika umo wabeshikwiyisha milawo ya Mose walambila Yesu eti, &#8220;Bashikwiyisha, ame ndayandanga kuba shikwiya wenu kayi nindimukonkelenga kulikonse nkomulenga.&#8221; 20Yesu walamukumbuleti, &#8220;Bamwaba bakute bilingo, nabyo bikeni bikute bisangala byakwikalamo. Nomba ame nde Mwana Muntu ndiya musena wakona nepumwininapo.&#8221;</div><div class="p"> 21Nomba shikwiya naumbi walambila Yesu, eti, &#8220;Nkambo, nsuminisheni mbwelele nanshi embike bata.&#8221; 22Neye Yesu walamwambileti, &#8220;Obe nkonkele. Kobaleka bafwa babikenga bantu babo bafwa.&#8221;</div><div class="s">Yesu lalekeshenga lukupwe</div><div class="r">(Maliko 4:35-41; Luka 8:22-25)</div><div class="p"> 23Yesu pamo ne beshikwiya bakendi balatanta bwato nekuya. 24Mwacimfundumukila kwalesa lukupwe luyosha pa lwenje, mankape alatatika kwingila mu bwatomo, nomba Yesu walikali wonatulo. 25Kacili wona, beshikwiya balayakumunyukumuna ne kwambeti, &#8220;Nkambo, tupulusheni, tulipepi kufwa!&#8221; 26Yesu walabakumbuleti, &#8220;Mulatininga cani amwe mobantu mukute lushomo lung'ana?&#8221; Mpwalambeco walemana ne kulucancilila lukupwe ne mankape, popelapo pa lwenje palamwena tonto. 27Beshikwiya basa balakankamana ne kwambeti, &#8220;Inga uyu ni muntu ulyeconi cakwinseti lukupwe ne mankape byonse bilamunyumfwilinga?&#8221;</div><div class="s">Yesu lasengulunga bantu bekatwa ne mishimu yaipa</div><div class="r">(Maliko 5:1-20; Luka 8:26-39)</div><div class="p"> 28Yesu mpwalashika kutala kwa lwenje, mu cibela ca Gadala, walakumanya bantu babili bekatwa ne mishimu yaipa kabafuma kunamaumbwe. Balikuba bakalu, cakwinseti paliya muntu naba umo walikupita nshila iyo. 29Pacindi copeleco balatatika kolobesheti, &#8220;Mulayandanga cani amwe Mwanendi Lesa? Sena mulesa kuno kwisa kutupensha cindi kacitanacishika?&#8221;</div><div class="p"> 30Nomba palikuba litanga linene lya nkumba shalikulya pepi napo mpobalikuba. 31Mishimu yaipa yalamupapatila Yesu, ne kwambeti, &#8220;Mwatupulisha, mutusuminishe twenga kwingila mulitanga lya nkumba shisa shilipasa.&#8221; 32Yesu walayambileti, &#8220;Ee, kamuyani,&#8221; Nayo yalapula ne kuya kwingila munkumba shisa. Popelapo likoto lya nkumba lyalafwambalubilo kuselemukila kumukolo kwa mulundu ne kuyakuwila mulwenje, moshalakafwila shonse.</div><div class="p"> 33Abo balikwembela nkumba balafwamba, balashika kumunshi, nekwambila bantu bintu byonse byalenshika kubantu basa babili balikuba bekatwa ne mishimu yaipa. 34Popelapo bantu bonse mumunshi balapula kuya kukumana ne Yesu. mpobalamucana balamusenga kwambeti afume mucibela ico.</div>
 </div>
 </div>
</div>

Soli New Testament © The Word For The World International, 2018.

Yesu mpwalaseluka pa mulundu pasa, bantu bangi balamukonkela. Lino muntu walikukute bulwashi bwa mankuntu, walesakusuntama ne kwambeti, “Nkambo, nakamuyanda ngamunswepesha” Yesu walatandabula cikasa cakendi ne kumukumya, ne kwambeti, “Ee, ndayandanga, ‘Swepa!’ Popelapo walabacena.” Kufumapo Yesu walamwambileti, “Nyumfwa, kotambilako nabambi sobwe, obe koya uliboneshe kuli shimilumbo, utwale mulumbo usa ngwalamba Mose, kwambeti bantu baboneti ulaba cena.”


