 An Eadar-Theangachadh Ùr Gàidhlig 2017  Ann an 1993 sgrìobh an t-Àrd‑Oll. Dòmhnall Meek gun robh “an diofar a th' eadar ‘Gàidhlig a' Bhìobaill’ agus ‘Gàidhlig an latha an‑diugh’ air a bhith air fhaicinn gu ìre fada nas motha tro thìm – gu h‑àraid am measg luchd cleachdaidh na Gàidhlig a tha nas òige … – iadsan nach eil, ann an cumantas, cho eòlach air ‘Gàidhlig na cùbaid’ 's a bha an sinnsirean.” Ma bha sin fìor is follaiseach an uair sin, tha e nas motha buileach mar sin an‑diugh. 'S e sin an t‑adhbhar gu bheil sinne a' clò-bhualadh na h‑iris seo an‑dràsta. Bhruidhinn ar Tighearna 's ar Slànaighear Ìosa Crìosd gu pearsanta, na cànan fhèin, ri Màiri Magdalen às dèidh na h‑aiseirigh, airson dòchas a thoirt dhi (Eòin 20:16). Tha sinne cuideachd ag iarraidh gum bruidhinn Facal Dhè ri daoine sa chànan anns a bheil iad fhèin a' bruidhinn, a' sgrìobhadh, a' smaoineachadh 's ag aisling an‑diugh.  An Tiomnadh Nuadh 1767  Chaidh an Tiomnadh Nuadh eadar-theangachadh gu Gàidhlig na h-Alba on Ghreugais an toiseach leis an t-Urr. Seumas Stiùbhart, ministear Chill-Fhìnn, agus chaidh a chlò-bhualadh ann an 1767 – beagan 's fichead bliadhna an dèidh blàr Chùil Lodair. B' e a mhac, Iain, ministear Lus, am prìomh eadar-theangair airson an t-Seann Tiomnaidh, a chaidh a chrìochnachadh ann an 1801. O chionn ghoirid, tha suidheachadh na Gàidhlig san àm ri teachd air mòran aire fhaighinn, leis a' chànan a’ dèanamh adhartais agus a’ faighinn inbhe shònraichte ann am beatha na dùthcha. A dh'aindeoin sin tha an sgaradh eadar Gàidhlig làitheil agus an gnè Gàidhlig a tha ann an eadar-theagachadh 1801 a' leudachadh.   An Tiomnadh Nuadh 2017  Tha an eadar-theangachadh seo a' tighinn a-mach 250 bliadhna an dèidh a' chiad eadar-theagachadh dhen Tiomnadh Nuadh on Ghreugais gu Gàidhlig a bhith air a chlò-bhualadh.  Tha an eadar-theangachadh ùr ag amas air a bhith a' toirt ri chèile dìlseachd dhan Ghreugais thùsail le briathrachas làitheal, agus soilleireachd le urram. Tha an obair seo a' nochdadh aig àm nuair a tha cothroman air leth ann airson adhartas na Gàidhlig. Agus tha sinn an dòchas gum bi e feumail airson fòghlaim agus airson nan eaglaisean, a thuilleadh air leughadh phearsanta. Le bhith ag eadar-theangachadh Facal Dhè a Ghàidhlig an latha an‑diugh tha an sgioba againn an dòchas gun cluinn iadsan uile a leughas 's a chluinneas e guth Dhè a' bruidhinn riutha gu soilleir, agus, mar sin, gun tig iad gu eòlas air an t‑sìth 's air an t‑slàinte a tha rim faotainn tro Chrìosd a‑mhàin. 'S e miann na sgioba gum biodh gach moladh, urram agus cliù a' dol thuigesan agus thuigesan a‑mhàin. © Comann Bhìoball na h-Alba 2017 New Gaelic Translation 2017  In 1993 Prof. Donald Meek wrote that “the difference between ‘Bible Gaelic’ and ‘Today’'sGaelic’ has increased over time – especially among young users of Gaelic – those who, for the most part, are not so used to ‘Pulpit Gaelic’, as their forebears were.” If that was apparent then, it is even more so today. That is the reason that we are publishing this translation now.  Our Lord and Saviour spoke personally and in her own language, to Mary Magdalen after the resurrection, to give her hope (John 20:16). We also desire that God’s Word would speak to people in their own language which they speak, write, think and dream in today.   