Kivunjo - 1999 Edition (NT)

<div class="version vid1812 iso6393vun" data-vid="1812" data-iso6393="vun">
 <div class="book bkMAT">
 <div class="chapter ch14" data-usfm="MAT.14">
 <div class="label">14</div><div class="s">Upfu lo Yohane Mpatisi</div><div class="r">(Mak 6:14-29; Luk 9:7-9)</div><div class="p"> 1Kyiyeri kyilya mangyi Herode naleicho mbonyi tsa Yesu. 2Kawia wa&#7775;undi wakye, &#8220;Ichu nyi oe Yohane Mpatisi. Na&#7775;uka ko wapfu. Nyikyo kyitewe awo&#7769;e pfinya tse&#7775;unda ishi shoose.&#8221; 3Kyipfa Herode nalekoawa&#7769;a Yohane, kampfunga, kammbika kyipfungonyi, kyipfa kya Herodia, mka o Filyipo mono-wamae. 4Kyipfa Yohane nalemmbia, &#8220;Chi sungusinyi ikaa na oe-pfo.&#8221; 5Na oe kyiyeri awekundi immbaaga, naleowuo wandu, kyipfa walewona Yohane cha moonguo shisuku. 6Na kyiyeri mfiri ung'anyi o ifeo lya Herode uleshika mana o Herodia o waka naletema mbele ya wandu, kachihi&#7775;a Herode, 7m&#7775;asa Herode kawika kyaasa kui ilya nyamu kye nechimwenenga kyindo kyoose echikyiterewa. 8Na oe, kunu echilosho nyi wamae, kagamba, &#8220;Ngyienenga wulalu ku&#7769;i iha ipongonyi m&#7769;oe o Yohane Mpatisi.&#8221; 9Na mangyi kawona fowa mrimenyi. Kyaindi kyipfa kya nyamu tsakye, na kyipfa kya walya waweilya handu hamwi na oe, kagamba naenengo. 10Ka&#7769;uma mndu, ka&#7769;umbuo Yohane m&#7769;oe kulya kyipfungonyi. 11M&#7769;oe okye ukoendo ukyeri ipongonyi, mana ulya o waka kauenengo; kau&#7769;uo ko wamae. 12Wanalosho wakye wakayenda, waka&#7769;uo mnying'a ulya, wakam&#7775;ika; numa wakayenda wakaongoya Yesu mbonyi.</div><div class="s">Iigutsa wandu shiku shitaanu</div><div class="r">(Mak 6:30-44; Luk 9:10-17; Yoh 6:1-14)</div><div class="p"> 13Na Yesu kyiyeri aleicho isho, nalewuka ipfo ngalawenyi, kayenda handu halawo&#7769;e wandu, hatsie sau. Na wuingyi wo wandu kyiyeri waleicho, walemwosha wechumia na ma&#7769;ende wawuka m&#7775;inyi kowo. 14Yesu kafuma, kawona wuingyi wo wandu wung'anyi, kawona wukyiwa mrimenyi kyipfa kyawo, kawakyi&#7775;a ndo&#7775;e tsawo. 15Na kyiyeri kuleila, wanalosho wakye waleyenda kokye, wakagamba, &#8220;Handu ha nyi nuka mreesi, na kyiyeri kyamwi&#7769;a. Samana na wuingyi wo wandu, wayende shika&#7775;onyi, wandegu&#7775;a shelya.&#8221; 16Yesu kawawia, &#8220;Wawo&#7769;e kyitewe kyeyenda-pfo. Waenengyenyi kyelya.&#8221; 17Wakammbia, &#8220;Luwo&#7769;e kyindo iha sile mkate itanu na makunga gawi-pfo.&#8221; 18Kagamba, &#8220;Ngyiendienyi.&#8221; 19Kagamba wuingyi wo wandu wa&#7769;amie ma&#7775;enyi. Kaira mkate iya itanu na makunga galya gawi, kaambuya wuye ruwewu, kawikyia mbo&#7775;a, kafunja mkate iya, kaenengyia wanalosho, wanalosho wakaenengyia wuingyi wulya wo wandu. 20Wakalya woose wakaigu&#7769;a. Wakasania matsuga&#7775;o ga shipe&#7775;engu sha mkate iya, mkunja ikumi na iwi, iichuo. 21Nawo walelya wawekyeri waso&#7775;o washikyie shiku shitaanu, kulawo&#7769;e waka na wana watutu. </div><div class="s">Ichumia Wuye ya M&#7775;inga</div><div class="r">(Mak 6:45-52; Yoh 6:15-21)</div><div class="p"> 22Cha ilyi kaitika wanalosho wakye wa&#7769;ooye ngalawenyi wasonguo mbele yakye iyenda molyolya, kyiyeri oe aweisamana na wuingyi wo wandu. 23Na oe amsamane na wuingyi wo wandu, nale&#7769;ooya fumvunyi handu halawo&#7769;e wandu, indeterewa. Na kyiyeri kuleila, nawekyeri pfo amonyi. 24Na ngalawa iya ilekoyamshika makyi&#7769;i-gawi ga ipalyipalyi, yechilya wukyiwa mnu kyipfa shiwi&#7775;i shiweikapa. 25Na kyiyeri kya iringa lya kaana lya kyio Yesu naleyenda ko wanalosho walya, echichumia wuye ya ipalyipalyi. 26Kyiyeri wanalosho walemmbona echichumia wuye ya ipalyipalyi, walewo&#7769;o nyi wuowu, wechigamba, &#8220;Nyi kyirinje&#8221;; wakafii&#7775;a kui wuowu. 27Cha ilyi Yesu ka&#7769;e&#7769;a, kawawia, &#8220;Kuwanzenyi mrimenyi; nyi inyi, mulaowuoe.&#8221; 28Petiro kamgaluo, kagamba, &#8220;Kokooya nyi iyoe, ngyiwia ngyiche na kopfo wuye ya m&#7775;inga.&#8221; 29Kagamba, &#8220;Nnjo.&#8221; Petiro kasoka kulya ngalawenyi, kachumia na ma&#7769;ende wuye ya m&#7775;inga, kundu nayende ko Yesu. 30Kyaindi kyiyeri alewona kyiwi&#7775;i, kaowuo; kawooka iso&#7775;owia; kafii&#7775;a, echigamba, &#8220;Mndumii, ngyiletsa.&#8221; 31Cha ilyi Yesu kago&#7775;uo kuwoko kokye, kammbia, &#8220;Iyoe uwo&#7769;e ii&#7769;ikyia lyaangu, ny'kyilyi ulalei&#7769;ikyia kye ngyei&#7769;ima ikuenenga wui&#7769;imi wo chumia wuye ya m&#7775;inga?&#8221; 32Nawo waka&#7769;ooya ngalawenyi, kyiwi&#7775;i kyikatsia. 33Na walya wawekyeri kulya ngalawenyi wakamwindia, wechigamba, &#8220;Ny'kyaloi iyoe nui Mono-Ruwa.&#8221;</div><div class="s">Ikyi&#7775;a Wandu Waluoe wa Kyenesareti</div><div class="r">(Mak 6:53-56)</div><div class="p"> 34Na wamuamba&#7769;e, waleshika uruka lo Kyenesareti. 35Na wandu wa handu halya kyiyeri walemmanya, wale&#7769;uma wandu iyenda ngyuuruka tsikyeri m&#7775;asenyi, wakamwendie woose walawekui&#7769;ima. 36Nawo wakamterewa wapaaye maa ikyechu lya ikunya lyakye tupu; na woose walepaaya wakakyi&#7775;o piu.</div>
 </div>
 </div>
</div>

