UNumeri 7:42-89

Dlulisela

UNumeri 7:42-89 IBHAYIBHELI ELINGCWELE (ZUL59)

Ngosuku lwesithupha ngu-Eliyasafa indodana kaDehuweli, isikhulu sabantwana bakwaGadi. Umnikelo wakhe wawuluqwembe lwesiliva, isisindo salo singamashekeli* ayikhulu namashumi amathathu, nokhamba lwesiliva olungamashekeli angamashumi ayisikhombisa ngokweshekeli lendlu engcwele, zombili zigcwele impuphu ecolekileyo exovwe namafutha, kube ngumnikelo wempuphu, nenkezo yegolide engamashekeli* ayishumi egcwele impepho, neduna libe linye, nenqama ibe nye, nemvu yeduna enomnyaka munye, kube ngumnikelo wokushiswa, nempongo ibe nye, ibe ngumnikelo wesono. Okomhlatshelo weminikelo yokuthula nakhu: izinkabi ezimbili, nezinqama eziyisihlanu, nezimpongo eziyisihlanu, nezimvu eziyisihlanu zamaduna ezinomnyaka munye; lokho kwakungumnikelo ka-Eliyasafa indodana kaDehuweli. Ngosuku lwesikhombisa ngu-Elishama indodana ka-Amihudi, isikhulu sabantwana bakwa-Efrayimi. Umnikelo wakhe wawuluqwembe lwesiliva, isindo salo singamashekeli* ayikhulu namashumi amathathu, nokhamba lwesiliva olungamashekeli angamashumi ayisikhombisa ngokweshekeli lendlu engcwele, zombili zigcwele impuphu ecolekileyo exovwe namafutha, kube ngumnikelo wempuphu, nenkezo yegolide engamashekeli* ayishumi egcwele impepho, neduna libe linye, nenqama ibe nye, nemvu yeduna enomnyaka munye, kube ngumnikelo wokushiswa, nempongo ibe nye, ibe ngumnikelo wesono. Okomhlatshelo weminikelo yokuthula nakhu: izinkabi ezimbili, nezinqama eziyisihlanu, nezimpongo eziyisihlanu, nezimvu eziyisihlanu zamaduna ezinomnyaka munye; lokho kwakungumnikelo ka-Elishama indodana ka-Amihudi. Ngosuku lwesishiyagalombili nguGamaliyeli indodana kaPedasuri, isikhulu sabantwana bakwaManase. Umnikelo wakhe wawuluqwembe lwesiliva, isisindo salo singamashekeli* ayikhulu namashumi amathathu, nokhamba lwesiliva olungamashekeli angamashumi ayisikhombisa ngokweshekeli lendlu engcwele, zombili zigcwele impuphu ecolekileyo exovwe namafutha, kube ngumnikelo wempuphu, nenkezo yegolide engamashekeli* ayishumi egcwele impepho, neduna libe linye, nenqama ibe nye, nemvu yeduna enomnyaka munye, kube ngumnikelo wokushiswa, nempongo ibe nye, ibe ngumnikelo wesono. Okomhlatshelo weminikelo yokuthula nakhu: izinkabi ezimbili, nezinqama eziyisihlanu, nezimpongo eziyishlanu, nezimvu eziyisihlanu zamaduna ezinomnyaka munye; lokho kwakungumnikelo kaGamaliyeli indodana kaPedasuri. Ngosuku lwesishiyagalolunye ngu-Abidani indodana kaGideyoni, isikhulu sabantwana bakwaBenjamini. Unikelo wakhe wawuluqwembe lwesiliva, isisindo salo singamashekeli* ayikhulu namashumi amathathu, nokhamba lwesiliva olungamashekeli angamashumi ayisikhombisa ngokweshekeli lendlu engcwele, zombili zigcwele impuphu ecolekileyo exovwe namafutha, kube ngumnikelo wempuphu, nenkezo yegolide engamashekeli* ayishumi egcwele impepho, neduna libe linye, nenqama ibe nye, nemvu yeduna enomnyaka munye, kube ngumnikelo wokushiswa, nempongo ibe nye, ibe ngumnikelo wesono. Okomhlatshelo weminikelo yokuthula nakhu: izinkabi ezimbili, nezinqama eziyisihlanu, nezimpongo eziyisihlanu, nezimvu eziyisihlanu zamaduna ezinomnyaka munye; lokho kwakungumnikelo ka-Abidani indodana kaGideyoni. Ngosuku lweshumi ngu-Ahiyezeri indodana ka-Amishadayi, isikhulu sabantwana bakwaDani. Umnikelo wakhe wawuluqwembe lwesiliva, isisindo salo singamashekeli* ayikhulu namashumi amathathu, nokhamba lwesiliva olungamashekeli angamashumi ayisikhombisa