New Testament 1767  The New Testament was first translated into Scottish Gaelic by Rev James Stuart, minister of Killin, and published in 1767 – barely 20 years after the battle of Culloden. His son John, minister of Luss, was the main translator of the Old Testament, completed in 1801. In recent years, the future of Gaelic in education and public life has received much attention as the language flourishes. However, the gap between everyday Gaelic in common use and the Gaelic in the most recent Bible edition continues to widen.   New Testament 2017  This new translation comes 250 years after the first translation of the New Testament from Greek into Gaelic was published.  This new translation aims to combine faithfulness to the Greek original with vocabulary in normal use, and clarity with dignity. The work comes at a time of opportunity in the development of Gaelic. It is our desire that this new translation will be useful in education and for the churches, as well as for personal use. In translating God's Word into the today's Gaelic, our translation team hope that all who read will hear the voice of God speaking clearly to them, and, in that way, that they will know the peace and the salvation that are found only in Christ. It is the desire of the team, that all praise, honour, and glory be God’s and his alone.  © Scottish Bible Society 2017

℗ Comann Bhìoball na h‑Alba 2022 ℗ Scottish Bible Society 2022

An Tiomnadh Nuadh anns an Eadar-Theangachadh Ùr Gàidhlig 2017

<div class="version vid1562 iso6393gla" data-vid="1562" data-iso6393="gla">
 <div class="book bkMAT">
 <div class="chapter ch10" data-usfm="MAT.10">
 <div class="label">10</div><div class="s1">&#204;osa a' Cur an D&#224; Fhear Dheug A&#8209;Mach</div><div class="p"> 1Agus ghairm e thuige fh&#232;in a dh&#224; dheisciobal dheug agus thug e &#249;ghdarras dhaibh thairis air spioradan ne&#242;ghlan, airson an tilgeil a&#8209;mach, agus airson a h&#8209;uile tinneas is a h&#8209;uile se&#242;rsa bochdainn a shl&#224;nachadh.</div><div class="p"> 2Is iad seo ainmean an d&#224; abstol dheug: a' chiad fhear, S&#236;mon, ris an canar Peadar, agus Anndra a bhr&#224;thair; Seumas mac Shebede, agus E&#242;in a bhr&#224;thair; 3Philip agus Bartolom&#232;us; T&#242;mas agus Mata an c&#236;s&#8209;mhaor; Seumas mac Alph&#232;uis, agus Tad&#232;us; 4S&#236;mon an Can&#224;anach, agus I&#249;das Iscariot, a bhrath &#204;osa.</div><div class="p"> 5Chuir &#204;osa a&#8209;mach an d&#224; fhear dheug seo, ag &#224;ithne dhaibh, &#8220;Na rachaibh gu slighe nan Cinneach agus na rachaibh a&#8209;steach do bhaile Shamaritanach, 6ach an &#224;ite sin thallaibh gu caoraich chaillte taigh Israeil. 7Agus fhad 's a tha sibh a' siubhal, searmonaichibh, ag r&#224;dh, &#8216;Tha r&#236;oghachd n&#232;imh faisg air l&#224;imh.&#8217; 8Leighisibh an fheadhainn a tha tinn, togaibh na mairbh, glanaibh na lobhair, tilgibh a&#8209;mach deamhainnean. An&#8209;asgaidh fhuair sibh, an&#8209;asgaidh thoiribh seachad. 9Na sealbhaichibh &#242;r no airgead no umha airson ur sporain, 10no baga airson na slighe, no d&#224; l&#232;ine&#8209;fhada, no cuarain, no bata, oir is airidh an t&#8209;obraiche air a bhiadh.