<div class="version vid1402 iso6393nfa" data-vid="1402" data-iso6393="nfa">
 <div class="book bkGEN">
 <div class="chapter ch7" data-usfm="GEN.7">
 <div class="label">7</div><div class="s1">&#200;i aae lala</div><div class="p"> 1&#200;le &#232;&#232;na ka, LAMATUA peka d&#232;nge Noh, &#8220;Ja&#42892;a ladhe le pal&#232;me, te ngaa abhu dhoka &#232;u di dhu d&#42892;ara mola. N&#232;ti &#232;&#232;na ka, &#232;u d&#232;nge bh&#232;ni-ana niki &#232;u, lami ka asa d&#42892;ara kapa. 2-3M&#232;ti d&#232;nge badha-badha dhu bisa mi&#42892;a, aa bisa hia Ja&#42892;a kah&#232;i, de m&#232;ti pidhu-pidhu pasa asa d&#42892;ara kapa. M&#232;ti kah&#232;i rupa-rupa manu-bhui pidhu-pidhu pasa. Te ngaa badha dhu leo, m&#232;ti dhoka ca pasa-ca pasa di. S&#232;na ka badha d&#232;nge manu-bhui se, j&#42892;aj&#42892;i hini, ho baku ma&#42892;&#232;te.</div><div class="p"> 4San&#232;d&#42892;e paie-iie, oo! Di pidhu lod&#42892;o ka, Ja&#42892;a papuru &#232;j&#42892;i aae mai dhu bhoka boe ca lod&#42892;o sa, toke d&#42892;ai &#232;pa nguru lod&#42892;o m&#232;u-m&#232;da. D&#232;nge s&#232;mi ne&#42892;e, Ja&#42892;a pamadhe aa&#42892;i ngaa-ngaa dhu mamuri &#232;tu dedha-rai, dhu Ja&#42892;a paj&#42892;aj&#42892;i kore le.&#8221;</div><div class="p"> 5Ka Noh tao aa&#42892;i s&#232;mi lii paredha LAMATUA. 6Lod&#42892;o &#232;i aae lala, umur Noh 600 (&#232;na ngasu) t&#232;u. 7Noh d&#232;nge dh&#232;u &#232;mu na, d&#232;nge ana niki na, aa d&#232;nge dh&#232;u &#232;mu ana ra di, lasi asa d&#42892;ara kapa, ho ra abhu mamuri. 8-9Madhutu lii paredha LAMATUA, ka Noh pamaso manu-bhui d&#232;nge badha leo s&#232;ra, &#232;ci-&#232;ci ka d&#232;nge pasa na, n&#232;ti dhu bisa ra&#42892;a, d&#232;nge dhu bisa boe ra&#42892;a. 10Ropa &#232;le pidhu lod&#42892;o, cag&#42892;ag&#42892;a laa &#232;i aae lala, ka rai-haha ne, mulai c&#232;ne.</div><div class="p"> 11L&#232;ke d&#232;nge umur Noh 600 (&#232;na ngasu) t&#232;u, risi dua h&#232;ru, canguru pidhu lod&#42892;o, ka mulai &#232;i aae lala. Lod&#42892;o &#232;&#232;na, s&#232;mi bab&#232;dho liru dhu bhoke eele sa, ka &#232;i na tao sabhori mai. Aa &#232;i madha-&#232;i madha &#232;tu rai-haha sabhoka, ka s&#232;mi tao sabhuu sa dedha. 12Ka &#232;j&#42892;i bhori mai loe boe &#232;pa nguru lod&#42892;o m&#232;u-m&#232;da.</div><div class="p"> 13Te ngaa lod&#42892;o &#232;&#232;na, Noh d&#232;nge dh&#232;u &#232;mu na, d&#232;nge ana mone na dh&#232;u t&#232;lu: Sem, Yafet d&#232;nge Ham, d&#232;nge dh&#232;u &#232;mu ra, maso lasi asa d&#42892;ara kapa. 14Lasi palere d&#232;nge badha aa&#42892;i-aa&#42892;i ra, s&#232;mi: badha ani, badha hui, badha dhu rod&#42892;o, manu-bhui, d&#232;nge badha-badha leo dhu d&#232;nge &#232;la s&#232;ra. 15-16Ca pasa-ca pasa n&#232;ti aa&#42892;i-aa&#42892;i dhu mamuri, lasi asa d&#42892;ara kapa palere d&#232;nge Noh, madhutu s&#232;mi lii paredha Ama Lamatua.</div><div class="p">Ropa aa&#42892;i-aa&#42892;i ra d&#42892;ai d&#42892;ara kapa, LAMATUA b&#232;dho bab&#232;dho kapa &#232;&#232;na.