If you would like a copy of this version please contact info@davaraudiobibles.org

Izii Old Testament

<div class="version vid1601 iso6393izz" data-vid="1601" data-iso6393="izz">
 <div class="book bkGEN">
 <div class="chapter ch23" data-usfm="GEN.23">
 <div class="label">23</div><div class="s">Anw&#7909;hu Sera</div><div class="p"> 1Sera n&#7885;ru &#7909;kporo apha ishii l'apha &#7865;saa. 2&#7884; nw&#7909;hu l&#7865; Kiriyatu-Araba, b&#7909; iya b&#7909; H&#7865;buronu, n&#7885; l'al&#7883; K&#233;nanu. &#201;birihamu kwaa Sera; raa &#7865;kwa iya.</div><div class="p"> 3&#201;birihamu bya agb&#7865;shi l'ag&#7909;ga nyee ya ono, nw&#7909;huru n&#7909; ono; bya ejepfu ndu Hetu; je as&#7909; ph&#7865;: 4&#8220;Mu b&#7909;kwa nlwam&#7909;lwa; mb&#7909; onye shi &#7885;hozo lwapfuta unu. Jiko unu renaa mu al&#7883;; g&#7865; mu lia odzu nyee mu-a.&#8221;</div><div class="p"> 5Ndu Hetu s&#7909; &#201;birihamu: 6&#8220;Nnaj&#7883;uphu; anyi s&#7909;ru-a: &#7883; b&#7909;kwa &#7885;nyibe, par&#7909; &#7865;ka l'echilab&#7885; anyi. Hatakp&#7885;epho ilu ndu anyi &#7885;phu kachaa ngu ree je elia nyee ngu. O to nwedu onye ndu anyi, a-j&#7883;ka s&#7909; g'i ti lishi iya l'ilu nkiya.&#8221;</div><div class="p"> 7&#201;birihamu bya agbalihu bya ephozeru ndu al&#7883; ono, b&#7909; iya b&#7909; ndu Hetu. 8&#7884; s&#7909; ph&#7865;: &#8220;&#7884; -b&#7909;ru l'&#7885; d&#7909; unu g&#7865; mu lia odzu nyee mu b&#7865; mu s&#7909;ru-a: g'unu je arw&#7885;oru mu &#7864;furonu, b&#7909; nwatibe Zoha; 9g'o ree mu &#7885;gba Makupela iya ph&#7885;, n&#7885; l'ishi al&#7883; iya ono. Unu s&#7909; iya g'o ree mu iya &#7885;kpobe aswa iya; g'&#7885; b&#7909;ru &#7865;ka ee-lije odzu l'ibe unu.&#8221;</div><div class="p"> 10&#7864;furonu ono, b&#7909; onye Hetu ono b&#7865; &#7865;phe l&#7865; ndu ndu ph&#7865; t&#7909;kokwaru-a n&#7885;dukota l'&#7865;ka ono l'&#7885;nu-abata mkp&#7909;kpu ono. &#7884; raa ya arara k'&#7885;phu ndu Hetu, byak&#7885;taru &#7865;ka ono n&#7909;makotaru iya; s&#7909; &#201;birihamu: 11&#8220;Nnaj&#7883;uphu; waawakwa! Mu s&#7909;ru-a: mu pf&#7909;ru l'atatiphu ndu al&#7883; mu epfu s&#7909; g'i nwok&#7885;taru al&#7883; ono l'ophu; nworu &#7885;gba, n&#7885; iya n&#7909;. Je elia ya r&#7885; odzu nyee ngu!&#8221;</div><div class="p"> 12&#201;birihamu bya ephozetakwa &#7885;zo l'atatiphu ndu al&#7883; ono; 13bya as&#7909; &#7864;furonu; mb&#7909; pfua ya ndu al&#7883; ono n&#7909;ma-dzuru; s&#7909; iya: &#8220;Mu s&#7909;ru-a; &#7885; -b&#7909;ru l'&#7883;i-n&#7909; mu al&#7883; &#7885;bu b&#7865; mu a-pf&#7909; ngu-a okpoga l'aswa al&#7883; &#7885;bu. Natan&#7909; mu aswa iya; k'&#7885;phu mu e-je elia odzu nyee mu l'&#7865;ka ono.&#8221;</div><div class="p"> 14&#7864;furonu s&#7909; &#201;birihamu: 15&#8220;Mu s&#7909;ru-a nnaj&#7883;uphu; al&#7883; ono s&#7909;kwaru &#7909;nu mkp&#7885;la-&#7885;chaa. &#7884;le &#7885; b&#7909;; ?b&#7909; g&#7909;nu b&#7909; iphe ono b&#7909; l&#7865; mgbaka mu l&#7865; ngu? Je elia ya r&#7885; odzu nyee ngu.&#8221;</div><div class="p"> 16&#201;birihamu kweta iphe, &#7864;furonu h&#7909;ru iya; bya eworu aswa al&#7883; ono, &#7885; h&#7909;ru l'iphu ndu Hetu ono pf&#7909;a ya. Iphe, &#7885; pf&#7909;ru iya b&#7909; &#7909;nu mkp&#7885;la-&#7885;chaa, a t&#7909;ru l'&#7865;kpa, e gude az&#7909; aswa teke ono.</div><div class="p"> 17&#7884;o ya b&#7909;; e woru al&#7883; &#7864;furonu, n&#7885; l&#7865; Makupela ree &#201;birihamu. Makupela &#7885;bu n&#7885;-kube Mamure. E reru iya al&#7883; &#7885;bu; y&#7865;e &#7885;gba, n&#7885; iya n&#7909;; m&#7865;cha oshi, n&#7885; je akpaa l'oke iya. 18Iphe, b&#7909; ndu Hetu l'ophu, b&#7909; ndu d&#7885;ru l'&#7885;nu-abata mkp&#7909;kpu ono n&#7885;kota h&#7909;ma teke e reru &#201;birihamu al&#7883; ono g'&#7885; b&#7909;ru al&#7883; iya. 19E mechaa; &#201;birihamu lia nyee ya, b&#7909; Sera l'&#7885;gba ono, n&#7885; l'al&#7883; Makupela ono; n&#7885;-kubekwapho Mamure, b&#7909; iya b&#7909; H&#7865;buronu ono, n&#7885; l'al&#7883; K&#233;nanu ono. 20&#7884; b&#7909;ru iya b&#7909; l&#7865; ndu Hetu woru al&#7883; &#7885;bu; y&#7865; l'&#7885;gba, n&#7885; iya n&#7909;; bvuaru &#201;birihamu; &#7885; b&#7909;ru al&#7883; iya bya ab&#7909;ru &#7865;ka ee-lije odzu.</div>
 </div>
 </div>
</div>