</div><div class="p"> 11&#8220;Agus ge b' e baile m&#242;r no baile beag dhan t&#232;id sibh a&#8209;steach, faighibh a&#8209;mach c&#242; a tha airidh ann agus fanaibh an sin gus am f&#224;g sibh. 12Agus nuair a thig sibh a&#8209;steach do thaigh, thoiribh ur f&#224;ilte dha. 13Agus mas airidh an taigh sin, thigeadh ur s&#236;th air, ach mura h&#8209;eil e airidh, tilleadh ur s&#236;th thugaib' fh&#232;in. 14Agus mura gabh no nach &#232;ist neach sam bith ri ur briathran, crathaibh an dust o ur casan nuair a dh'fh&#224;gas sibh an taigh no am baile sin. 15Gu deimhinn, tha mi ag r&#224;dh ribh gum bi e nas fhasa do th&#236;r Shodoim is Ghomorrah fulang air latha a' bhreitheanais na bhios e dhan bhaile sin. 16Seall, tha mi gar cur a&#8209;mach mar chaoraich am measg mhadaidhean&#8209;allaidh; mar sin bithibh cho glic ri nathraichean agus cho neoichiontach ri calmain.</div><div class="p"> 17&#8220;Bithibh air ur faiceall o dhaoine, oir bheir iad thairis sibh do chomhairlean, agus sgi&#249;rsaidh iad sibh nan sionagogan 18agus th&#232;id ur toirt mu choinneamh riaghladairean agus r&#236;ghrean air mo sg&#224;th&#8209;sa, mar fhianais dhaibhsan agus dha na Cinnich. 19Nuair a bheir iad thairis sibh, na bithibh fo ch&#249;ram a thaobh mar a bhruidhneas sibh no d&#232; a chanas sibh, oir bidh na chanas sibh air a thoirt dhuibh san uair sin. 20Oir chan e sibhse a bhruidhneas, ach 's e Spiorad ur n&#8209;Athar a bhruidhneas annaibh.</div><div class="p"> 21&#8220;Bheir br&#224;thair br&#224;thair thairis gu b&#224;s, agus athair a leanabh, agus &#232;iridh clann an aghaidh am p&#224;rantan agus cuiridh iad gu b&#224;s iad 22agus bidh fuath aig a h&#8209;uile duine dhuibh air sg&#224;th m' ainme&#8209;sa, ach ge b' e a leanas air chun na cr&#236;che bidh e air a sh&#224;bhaladh. 23Agus nuair a n&#236; iad geur&#8209;leanmhainn oirbh ann an aon bhaile, teichibh gu baile eile; oir gu deimhinn tha mi ag r&#224;dh ribh nach bi sibh air sgur a dhol air feadh bhailtean Israeil mun tig Mac an Duine.</div><div class="p"> 24&#8220;Chan eil deisciobal os cionn a neach&#8209;teagaisg, no seirbheiseach os cionn a mhaighstir. 25Is le&#242;r dhan dheisciobal a bhith coltach ris an neach&#8209;teagaisg aige, agus dhan t&#8209;seirbheiseach a bhith coltach ri a mhaighstir. Ma ghabh iad Beelsebul air maighstir an taighe, nach motha a n&#236; iad sin air a theaghlach!</div><div class="p"> 26&#8220;Mar sin na biodh eagal oirbh romhpa, oir chan eil rud sam bith falaichte nach t&#232;id fhoillseachadh agus air a chleith nach t&#232;id a dh&#232;anamh aithnichte. 27Na dh'innseas mise dhuibh san dorchadas, canaibh e san t&#8209;solas, agus an n&#236; a chluinneas sibh sa chluais, searmonaichibh air mullach nan taighean e. 28Agus na biodh eagal oirbh on fheadhainn a mharbhas an corp ach nach urrainn an t&#8209;anam a mharbhadh. An &#224;ite sin, biodh eagal oirbh on Aon as urrainn an d&#224; chuid an corp 's an t&#8209;anam a sgrios ann an Ifrinn. 29Nach eil d&#224; ghealbhonn air an reic air sgillinn? Agus cha tuit aon dhiubh gu talamh &#224;s aonais ur n&#8209;Athar&#8209;se. 30Ach tha fi&#249; 's fuiltein ur cinn gu l&#232;ir air an &#224;ireamh. 31Mar sin na biodh eagal oirbh; 's fhiach sibhse barrachd na m&#242;ran ghealbhonn.</div><div class="p"> 32&#8220;Mar sin ge b' e a dh'aidicheas mise mu choinneamh dhaoine, aidichidh mise esan cuideachd mu choinneamh m' Athar a th' air n&#232;amh. 33Ach ge b' e a dh'&#224;icheas mise mu choinneamh dhaoine, &#224;icheidh mise esan cuideachd mu choinneamh m' Athar a th' air n&#232;amh.</div><div class="p"> 34&#8220;Na smaoinichibh gun t&#224;inig mise a thoirt s&#236;the air thalamh. Chan ann a thoirt s&#236;the a th&#224;inig mi, ach claidheamh. 