Thola i AppThanda UNkulunkulu Kakhulu: Ukwesaba NokukhathazekaIsampula
Ukwesaba nokukhathazeka ngesinye isikhathi kungabangelwa izikhathi zesizungu. Uma sikholelwa ukuthi akekho oqondayo ukuthi sibhekene nani noma ukuthi sisodwa ngokuphelele ezimweni zethu, kungaba lula ukuwela ekwesabeni.
Kwathi uma abantwana bakwa Israel sebezongena ezweni lesethembiso, uMose wabakhumbuza ukuthi bangazesabi izitha abazohlangana nazo ngoba uJehova uzoba nabo. UNkulunkulu wabo wayengeke abashiye noma abalahle. UNkulunkulu wayebakhululile ebugqilini baseGibhithe futhi wabondla ehlane iminyaka engamashumi amane. Ngisho nangemva kwalezi zimangaliso, babesabhekene nokungabaza nokwesaba ukuthi uNkulunkulu uzoba nabo noma cha.
UDavide, njengomalusi nenkosi ebalekile wayeqonda isizungu. Nokho, wabhala amanye amazwi emiBhalo aduduza kakhulu kumaHubo. Waqaphela ubukhona bukaNkulunkulu empilweni yakhe futhi waqonda ukuthi kungakhathaliseki ukuthi izimo zingaphakama kangakanani, uJehova wayeyoba induduzo yakhe.
Baba Nkulunkulu, ngiyabonga ngobukhona Bakho. Ngisize ngizwe ubukhona Bakho empilweni yami namuhla. Sengathi uMoya waKho ungangipha induduzo nokuthula. Ngisize ngiqine futhi ngibe nesibindi lapho ngizizwa ngibuthakathaka futhi ngesaba. Ngiyabonga ngokunginika iNdodana yakho njengesibonelo esiphelele sokulalela. EGameni likaJesu, Ameni.
UmBhalo
Mayelana naloluHlelo
Ingabe ufuna ukukhululeka ekwesabeni nasekukhathazekeni? Kulolu cwaningo lwamasonto angu-6, sizothola ukuthi uNkulunkulu uthini ngokwesaba nokukhathazeka. Sizofunda ukuthi singalwa kanjani ngamandla eZwi laKhe. Sizothola inkululeko ezinhliziyweni zethu ezizwa ubuhlungu kanye nokuthula ezingqondweni zethu ezikudingayo. NoNkulunkulu ohlangothini lwethu namazwi Akhe ezinhliziyweni nasezingqondweni zethu, sizokunqoba ukwesaba kwethu!
More