Sera nọru ụkporo apha ishii l'apha ẹsaa. Ọ nwụhu lẹ Kiriyatu-Araba, bụ iya bụ Hẹburonu, nọ l'alị Kénanu. Ébirihamu kwaa Sera; raa ẹkwa iya.
Ébirihamu bya agbẹshi l'agụga nyee ya ono, nwụhuru nụ ono; bya ejepfu ndu Hetu; je asụ phẹ: “Mu bụkwa nlwamụlwa; mbụ onye shi ọhozo lwapfuta unu. Jiko unu renaa mu alị; gẹ mu lia odzu nyee mu-a.”
Ndu Hetu sụ Ébirihamu: “Nnajịuphu; anyi sụru-a: ị bụkwa ọnyibe, parụ ẹka l'echilabọ anyi. Hatakpọepho ilu ndu anyi ọphu kachaa ngu ree je elia nyee ngu. O to nwedu onye ndu anyi, a-jịka sụ g'i ti lishi iya l'ilu nkiya.”
Ébirihamu bya agbalihu bya ephozeru ndu alị ono, bụ iya bụ ndu Hetu. Ọ sụ phẹ: “Ọ -bụru l'ọ dụ unu gẹ mu lia odzu nyee mu bẹ mu sụru-a: g'unu je arwọoru mu Ẹfuronu, bụ nwatibe Zoha; g'o ree mu ọgba Makupela iya phọ, nọ l'ishi alị iya ono. Unu sụ iya g'o ree mu iya ọkpobe aswa iya; g'ọ bụru ẹka ee-lije odzu l'ibe unu.”
Ẹfuronu ono, bụ onye Hetu ono bẹ ẹphe lẹ ndu ndu phẹ tụkokwaru-a nọdukota l'ẹka ono l'ọnu-abata mkpụkpu ono. Ọ raa ya arara k'ọphu ndu Hetu, byakọtaru ẹka ono nụmakotaru iya; sụ Ébirihamu: “Nnajịuphu; waawakwa! Mu sụru-a: mu pfụru l'atatiphu ndu alị mu epfu sụ g'i nwokọtaru alị ono l'ophu; nworu ọgba, nọ iya nụ. Je elia ya rọ odzu nyee ngu!”
Ébirihamu bya ephozetakwa ọzo l'atatiphu ndu alị ono; bya asụ Ẹfuronu; mbụ pfua ya ndu alị ono nụma-dzuru; sụ iya: “Mu sụru-a; ọ -bụru l'ịi-nụ mu alị ọbu bẹ mu a-pfụ ngu-a okpoga l'aswa alị ọbu. Natanụ mu aswa iya; k'ọphu mu e-je elia odzu nyee mu l'ẹka ono.”
Ẹfuronu sụ Ébirihamu: “Mu sụru-a nnajịuphu; alị ono sụkwaru ụnu mkpọla-ọchaa. Ọle ọ bụ; ?bụ gụnu bụ iphe ono bụ lẹ mgbaka mu lẹ ngu? Je elia ya rọ odzu nyee ngu.”
Ébirihamu kweta iphe, Ẹfuronu hụru iya; bya eworu aswa alị ono, ọ hụru l'iphu ndu Hetu ono pfụa ya. Iphe, ọ pfụru iya bụ ụnu mkpọla-ọchaa, a tụru l'ẹkpa, e gude azụ aswa teke ono.
Ọo ya bụ; e woru alị Ẹfuronu, nọ lẹ Makupela ree Ébirihamu. Makupela ọbu nọ-kube Mamure. E reru iya alị ọbu; yẹe ọgba, nọ iya nụ; mẹcha oshi, nọ je akpaa l'oke iya. Iphe, bụ ndu Hetu l'ophu, bụ ndu dọru l'ọnu-abata mkpụkpu ono nọkota hụma teke e reru Ébirihamu alị ono g'ọ bụru alị iya. E mechaa; Ébirihamu lia nyee ya, bụ Sera l'ọgba ono, nọ l'alị Makupela ono; nọ-kubekwapho Mamure, bụ iya bụ Hẹburonu ono, nọ l'alị Kénanu ono. Ọ bụru iya bụ lẹ ndu Hetu woru alị ọbu; yẹ l'ọgba, nọ iya nụ; bvuaru Ébirihamu; ọ bụru alị iya bya abụru ẹka ee-lije odzu.

Luister na Mbụlembu 23