New Testament in Kivunjo © Bible Society of Tanzania, 1999.

Kyiyeri kyilya mangyi Herode naleicho mbonyi tsa Yesu. Kawia waṟundi wakye, “Ichu nyi oe Yohane Mpatisi. Naṟuka ko wapfu. Nyikyo kyitewe awoṙe pfinya tseṟunda ishi shoose.” Kyipfa Herode nalekoawaṙa Yohane, kampfunga, kammbika kyipfungonyi, kyipfa kya Herodia, mka o Filyipo mono-wamae. Kyipfa Yohane nalemmbia, “Chi sungusinyi ikaa na oe-pfo.” Na oe kyiyeri awekundi immbaaga, naleowuo wandu, kyipfa walewona Yohane cha moonguo shisuku. Na kyiyeri mfiri ung'anyi o ifeo lya Herode uleshika mana o Herodia o waka naletema mbele ya wandu, kachihiṟa Herode, mṟasa Herode kawika kyaasa kui ilya nyamu kye nechimwenenga kyindo kyoose echikyiterewa. Na oe, kunu echilosho nyi wamae, kagamba, “Ngyienenga wulalu kuṙi iha ipongonyi mṙoe o Yohane Mpatisi.” Na mangyi kawona fowa mrimenyi. Kyaindi kyipfa kya nyamu tsakye, na kyipfa kya walya waweilya handu hamwi na oe, kagamba naenengo. Kaṙuma mndu, kaṙumbuo Yohane mṙoe kulya kyipfungonyi. Mṙoe okye ukoendo ukyeri ipongonyi, mana ulya o waka kauenengo; kauṙuo ko wamae. Wanalosho wakye wakayenda, wakaṙuo mnying'a ulya, wakamṟika; numa wakayenda wakaongoya Yesu mbonyi.


