AmaHubo 86:11-13
AmaHubo 86:11-13 IsiZulu 2020 (ZUL20)
Simakade, ngifundise indlela yakho, ngizohamba eqinisweni lakho. Inhliziyo yami yenze iqonde into eyodwa vo, yesabe igama lakho. Nkosi Nkulunkulu wami, ngikubonga ngenhliziyo yami yonke, igama lakho ngilidumise kuze kube phakade, ngokuba umusa wakho phezu kwami mkhulu, ukhulule umphefumulo wami endaweni yabafileyo ephansi.
AmaHubo 86:11-13 IBHAYIBHELI ELINGCWELE (ZUL59)
Ngifundise, Jehova, indlela yakho; ngiyakuhamba eqinisweni lakho; yenza inhliziyo yami iqonde ntonye, yesabe igama lakho. Ngiyakukubonga, Nkosi Nkulunkulu wami, ngenhliziyo yonke yami, ngidumise igama lakho kuze kube phakade. Ngokuba umusa wakho mkhulu phezu kwami, ukhululile umphefumulo wami endaweni yabafileyo ephansi.
AmaHubo 86:11-13 Contemporary Zulu Bible 2024 (CZB24)
Ngifundise indlela yakho, Jehova; ngiyakuhamba eqinisweni lakho; hlanganisa inhliziyo yami ukuba yesabe iGama lakho. Ngiyakukubonga, Nkosi Nkulunkulu wami, ngenhliziyo yami yonke; ngiyakulikhazimulisa igama lakho kuze kube phakade. Ngokuba umusa wakho mkhulu kimi, uwukhululile umphefumulo wami endaweni yabafileyo.