Thola i AppNgiyakhuthazaIsampula
Khuthaza Abanye Nsuku Zonke
Ngakho-ke, sikudinga kangaki ukukhuthazwa, vele? Ingabe ukumbambathwa kwaminyaka yonke okuvela kumqashi wethu kuhle ngokwanele? Ingabe imindeni yethu idinga ukuzwa amazwi anomusa kithi masonto onke? Siswele kangakanani ngempela? Kuyavela ukuthi thina bantu siswele kakhulu. Sidinga ukudla nsuku zonke. Sidinga ukulala nsuku zonke. Izinhliziyo zethu zidinga isikhuthazo nsuku zonke, futhi.
Kunenzuzo engenakulinganiswa yokuba nabanye empilweni yakho abakunikeza isibindi sokuqhubeka nokuba nethemba nokubambelela ngokuqinile okholweni lwakho. Uma ungeyona ingxenye yomphakathi wamakholwa, namuhla wusuku lokufuna abangani abahlonipha uNkulunkulu abazokukhuthaza nsuku zonke. Ngokujabulisayo, ukukhuthaza abanye kuyindlela enhle yokuthola lolo hlobo lomphakathi.
Unkulunkulu angawasebenzisa kanjani amazwi akho ukuze akhuthaze othile namuhla? Kuyoba ngubani?
Zama lokhu: Khuthaza othile namuhla! Thumela umlayezo wombhalo, shayela ucingo, ncoma osebenza naye, bhalela othile inothi, noma thola enye indlela yokubonisa isikhuthazo.
Mayelana naloluHlelo
Ukuba ngumgqugquzeli kungaphezu nje kokuhola ngenjabulo. Vumela lolu hlelo lweBhayibheli lwezinsuku ezine oluvela ku-Life.Church likusize uthole ubuhle namandla esikhuthazo. Qala ukufunda ingxenye yesithathu yochungechunge oluthi Hlala Unethemba olunezingxenye eziyisithupha.
More
