AmaHubo 91:1-10
AmaHubo 91:1-10 IsiZulu 2020 (ZUL20)
Lowo ohlala emphemeni woPhezukonke akhosele emthunzini kaSomandla, uyothi kuSimakade: “Uyisiphephelo sami nenqaba yami, unguNkulunkulu wami engethembele kuye.” Ngokuba nguYena oyokuhlenga ogibeni lomcuphi nasobhubhaneni, uyokusibekela ngezimpaphe zakhe, uphephele phansi kwamaphiko akhe, ukwethembeka kwakhe kuyisihlangu nogange. Awuyukwesaba okwesabisayo ebusuku, nomcibisholo ondizayo emini, nobhubhane oluhamba ebumnyameni, nesifo esibhubhisayo emini bebade. Bayakuwa abayizinkulungwane ngaseceleni kwakho, nabayizinkulungwane ezilishumi ngakwesokunene sakho, kodwa akuyukukuthinta wena. Uyobona ngamehlo akho, ubone izikhohlakali zijeziswa. Ngokuba uSimakade umenze wayisiphephelo sakho, oPhezukonke waba yinqaba yakho. Okubi akuyukukwehlela, nesifo asiyukusondela ethendeni lakho.
AmaHubo 91:1-10 Contemporary Zulu Bible 2024 (CZB24)
Ohlala endaweni yokucasha yoPhezukonke uyakuhlala emthunzini kaSomandla. Ngizakuthi ngoJehova: Uyisiphephelo sami lenqaba yami; ngithembele kuye. Impela uyakukusindisa ogibeni lomcuphi nasobhadaneni olubhubhisayo. Ngezimpaphe zakhe uyakukusibekela, uthembele phansi kwamaphiko akhe; iqiniso lakhe liyisihlangu nesihlangu sakho. Akumelwe wesabe ingebhe ebusuku; noma umcibisholo ondiza emini; noma isifo esihamba ebumnyameni; noma incithakalo ebhubhisayo emini. Bayakuwa abayizinkulungwane ngaseceleni kwakho, nezinkulungwane eziyishumi ngakwesokunene sakho; kodwa ngeke lisondele kuwe. Kuphela uyakubona ngamehlo akho, ubone umvuzo wababi. Ngoba umenzile uJehova, oyisiphephelo sami, oPhezukonke waba yindawo yakho yokuhlala; Akuyikwehlelwa okubi, nesifo asiyikusondela etendeni lakho.
AmaHubo 91:1-10 IBHAYIBHELI ELINGCWELE (ZUL59)
Yena owakhile ekusithekeni koPhezukonke nohlezi emthunzini kaSomandla uthi kuJehova: “Uyisiphephelo sami nenqaba yami noNkulunkulu wami engimethembayo.” Ngokuba yena uyakukhipha ogibeni lomcuphi nasobhadaneni olubhubhisayo. Ngezimpaphe zakhe uyakukusibekela, uphephele phansi kwamaphiko akhe; ukuthembeka kwakhe kuyisihlangu nehawu. Awuyikwesaba ivuso lasebusuku, nomcibisholo ondizayo emini, nobhadane oluhamba ebumnyameni, nesifo esibhubhisayo emini enkulu. Bayakuwa abayizinkulungwane ngaseceleni kwakho, nabayizinkulungwane eziyishumi ngakwesokunene sakho, kepha akuyikufinyelela kuwe. Uyakubuka nje ngamehlo akho, ubone ukuphindiselwa kwababi, ngokuba uthi: Jehova, uyisiphephelo sami; oPhezukonke umenzile abe yinqaba yakho. Awuyikwehlelwa ngokubi, nesifo asiyikusondela etendeni lakho.