ngokweshekeli lendlu engcwele, zombili zigcwele impuphu ecolekileyo exovwe namafutha, kube ngumnikelo wempuphu, nenkezo yegolide engamashekeli* ayishumi egcwele impepho, neduna libe linye, nenqama ibe nye, nemvu yeduna enomnyaka munye, kube ngumnikelo wokushiswa, nempongo ibe nye, ibe ngumnikelo wesono. Okomhlatshelo weminikelo yokuthula nakhu: izinkabi ezimbili, nezinqama eziyisihlanu, nezimpongo eziyisihlanu, nezimvu eziyisihlanu zamaduna ezinomnyaka munye; lokho kwakungumnikelo ka-Ahiyezeri indodana ka-Amishadayi. Ngosuku lweshumi nanye nguPagiyeli indodana ka-Okirani, isikhulu sabantwana bakwa-Asheri. Umnikelo wakhe wawuluqwembe lwesiliva, isisindo salo singamashekeli* ayikhulu namashumi amathathu, nokhamba lwesiliva olungamashekeli angamashumi ayisikhombisa ngokweshekeli lendlu engcwele, zombili zigcwele impuphu ecolekileyo exovwe namafutha, kube ngumnikelo wempuphu, nenkezo yegolide engamashekeli* ayishumi egcwele impepho, neduna libe linye, nenqama ibe nye, nemvu yeduna enomnyaka munye, kube ngumnikelo wokushiswa, nempongo ibe nye, ibe ngumnikelo wesono. Okomhlatshelo weminikelo yokuthula nakhu: izinkabi ezimbili, nezinqama eziyisihlanu, nezimpongo eziyisihlanu, nezimvu eziyisihlanu zamaduna ezinomnyaka munye; lokho kwakungumnikelo kaPagiyeli indodana ka-Okirani. Ngosuku lweshumi nambili ngu-Ahira indodana ka-Enani, isikhulu sabantwana bakwaNafetali. Umnikelo wakhe wawuluqwembe lwesiliva, isisindo salo singamashekeli* ayikhulu namashumi amathathu, nokhamba lwesiliva olungamashekeli ayisikhombisa ngokweshekeli lendlu engcwele, zombili zigcwele impuphu ecolekileyo exovwe namafutha, kube ngumnikelo wempuphu, nenkezo yegolide engamashekeli* ayishumi egcwele impepho, neduna libe linye, nenqama ibe nye, nemvu yeduna enomnyaka munye, kube ngumnikelo wokushiswa, nempongo ibe nye, ibe ngumnikelo wesono. Okomhlatshelo weminikelo yokuthula nakhu: izinkabi ezimbili, nezinqama eziyisihlanu, nezimpongo eziyisihlanu, nezimvu eziyisihlanu zamaduna ezinomnyaka munye; lokho kwakungumnikelo ka-Ahira indodana ka-Enani. Lokho kwakungukwahlukaniselwa kwe-altare ngosuku lokugcotshwa kwalo ngezandla zezikhulu zakwa-Israyeli: izingqwembe eziyishumi nambili zesiliva, nezinkamba eziyishumi nambili zesiliva, nezinkezo eziyishumi nambili zegolide, yilolo nalolo qwembe lwesiliva lungamashekeli* ayikhulu namashumi amathathu, yilolo nalolo khamba lungamashumi ayisikhombisa, lonke isiliva lezitsha libe yizinkulungwane ezimbili namakhulu amane ngokweshekeli lendlu engcwele, nezinkezo zegolide eziyishumi nambili ezigcwele impepho, yileyo naleyo ingamashekeli* ayishumi ngokweshekeli lendlu engcwele; lonke igolide lezinkezo lalingamashekeli ayikhulu namashumi amabili; zonke izinkomo zomnikelo wokushiswa zaziyizinkunzi eziyishumi nambili, nezinqama eziyishumi nambili, nezimvu zamaduna ezinomnyaka munye eziyishumi nambili kanye nomnikelo wazo wempuphu, nezimpongo zomnikelo wesono eziyishumi nambili; izinkomo zonke zomhlatshelo weminikelo yokuthula zaziyizinkunzi ezingamashumi amabili nane, nezinqama ezingamashumi ayisithupha, nezimpongo ezingamashumi ayisithupha, nezimvu zamaduna ezingamashumi ayisithupha. Lokho kwakungukwahlukaniselwa kwe-altare; lapho lase ligcotshiwe. Nanxa uMose engena etendeni lokuhlangana ukuba akhulume naye, wezwa izwi likhuluma kuye, livela ngaphezu kwesihlalo somusa esisemphongolweni wobufakazi ngaphakathi kwamakherubi* omabili; wayesekhuluma kuye.