</div><div class="p"> 17-19&#200;j&#42892;i aae puru ma&#42892;&#232;te boe d&#42892;ai &#232;pa nguru lod&#42892;o. H&#232;ia kapa &#232;&#232;na taleb&#42892;o. &#200;i ca&#42892;e loe boe toke hutu nare kolo ledhe dhu dedha aae. 20&#200;i ca&#42892;e taruu, ka mar&#232;ma na seli &#232;pa r&#232;pa risi n&#232;ti kolo ledhe s&#232;ra.</div><div class="p"> 21-23D&#232;nge j&#42892;ara &#232;&#232;na, ngaa-ngaa dhu mamuri &#232;tu dedha-rai s&#232;ra, madhe aa&#42892;i m&#232;u-m&#232;u. Nuka: dh&#232;u, badha ani, badha hui, badha dhu rod&#42892;o, d&#232;nge manu-bhui aa&#42892;i-aa&#42892;i ra. Ate dhoka Noh d&#232;nge aa&#42892;i-aa&#42892;i dhu &#232;tu dedha kapa. 24&#200;i na, kura boe toke 150 (ca ngasu l&#232;mi nguru) lod&#42892;o.</div>
 </div>
 </div>
</div>

Èle èèna ka, LAMATUA peka dènge Noh, “Jaꞌa ladhe le palème, te ngaa abhu dhoka èu di dhu dꞌara mola. Nèti èèna ka, èu dènge bhèni-ana niki èu, lami ka asa dꞌara kapa. Mèti dènge badha-badha dhu bisa miꞌa, aa bisa hia Jaꞌa kahèi, de mèti pidhu-pidhu pasa asa dꞌara kapa. Mèti kahèi rupa-rupa manu-bhui pidhu-pidhu pasa. Te ngaa badha dhu leo, mèti dhoka ca pasa-ca pasa di. Sèna ka badha dènge manu-bhui se, jꞌajꞌi hini, ho baku maꞌète.
Sanèdꞌe paie-iie, oo! Di pidhu lodꞌo ka, Jaꞌa papuru èjꞌi aae mai dhu bhoka boe ca lodꞌo sa, toke dꞌai èpa nguru lodꞌo mèu-mèda. Dènge sèmi neꞌe, Jaꞌa pamadhe aaꞌi ngaa-ngaa dhu mamuri ètu dedha-rai, dhu Jaꞌa pajꞌajꞌi kore le.”
Ka Noh tao aaꞌi sèmi lii paredha LAMATUA. Lodꞌo èi aae lala, umur Noh 600 (èna ngasu) tèu. Noh dènge dhèu èmu na, dènge ana niki na, aa dènge dhèu èmu ana ra di, lasi asa dꞌara kapa, ho ra abhu mamuri. Madhutu lii paredha LAMATUA, ka Noh pamaso manu-bhui dènge badha leo sèra, èci-èci ka dènge pasa na, nèti dhu bisa raꞌa, dènge dhu bisa boe raꞌa. Ropa èle pidhu lodꞌo, cagꞌagꞌa laa èi aae lala, ka rai-haha ne, mulai cène.
Lèke dènge umur Noh 600 (èna ngasu) tèu, risi dua hèru, canguru pidhu lodꞌo, ka mulai èi aae lala. Lodꞌo èèna, sèmi babèdho liru dhu bhoke eele sa, ka èi na tao sabhori mai. Aa èi madha-èi madha ètu rai-haha sabhoka, ka sèmi tao sabhuu sa dedha. Ka èjꞌi bhori mai loe boe èpa nguru lodꞌo mèu-mèda.
Te ngaa lodꞌo èèna, Noh dènge dhèu èmu na, dènge ana mone na dhèu tèlu: Sem, Yafet dènge Ham, dènge dhèu èmu ra, maso lasi asa dꞌara kapa. Lasi palere dènge badha aaꞌi-aaꞌi ra, sèmi: badha ani, badha hui, badha dhu rodꞌo, manu-bhui, dènge badha-badha leo dhu dènge èla sèra. Ca pasa-ca pasa nèti aaꞌi-aaꞌi dhu mamuri, lasi asa dꞌara kapa palere dènge Noh, madhutu sèmi lii paredha Ama Lamatua.
Ropa aaꞌi-aaꞌi ra dꞌai dꞌara kapa, LAMATUA bèdho babèdho kapa èèna.
Èjꞌi aae puru maꞌète boe dꞌai èpa nguru lodꞌo. Hèia kapa èèna talebꞌo. Èi caꞌe loe boe toke hutu nare kolo ledhe dhu dedha aae. Èi caꞌe taruu, ka marèma na seli èpa rèpa risi nèti kolo ledhe sèra.
Dènge jꞌara èèna, ngaa-ngaa dhu mamuri ètu dedha-rai sèra, madhe aaꞌi mèu-mèu. Nuka: dhèu, badha ani, badha hui, badha dhu rodꞌo, dènge manu-bhui aaꞌi-aaꞌi ra. Ate dhoka Noh dènge aaꞌi-aaꞌi dhu ètu dedha kapa. Èi na, kura boe toke 150 (ca ngasu lèmi nguru) lodꞌo.

Luister na Lii Lolo dhu Uru Tèka 7