35Oir th&#224;inig mi a chur</div><div class="b"></div><div class="q1">&#8220;&#8216;duine an aghaidh athar,</div><div class="q1">agus nighean an aghaidh a m&#224;thar,</div><div class="q1">agus nighean&#8209;c&#232;ile an aghaidh a m&#224;thar&#8209;c&#232;ile &#8211;</div><div class="q1"> 36agus is iad na n&#224;imhdean aig duine muinntir a theaghlaich fh&#232;in.&#8217;#Micah 7:6</div><div class="b"></div><div class="p"> 37&#8220;Ge b' e c&#242; a ghr&#224;dhaicheas athair no m&#224;thair nas motha na mise, chan eil e airidh orm, agus ge b' e c&#242; a ghr&#224;dhaicheas mac no nighean os mo chionn&#8209;sa, chan eil e airidh orm. 38Agus ge b' e c&#242; nach tog a chrann&#8209;ceusaidh agus nach lean mise, chan eil e airidh orm. 39Ge b' e c&#242; a lorgas a bheatha, caillidh e i, agus ge b' e c&#242; a chailleas a bheatha air mo shon&#8209;sa, lorgaidh e i.</div><div class="p"> 40&#8220;Ge b' e c&#242; a ghabhas ribhse, gabhaidh e riumsa, agus ge b' e a ghabhas riumsa, gabhaidh e ris an Aon a chuir a&#8209;mach mi. 41An neach a ghabhas ri f&#224;idh ann an ainm f&#224;idh, gheibh e duais f&#224;idh, agus an neach a ghabhas ri f&#236;rean ann an ainm f&#236;rein, gheibh e duais f&#236;rein. 42Agus ge b' e c&#242; a bheir fi&#249; 's cupa uisge fuar do dh'aon dhen fheadhainn bheaga seo, a chionn 's gur e deisciobal a th' ann, gu deimhinn tha mi ag r&#224;dh ribh nach caill e a dhuais air chor sam bith.&#8221;</div>
 </div>
 </div>
</div>

Agus ghairm e thuige fhèin a dhà dheisciobal dheug agus thug e ùghdarras dhaibh thairis air spioradan neòghlan, airson an tilgeil a‑mach, agus airson a h‑uile tinneas is a h‑uile seòrsa bochdainn a shlànachadh.
Is iad seo ainmean an dà abstol dheug: a' chiad fhear, Sìmon, ris an canar Peadar, agus Anndra a bhràthair; Seumas mac Shebede, agus Eòin a bhràthair; Philip agus Bartolomèus; Tòmas agus Mata an cìs‑mhaor; Seumas mac Alphèuis, agus Tadèus; Sìmon an Canàanach, agus Iùdas Iscariot, a bhrath Ìosa.
Chuir Ìosa a‑mach an dà fhear dheug seo, ag àithne dhaibh, “Na rachaibh gu slighe nan Cinneach agus na rachaibh a‑steach do bhaile Shamaritanach, ach an àite sin thallaibh gu caoraich chaillte taigh Israeil. Agus fhad 's a tha sibh a' siubhal, searmonaichibh, ag ràdh, ‘Tha rìoghachd nèimh faisg air làimh.’ Leighisibh an fheadhainn a tha tinn, togaibh na mairbh, glanaibh na lobhair, tilgibh a‑mach deamhainnean. An‑asgaidh fhuair sibh, an‑asgaidh thoiribh seachad. Na sealbhaichibh òr no airgead no umha airson ur sporain, no baga airson na slighe, no dà lèine‑fhada, no cuarain, no bata, oir is airidh an t‑obraiche air a bhiadh.
“Agus ge b' e baile mòr no baile beag dhan tèid sibh a‑steach, faighibh a‑mach cò a tha airidh ann agus fanaibh an sin gus am fàg sibh. Agus nuair a thig sibh a‑steach do thaigh, thoiribh ur fàilte dha. Agus mas airidh an taigh sin, thigeadh ur sìth air, ach mura h‑eil e airidh, tilleadh ur sìth thugaib' fhèin. Agus mura gabh no nach èist neach sam bith ri ur briathran, crathaibh an dust o ur casan nuair a dh'fhàgas sibh an taigh no am baile sin. Gu deimhinn, tha mi ag ràdh ribh gum bi e nas fhasa do thìr Shodoim is Ghomorrah fulang air latha a' bhreitheanais na bhios e dhan bhaile sin. Seall, tha mi gar cur a‑mach mar chaoraich am measg mhadaidhean‑allaidh; mar sin bithibh cho glic ri nathraichean agus cho neoichiontach ri calmain.