UNumeri 7:42-89 IsiZulu 2020 (ZUL20)

Ngosuku lwesithupha kwakungu-Eliyasafa, indodana kaDehuweli, umholi wabozalo lukaGadi. Wanikela ngesitsha sesiliva isisindo saso singamashekeli ayi-130, nesitsha sesiliva esingumcengezi esingamashekeli angama-70 ngokweshekeli lendawo engcwele. Kokubili kwakugcwele impuphu ecolisekileyo exovwe namafutha, kungumnikelo wokusanhlamvu, nesitsha segolide esingamashekeli ayishumi sigcwele impepho, iduna, inqama, nemvu yeduna enonyaka kungumnikelo wokushiswa, nempongo ukuze kube ngumnikelo wesono. Okomhlatshelo weminikelo yokuthula kwakuyilokhu: izinkabi ezimbili, izinqama eziyisihlanu, izimpongo eziyisihlanu, izimvu zamaduna ezinonyaka eziyisihlanu; yilokho-ke okwanikelwa ngu-Eliyasafa, indodana kaDehuweli. Ngosuku lwesikhombisa kwakungu-Elishama, indodana ka-Amihudi, umholi wabozalo luka-Efrayimi. Wanikela ngesitsha sesiliva isisindo saso singamashekeli ayi-130, nesitsha sesiliva esingumcengezi esingamashekeli angama-70 ngokweshekeli lendawo engcwele. Kokubili kwakugcwele impuphu ecolisekileyo exovwe namafutha, kungumnikelo wokusanhlamvu, nesitsha segolide esingamashekeli ayishumi sigcwele impepho, iduna, inqama, nemvu yeduna enonyaka kungumnikelo wokushiswa, nempongo ukuze kube ngumnikelo wesono. Okomhlatshelo weminikelo yokuthula kwakuyilokhu: izinkabi ezimbili, izinqama eziyisihlanu, izimpongo eziyisihlanu, izimvu zamaduna ezinonyaka eziyisihlanu; yilokho-ke okwanikelwa ngu-Eliyasafa, indodana kaDehuweli. Ngosuku lwesishiyagalombili kwakunguGamaliyeli, indodana kaPhedazuri, umholi wabozalo lukaManase. Wanikela ngesitsha sesiliva isisindo saso singamashekeli ayi-130, nesitsha sesiliva esingumcengezi esingamashekeli angama-70 ngokweshekeli lendawo engcwele. Kokubili kwakugcwele impuphu ecolisekileyo exovwe namafutha, kungumnikelo wokusanhlamvu, nesitsha segolide esingamashekeli ayishumi sigcwele impepho, neduna, nenqama, nemvu yeduna enonyaka, kungumnikelo wokushiswa, nempongo ukuze kube ngumnikelo wesono. Okomhlatshelo weminikelo yokuthula kwakuyilokhu: izinkabi ezimbili, izinqama eziyisihlanu, izimpongo eziyisihlanu, izimvu zamaduna ezinonyaka eziyisihlanu; yilokho-ke okwanikelwa nguGamaliyeli, indodana kaPhedazuri. Ngosuku lwesishiyagalolunye kwakungu-Abhidani, indodana kaGideyoni, umholi wabozalo lukaBhenjamini. Wanikela ngesitsha sesiliva isisindo saso singamashekeli ayi-130, nesitsha sesiliva esingumcengezi esingamashekeli angama-70 ngokweshekeli lendawo engcwele. Kokubili kwakugcwele impuphu ecolisekileyo exovwe namafutha, kungumnikelo wokusanhlamvu, nesitsha segolide esingamashekeli ayishumi sigcwele impepho, neduna, nenqama, nemvu yeduna enonyaka, kungumnikelo wokushiswa, nempongo ukuze kube ngumnikelo wesono. Okomhlatshelo weminikelo yokuthula kwakuyilokhu: izinkabi ezimbili, izinqama eziyisihlanu, izimpongo eziyisihlanu, izimvu zamaduna ezinonyaka eziyisihlanu; yilokho-ke okwanikelwa ngu-Abhidani, indodana kaGideyoni. Ngosuku lweshumi kwakungu-Ahiyezeri, indodana ka-Amishadayi, umholi wabozalo lukaDani. Wanikela ngesitsha sesiliva isisindo saso singamashekeli ayi-130, nesitsha sesiliva esingumcengezi esingamashekeli angama-70 