Mpwalashika Yesu mu munshi wa Kapelenawo, mushilikali mukulene wabashilikali mwanda, walesa kusenga lunyamfwo. Walasengeti, “Nkambo, musebenshi wakame wona kung'anda nimulwashi, nkelela kucikonsha kwenda, lakolwanga.” Yesu walamwambileti, “Ndesanga kumusengula.”
Nomba mushilikali usa walambeti, “Sobwe Nkambo, ame nkandelela kwambeti amwe mwenga kuyakwingila mung'anda yakame, kamwambani maswi onka, musebenshi wakame nabe cena.
“Pali bamakulene mbonkute kunyumfwila, nomba nenjame nkute bashilikali bakute kunyumfwila. Na ndambili mushilikali, ‘Koya’ Cakubinga ukute kuya. Na ndambili naumbi eti ‘Kwesa kuno’ Cakubinga ukute kwisa, na ndambili musha wakameti, ‘kwensa ici cakubinga ukute kucinsa.’ ”
Lino Yesu mpwalanyumfweco walakankamana, walambila bantu basa balikumukonkeleti, “Kwamba cakubinga, nambi pakati pa Baislayeli paliya kucanikapo lushomo lulicisa. Cakubinga ndamwambilishingeti bantu bangi nibakafumine kucwe, ne kumbonshi, kwisakwikala pamo ne Abulahamu ne Isake kayi ne Yakobo pa malyalya amu Bwami bwakwilu. Nomba abo banga belela kuba mu Bwami ubo, nibakataiwe kunsa mumushinshe. Kopeloko nibakalile ne kukokota meno abo, cebo cakubabwa.”
Popelapo Yesu walambila mukulene wabashilikali, “Kamuyani kung'anda, cinshike kwelana ne lushomo ndokute.” Pacindi copeleco musebenshi wakendi walaba cena.


Yesu mpwalengila mu ng'anda ya Petulo, walabona kumakwendi batukashi kabali bona, kabakolwa cimpwita. Walabekata kucikasa popelapo cimpwita calapwa. Kumakwendi Petulo balapunduka, ne kutatika kubambila Yesu cakulya.
Mansailo, pabusuba bopelobo, bantu balaleta balwashi bangi bekatwa ne mishimu yaipa, Yesu walikupulisha mishimu ne maswi onka, kayi balwashi bonse walikubasengula. Byonsebi walabinsa kwambeti, mbyalamba mushinshimi Yesaya bikwanilishiwe, byakwambeti, “Nendi walamanta bishikubaba ne malwashi etu.”


Yesu mpwalabona likoto lyabantu balikuba bamushinguluka, walambila beshikwiya bakendi, “Katutampukilani kutala kwa lwenje kusa.” Nomba pacindi copeleco palashika umo wabeshikwiyisha milawo ya Mose walambila Yesu eti, “Bashikwiyisha, ame ndayandanga kuba shikwiya wenu kayi nindimukonkelenga kulikonse nkomulenga.” Yesu walamukumbuleti, “Bamwaba bakute bilingo, nabyo bikeni bikute bisangala byakwikalamo. Nomba ame nde Mwana Muntu ndiya musena wakona nepumwininapo.”
Nomba shikwiya naumbi walambila Yesu, eti, “Nkambo, nsuminisheni mbwelele nanshi embike bata.” Neye Yesu walamwambileti, “Obe nkonkele. Kobaleka bafwa babikenga bantu babo bafwa.”


Yesu pamo ne beshikwiya bakendi balatanta bwato nekuya. Mwacimfundumukila kwalesa lukupwe luyosha pa lwenje, mankape alatatika kwingila mu bwatomo, nomba Yesu walikali wonatulo. Kacili wona, beshikwiya balayakumunyukumuna ne kwambeti, “Nkambo, tupulusheni, tulipepi kufwa!” Yesu walabakumbuleti, “Mulatininga cani amwe mobantu mukute lushomo lung'ana?” Mpwalambeco walemana ne kulucancilila lukupwe ne mankape, popelapo pa lwenje palamwena tonto. Beshikwiya basa balakankamana ne kwambeti, “Inga uyu ni muntu ulyeconi cakwinseti lukupwe ne mankape byonse bilamunyumfwilinga?”


Yesu mpwalashika kutala kwa lwenje, mu cibela ca Gadala, walakumanya bantu babili bekatwa ne mishimu yaipa kabafuma kunamaumbwe. Balikuba bakalu, cakwinseti paliya muntu naba umo walikupita nshila iyo. Pacindi copeleco balatatika kolobesheti, “Mulayandanga cani amwe Mwanendi Lesa? Sena mulesa kuno kwisa kutupensha cindi kacitanacishika?”
Nomba palikuba litanga linene lya nkumba shalikulya pepi napo mpobalikuba. Mishimu yaipa yalamupapatila Yesu, ne kwambeti, “Mwatupulisha, mutusuminishe twenga kwingila mulitanga lya nkumba shisa shilipasa.” Yesu walayambileti, “Ee, kamuyani,” Nayo yalapula ne kuya kwingila munkumba shisa. Popelapo likoto lya nkumba lyalafwambalubilo kuselemukila kumukolo kwa mulundu ne kuyakuwila mulwenje, moshalakafwila shonse.
Abo balikwembela nkumba balafwamba, balashika kumunshi, nekwambila bantu bintu byonse byalenshika kubantu basa babili balikuba bekatwa ne mishimu yaipa. Popelapo bantu bonse mumunshi balapula kuya kukumana ne Yesu. mpobalamucana balamusenga kwambeti afume mucibela ico.

Luister na Mateyo 8