“Bithibh air ur faiceall o dhaoine, oir bheir iad thairis sibh do chomhairlean, agus sgiùrsaidh iad sibh nan sionagogan agus thèid ur toirt mu choinneamh riaghladairean agus rìghrean air mo sgàth‑sa, mar fhianais dhaibhsan agus dha na Cinnich. Nuair a bheir iad thairis sibh, na bithibh fo chùram a thaobh mar a bhruidhneas sibh no dè a chanas sibh, oir bidh na chanas sibh air a thoirt dhuibh san uair sin. Oir chan e sibhse a bhruidhneas, ach 's e Spiorad ur n‑Athar a bhruidhneas annaibh.
“Bheir bràthair bràthair thairis gu bàs, agus athair a leanabh, agus èiridh clann an aghaidh am pàrantan agus cuiridh iad gu bàs iad agus bidh fuath aig a h‑uile duine dhuibh air sgàth m' ainme‑sa, ach ge b' e a leanas air chun na crìche bidh e air a shàbhaladh. Agus nuair a nì iad geur‑leanmhainn oirbh ann an aon bhaile, teichibh gu baile eile; oir gu deimhinn tha mi ag ràdh ribh nach bi sibh air sgur a dhol air feadh bhailtean Israeil mun tig Mac an Duine.
“Chan eil deisciobal os cionn a neach‑teagaisg, no seirbheiseach os cionn a mhaighstir. Is leòr dhan dheisciobal a bhith coltach ris an neach‑teagaisg aige, agus dhan t‑seirbheiseach a bhith coltach ri a mhaighstir. Ma ghabh iad Beelsebul air maighstir an taighe, nach motha a nì iad sin air a theaghlach!
“Mar sin na biodh eagal oirbh romhpa, oir chan eil rud sam bith falaichte nach tèid fhoillseachadh agus air a chleith nach tèid a dhèanamh aithnichte. Na dh'innseas mise dhuibh san dorchadas, canaibh e san t‑solas, agus an nì a chluinneas sibh sa chluais, searmonaichibh air mullach nan taighean e. Agus na biodh eagal oirbh on fheadhainn a mharbhas an corp ach nach urrainn an t‑anam a mharbhadh. An àite sin, biodh eagal oirbh on Aon as urrainn an dà chuid an corp 's an t‑anam a sgrios ann an Ifrinn. Nach eil dà ghealbhonn air an reic air sgillinn? Agus cha tuit aon dhiubh gu talamh às aonais ur n‑Athar‑se. Ach tha fiù 's fuiltein ur cinn gu lèir air an àireamh. Mar sin na biodh eagal oirbh; 's fhiach sibhse barrachd na mòran ghealbhonn.
“Mar sin ge b' e a dh'aidicheas mise mu choinneamh dhaoine, aidichidh mise esan cuideachd mu choinneamh m' Athar a th' air nèamh. Ach ge b' e a dh'àicheas mise mu choinneamh dhaoine, àicheidh mise esan cuideachd mu choinneamh m' Athar a th' air nèamh.
“Na smaoinichibh gun tàinig mise a thoirt sìthe air thalamh. Chan ann a thoirt sìthe a thàinig mi, ach claidheamh. Oir thàinig mi a chur

“‘duine an aghaidh athar,
agus nighean an aghaidh a màthar,
agus nighean‑cèile an aghaidh a màthar‑cèile –
agus is iad na nàimhdean aig duine muinntir a theaghlaich fhèin.’

“Ge b' e cò a ghràdhaicheas athair no màthair nas motha na mise, chan eil e airidh orm, agus ge b' e cò a ghràdhaicheas mac no nighean os mo chionn‑sa, chan eil e airidh orm. Agus ge b' e cò nach tog a chrann‑ceusaidh agus nach lean mise, chan eil e airidh orm. Ge b' e cò a lorgas a bheatha, caillidh e i, agus ge b' e cò a chailleas a bheatha air mo shon‑sa, lorgaidh e i.
“Ge b' e cò a ghabhas ribhse, gabhaidh e riumsa, agus ge b' e a ghabhas riumsa, gabhaidh e ris an Aon a chuir a‑mach mi. An neach a ghabhas ri fàidh ann an ainm fàidh, gheibh e duais fàidh, agus an neach a ghabhas ri fìrean ann an ainm fìrein, gheibh e duais fìrein. Agus ge b' e cò a bheir fiù 's cupa uisge fuar do dh'aon dhen fheadhainn bheaga seo, a chionn 's gur e deisciobal a th' ann, gu deimhinn tha mi ag ràdh ribh nach caill e a dhuais air chor sam bith.”

Luister na Mata 10