ngokweshekeli lendawo engcwele. Kokubili kwakugcwele impuphu ecolisekileyo exovwe namafutha, kungumnikelo wokusanhlamvu, isitsha segolide esingamashekeli ayishumi sigcwele impepho, iduna, inqama, imvu yeduna enonyaka, kungumnikelo wokushiswa, nempongo ukuze kube ngumnikelo wesono. Okomhlatshelo weminikelo yokuthula kwakuyilokhu: izinkabi ezimbili, izinqama eziyisihlanu, izimpongo eziyisihlanu, izimvu zamaduna ezinonyaka eziyisihlanu; yilokho-ke okwanikelwa ngu-Ahiyezeri, indodana ka-Amishadayi. Ngosuku lwe-11 kwakunguPhagiyeli, indodana ka-Okhirani, umholi wabozalo luka-Asheri. Wanikela ngesitsha sesiliva isisindo saso singamashekeli ayi-130, nesitsha sesiliva esingumcengezi esingamashekeli angama-70 ngokweshekeli lendawo engcwele. Kokubili kwakugcwele impuphu ecolisekileyo exovwe namafutha, kungumnikelo wokusanhlamvu, nesitsha segolide esingamashekeli ayishumi sigcwele impepho, neduna, nenqama, nemvu yeduna enonyaka, kungumnikelo wokushiswa, nempongo ukuze kube ngumnikelo wesono. Okomhlatshelo weminikelo yokuthula kwakuyilokhu: izinkabi ezimbili, izinqama eziyisihlanu, izimpongo eziyisihlanu, izimvu zamaduna ezinonyaka eziyisihlanu; yilokho-ke okwanikelwa nguPhagiyeli, indodana ka-Okhirani. Ngosuku lwe-12 kwakungu-Ahira, indodana ka-Enani, umholi wabozalo lukaNafethali. Wanikela ngesitsha sesiliva isisindo saso singamashekeli ayi-130, nesitsha sesiliva esingumcengezi esingamashekeli angama-70 ngokweshekeli lendawo engcwele. Kokubili kwakugcwele impuphu ecolisekileyo exovwe namafutha, kungumnikelo wokusanhlamvu, isitsha segolide esingamashekeli ayishumi sigcwele impepho, iduna, inqama, nemvu yeduna enonyaka, kungumnikelo wokushiswa, nempongo ukuze kube ngumnikelo wesono. Okomhlatshelo weminikelo yokuthula kwakuyilokhu: izinkabi ezimbili, izinqama eziyisihlanu, izimpongo eziyisihlanu, izimvu zamaduna ezinonyaka eziyisihlanu; yilokho-ke okwanikelwa ngu-Ahira, indodana ka-Enani. Yilokhu-ke okwanikelwa ngabaholi bakwa-Israyeli ngosuku i-althare elangcweliswa ngalo lehlukaniselwa uSimakade: izitsha zesiliva ezili-12, izitsha zesiliva eziyimicengezi ezili-12, nezitsha zegolide ezili-12. Yileso naleso sitsha sesiliva sasingamashekeli ayi-130, isitsha sesiliva esingumcengezi ngasinye singamashekeli angama-70. Selilonke isiliva elenza izitsha laba yizi-2 400 ngokweshekeli lendawo engcwele. Izitsha zegolide zili-12 zigcwele impepho, yileso naleso singamashekeli ayishumi ngokweshekeli lendawo engcwele. Lonke igolide elenza izitsha lalingamashekeli ayi-120. Zonke izinkomo ezenza umnikelo wokushiswa kwakuyizinkunzi ezili-12, izinqama ezili-12, izimvu ezingamaduna ezinonyaka ezili-12 nomnikelo wazo wokusanhlamvu, nezimpongo zomnikelo wesono ezili-12. Sezizonke izinkomo ezenza umhlatshelo weminikelo yokuthula kwakuyizinkunzi ezingama-24, izinqama ezingama-60, izimpongo ezingama-60, nezimvu ezingamaduna ezingama-60. Lokhu kwakungumnikelo wokwehlukaniswa kwe-althare; mhla lingcweliswa. Kwathi lapho uMose engena ethendeni lokuhlangana ukuyokhuluma noSimakade, wezwa izwi likhuluma naye livela phezu kwesihlalo somusa ngaphezu komphongolo wobufakazi phakathi kwamakherubhi amabili, wakhuluma naye.

