U-Isaya 41:10-13

ungesabi, ngokuba mina nginawe;
ungapheli amandla,
ngokuba mina nginguNkulunkulu wakho;
ngiyakuqinisa, futhi ngiyakusiza,
yebo, ngiyakusekela ngesandla sokunene sokulunga kwami.

“Bheka, bonke abafuthekela wena
bayakuba namahloni, bajabhe;
abamelene nawe bayakuba njengento engelutho,
babhubhe.
Uyakubafuna, ungabafumani kodwa,
labo bantu abaxabana nawe;
abalwa nawe bayakuba njengento engelutho nanjengeze.
Ngokuba yimina Jehova uNkulunkulu wakho
obamba isandla sakho sokunene,
nothi kuwe: Ungesabi,
mina ngiyakusiza.