Na Yesu kyiyeri aleicho isho, nalewuka ipfo ngalawenyi, kayenda handu halawoṙe wandu, hatsie sau. Na wuingyi wo wandu kyiyeri waleicho, walemwosha wechumia na maṙende wawuka mṟinyi kowo. Yesu kafuma, kawona wuingyi wo wandu wung'anyi, kawona wukyiwa mrimenyi kyipfa kyawo, kawakyiṟa ndoṟe tsawo. Na kyiyeri kuleila, wanalosho wakye waleyenda kokye, wakagamba, “Handu ha nyi nuka mreesi, na kyiyeri kyamwiṙa. Samana na wuingyi wo wandu, wayende shikaṟonyi, wandeguṟa shelya.” Yesu kawawia, “Wawoṙe kyitewe kyeyenda-pfo. Waenengyenyi kyelya.” Wakammbia, “Luwoṙe kyindo iha sile mkate itanu na makunga gawi-pfo.” Kagamba, “Ngyiendienyi.” Kagamba wuingyi wo wandu waṙamie maṟenyi. Kaira mkate iya itanu na makunga galya gawi, kaambuya wuye ruwewu, kawikyia mboṟa, kafunja mkate iya, kaenengyia wanalosho, wanalosho wakaenengyia wuingyi wulya wo wandu. Wakalya woose wakaiguṙa. Wakasania matsugaṟo ga shipeṟengu sha mkate iya, mkunja ikumi na iwi, iichuo. Nawo walelya wawekyeri wasoṟo washikyie shiku shitaanu, kulawoṙe waka na wana watutu.


Cha ilyi kaitika wanalosho wakye waṙooye ngalawenyi wasonguo mbele yakye iyenda molyolya, kyiyeri oe aweisamana na wuingyi wo wandu. Na oe amsamane na wuingyi wo wandu, naleṙooya fumvunyi handu halawoṙe wandu, indeterewa. Na kyiyeri kuleila, nawekyeri pfo amonyi. Na ngalawa iya ilekoyamshika makyiṙi-gawi ga ipalyipalyi, yechilya wukyiwa mnu kyipfa shiwiṟi shiweikapa. Na kyiyeri kya iringa lya kaana lya kyio Yesu naleyenda ko wanalosho walya, echichumia wuye ya ipalyipalyi. Kyiyeri wanalosho walemmbona echichumia wuye ya ipalyipalyi, walewoṙo nyi wuowu, wechigamba, “Nyi kyirinje”; wakafiiṟa kui wuowu. Cha ilyi Yesu kaṙeṙa, kawawia, “Kuwanzenyi mrimenyi; nyi inyi, mulaowuoe.” Petiro kamgaluo, kagamba, “Kokooya nyi iyoe, ngyiwia ngyiche na kopfo wuye ya mṟinga.” Kagamba, “Nnjo.” Petiro kasoka kulya ngalawenyi, kachumia na maṙende wuye ya mṟinga, kundu nayende ko Yesu. Kyaindi kyiyeri alewona kyiwiṟi, kaowuo; kawooka isoṟowia; kafiiṟa, echigamba, “Mndumii, ngyiletsa.” Cha ilyi Yesu kagoṟuo kuwoko kokye, kammbia, “Iyoe uwoṙe iiṙikyia lyaangu, ny'kyilyi ulaleiṙikyia kye ngyeiṙima ikuenenga wuiṙimi wo chumia wuye ya mṟinga?” Nawo wakaṙooya ngalawenyi, kyiwiṟi kyikatsia. Na walya wawekyeri kulya ngalawenyi wakamwindia, wechigamba, “Ny'kyaloi iyoe nui Mono-Ruwa.”


Na wamuambaṙe, waleshika uruka lo Kyenesareti. Na wandu wa handu halya kyiyeri walemmanya, waleṙuma wandu iyenda ngyuuruka tsikyeri mṟasenyi, wakamwendie woose walawekuiṙima. Nawo wakamterewa wapaaye maa ikyechu lya ikunya lyakye tupu; na woose walepaaya wakakyiṟo piu.

Luister na Matayo 14