AmaHubo 86:5-12
AmaHubo 86:5-12 IBHAYIBHELI ELINGCWELE (ZUL59)
Ngokuba wena, Nkosi, umuhle, ungothethelelayo, unomusa omkhulu kubo bonke abakhala kuwe. Jehova, beka indlebe ekukhulekeni kwami, ulalele izwi lokunxusa kwami. Ngosuku losizi lwami ngikhala kuwe, ngokuba uzakungiphendula. Phakathi kwawonkulunkulu akakho onjengawe Nkosi; akukho okunjengemisebenzi yakho. Izizwe ozenzileyo ziyakufika zonke, zikhuleke phambi kwakho, Nkosi, zidumise igama lakho. Ngokuba umkhulu wena, uyenza izimangaliso, unguNkulunkulu wena wedwa. Ngifundise, Jehova, indlela yakho; ngiyakuhamba eqinisweni lakho; yenza inhliziyo yami iqonde ntonye, yesabe igama lakho. Ngiyakukubonga, Nkosi Nkulunkulu wami, ngenhliziyo yonke yami, ngidumise igama lakho kuze kube phakade.
AmaHubo 86:5-12 Contemporary Zulu Bible 2024 (CZB24)
Ngokuba wena, Jehova, umuhle, ukulungele ukuthethelela; futhi kuvama umusa kubo bonke abakhuleka kuwe. Yizwa, Jehova, umkhuleko wami; futhi ulalele izwi lokunxusa kwami. Ngosuku lokuhlupheka kwami ngizakhala kuwe, ngoba uzangiphendula. Phakathi konkulunkulu akakho onjengawe, Nkosi; futhi ayikho imisebenzi efana nemisebenzi yakho. Zonke izizwe ozenzileyo zizakuza zikhuleke phambi kwakho, Nkosi; njalo ngizakhazimulisa ibizo lakho. Ngokuba wena umkhulu, wenza izimangaliso; Wena wedwa unguNkulunkulu. Ngifundise indlela yakho, Jehova; ngiyakuhamba eqinisweni lakho; hlanganisa inhliziyo yami ukuba yesabe iGama lakho. Ngiyakukubonga, Nkosi Nkulunkulu wami, ngenhliziyo yami yonke; ngiyakulikhazimulisa igama lakho kuze kube phakade.
AmaHubo 86:5-12 IsiZulu 2020 (ZUL20)
Wena, Nkosi umuhle, ungothethelelayo, unomusa omkhulu kubo bonke abakhala kuwe. Simakade, lalela umkhuleko wami, uzwe izwi lokunxusa kwami. Ngosuku lokuhlupheka kwami ngikhala kuwe, ngokuba uzongiphendula. Phakathi kwabo bonke onkulunkulu, akekho onjengawe, Nkosi, akukho okunjengemisebenzi yakho. Zonke izizwe ozidalileyo zizofika, zikhuleke phambi kwakho, Nkosi, zidumise igama lakho, ngokuba Wena umkhulu, wenza izimangaliso, unguNkulunkulu, Wena wedwa. Simakade, ngifundise indlela yakho, ngizohamba eqinisweni lakho. Inhliziyo yami yenze iqonde into eyodwa vo, yesabe igama lakho. Nkosi Nkulunkulu wami, ngikubonga ngenhliziyo yami yonke, igama lakho ngilidumise kuze kube phakade