Thola i AppUkuzakha Othandweni lokuThandazaIsampula
Cela usizo bese Uba usizo kwabaswele
Jeremiya 31:25, “Ngokuba nganelisile imiphefumulo eyethileyo, ngigcwalisile yonke imiphefumulo enosizi.”
Lesi isithembiso sikaNkulunkulu kithi. Lapho ukhathele futhi uphelelwe – bambelela kuYe. Uzokwenza ube namandla amasha. Njengoba sihamba ehlane, ukuze sihlale sinamandla amasha sizodinga ukucela kuNkulunkulu usizo. Singacela usizo kwabanye futhi, futhi nathi sibe usizo kubo. Abanye bethu abathandi ukucela usizo. Ngisola ukuthi uMose wayenjalo naye. Wayengumholi omangalisayo onomsebenzi onzima phambi kwakhe. WayeneNkosi ohlangothini Lwakhe ukuze iMnike amandla; kodwa uNkulunkulu wayengamdalanga uMose ukuba athwale umthwalo yedwa. Ngisho nomhpli omangalisayo wayedinga ukucela usizo kwabanye.
Akumele sikhohlwe ukuthi siyingxenye yobantu esiphila nabo. Cela usizo lapho uludinga, futhi nawe ube usizo kwabaludingayo. Kwesinye isikhathi uma siphansi asicabangi ukuthi sinawo amandla okusiza abanye. Nokho, kulapho sifinyelela kwabanye ngokuncane esinakho lapho ithangi lethu ligcwaliswa khona. “Kubusisekile ukupha kunokwamukela.” Lapho sisesimweni sokuzizwa sidangele kakhulu futhi sigcwele ukuzidabukela, ngezinye izikhathi uwumuthi ongcono kakhulu wokuphilisa omunye umuntu. Funa izindlela zokusiza abafowenu nodadewenu abaseduze kwakho nabo abasezinhlungwini.
Mayelana naloluHlelo
Njengoba sibheka uhambo lukaMose nabakwa-Israyeli ehlane, singafunda okuningi ngendlela uNkulunkulu angahamba ngayo nathi ezikhathini ezinzima. Kunezikhathi zasehlane empilweni yekholwa. Nokho, uNkulunkulu ufuna ukusinika amandla okuhamba ogwadule futhi sinqobe. Usibeke njengengxenye yomzimba wakhe (umzimba kaKristu) ukuze singahambi sodwa. Kulo mthandazo, sizobheka ukuthi ungazikhuthaza kanjani futhi ube nabantu abanawe ngisho nasesikhathini esinzima. Kwangathi ungabusiswa ngokwazi ubukhona bukaNkulunkulu ngisho nasekuvivinyweni.
More
Sithanda ukubonga u- Challenge Ministries ngokuhlinzeka ngalolu hlelo. Ukuze uthole ulwazi olwengeziwe, sicela uvakashele: https://www.cmswazi.org/
