AmaHubo 51:11-19
AmaHubo 51:11-19 IsiZulu 2020 (ZUL20)
Ungangilahli ebusweni bakho, ungangemuki uMoya wakho oyiNgcwele. Buyisela kimi ukuthokoza kwensindiso yakho, ungiphase ngomoya ovumayo. Yikhona ngiyofundisa abaphambukayo izindlela zakho; nezoni ziphendukele kuwe. Nkulunkulu, ngikhulule ecaleni legazi, Nkulunkulu wensindiso yami, yikhona ulimi lwami luzohuba ngokulunga kwakho. Nkosi, vula izindebe zami, ukuze umlomo wami ulande ngodumo lwakho. Ngokuba awuwuthandi umhlatshelo, noma bengizakukunika umnikelo wokushiswa, ubungayukuthokoza ngawo. Iminikelo kaNkulunkulu ingumoya owephukileyo. Nkulunkulu, awuyukuyidelela inhliziyo eyaphukileyo nedabukileyo. IZiyoni lenzele okuhle ngokomusa wakho, uzakhe izingange eJerusalema. Khona uzojabulela iminikelo yokulunga engeyokushiswa naleyo eshiswa yonke, banikele nangezinkunzi phezu kwe-althare lakho.
AmaHubo 51:11-19 IBHAYIBHELI ELINGCWELE (ZUL59)
Ungangilahli ebusweni bakho, ungangemuki uMoya wakho oNgcwele. Buyisela kimi ukuthokoza kwensindiso yakho, ungiphase ngomoya ovumayo. Khona ngiyakufundisa abaphambukayo izindlela zakho; nezoni ziyakuphendukela kuwe. Ngikhulule ecaleni legazi, Nkulunkulu, Nkulunkulu wensindiso yami. Khona ulimi lwami luyakuhubela ukulunga kwakho. Nkosi, vula izindebe zami, ukuze umlomo wami ulande ngodumo lwakho. Ngokuba awuwuthandi umhlatshelo; noma bengizakukunika uminikelo wokushiswa, ubungayikuthokoza ngawo. Iminikelo kaNkulunkulu ingumoya owaphukileyo; inhliziyo eyaphukileyo nedabukileyo, Nkulunkulu, awuyikuyidelela. Lenzele iSiyoni okuhle ngokomusa wakho, uzakhe izingange zaseJerusalema. Khona uyakuyijabulela iminikelo yokulunga eshiswayo neshiswa yonke; khona bayakunikela ngezinkunzi phezu kwe-altare lakho.
AmaHubo 51:11-19 Contemporary Zulu Bible 2024 (CZB24)
Ungangilahli ebusweni bakho; futhi ungawususi kimi umoya wakho ongcwele. Ngibuyisele intokozo yensindiso yakho; futhi ungisekele ngomoya wakho okhululekile. Ngizafundisa abaphambukayo izindlela zakho; futhi izoni zizophendukela kuwe. Ngikhulule ecaleni legazi, Nkulunkulu, Nkulunkulu wensindiso yami, futhi ulimi lwami luzakwethaba ngokulunga kwakho. Jehova, vula izindebe zami; futhi umlomo wami uyoshumayela indumiso yakho. Ngokuba awuyifuni imihlatshelo; ngaphandle kwalokho bengizokunika. Awuthokozi ngomnikelo wokushiswa. Imihlatshelo kaNkulunkulu ingumoya ophukile; inhliziyo eyaphukileyo nephukile, Nkulunkulu, awuyikuyidelela. Yenzani okuhle kulo iSiyoni; yakha izingange zaseJerusalema. Khona-ke uyoyijabulela iminikelo yokulunga, umnikelo wokushiswa nomnikelo wokushiswa ophelele; khona-ke kumelwe banikele ngezinkunzi e-altare lakho.