UNumeri 7:42-89 Contemporary Zulu Bible 2024 (CZB24)

Ngosuku lwesithupha u-Eliyasafa indodana kaDehuweli, isikhulu sabantwana bakwaGadi, wanikela. Umnikelo wakhe wawuyindishi eyodwa yesiliva, isisindo sayo singamashekeli ayikhulu namashumi amathathu, isitsha sesiliva esingamashekeli angamashumi ayisikhombisa ngokweshekeli lendlu engcwele; zombili zigcwele impuphu ecolekileyo exovwe namafutha njengomnikelo womlilo. Indebe eyodwa yegolide yamashekeli ayishumi, igcwele impepho; ijongosi elilodwa ithole lenkomo, inqama eyodwa, iwundlu elilodwa elilomnyaka owodwa kube ngumnikelo wokutshiswa; impongo eyodwa ibe ngumnikelo wesono; Okomnikelo wokubonga nakhu: izinkomo ezimbili, nezinqama eziyisihlanu, nezinqama eziyisihlanu, nezimvu zamaduna ezineminyaka emihlanu ubudala; lokho kwakungumnikelo ka-Eliyasafa indodana kaDehuweli. Ngosuku lwesikhombisa u-Elishama indodana ka-Amihudi, isikhulu sabantwana bakwa-Efrayimi, wanikela. Umnikelo wakhe wawuyindishi eyodwa yesiliva, isisindo sayo singamashekeli ayikhulu namashumi amathathu, isitsha esisodwa sesiliva samashekeli angamashumi ayisikhombisa ngokweshekeli lendlu engcwele; zombili zigcwele impuphu ecolekileyo exovwe namafutha njengomnikelo womlilo. Ukhezo lwegolide lwamashekeli ayishumi, lugcwele impepho; ijongosi elilodwa ithole lenkomo, inqama eyodwa, iwundlu lemvu elimnyaka munye kube ngumnikelo wokutshiswa; inqama eyodwa ibe ngumnikelo wesono; Okomnikelo wokubonga nakhu: izinkomo ezimbili, nezinqama eziyisihlanu, nezinqama eziyisihlanu, nezimvu zamaduna ezineminyaka emihlanu ubudala; lokho kwakungumnikelo ka-Elishama indodana ka-Amihudi. Ngosuku lwesishiyagalombili uGamaliyeli indodana kaPedasuri, isikhulu sabantwana bakwaManase, wanikela. Umnikelo wakhe wawuyindishi eyodwa yesiliva, isisindo sayo singamashekeli ayikhulu namashumi amathathu, isitsha esisodwa sesiliva samashekeli angamashumi ayisikhombisa ngokweshekeli lendlu engcwele; zombili zigcwele impuphu ecolekileyo exovwe namafutha njengomnikelo womlilo. Indebe eyodwa yegolide yamashekeli ayishumi, igcwele impepho; ijongosi elilodwa ithole lenkomo, inqama eyodwa, iwundlu lemvu elimnyaka munye kube ngumnikelo wokutshiswa; impongo eyodwa ibe ngumnikelo wesono; Okomnikelo wokubonga nakhu: izinkomo ezimbili, nezinqama eziyisihlanu, nezinqama eziyisihlanu, nezimvu zamaduna ezineminyaka emihlanu ubudala; lokho kwakungumnikelo kaGamaliyeli indodana kaPedasuri. Ngosuku lwesishiyagalolunye u-Abidani indodana kaGideyoni, isikhulu sabantwana bakwaBenjamini, wanikela. Umnikelo wakhe wawuyindishi eyodwa yesiliva, isisindo sayo singamashekeli ayikhulu namashumi amathathu, isitsha esisodwa sesiliva samashekeli angamashumi ayisikhombisa ngokweshekeli lendlu engcwele; zombili zigcwele impuphu ecolekileyo exovwe namafutha njengomnikelo womlilo. Indebe eyodwa yegolide yamashekeli ayishumi, igcwele impepho; ijongosi elilodwa ithole lenkomo, inqama eyodwa, iwundlu lemvu elimnyaka munye kube ngumnikelo wokutshiswa; izinyane lembuzi elilodwa libe ngumnikelo wesono; Okomnikelo wokubonga nakhu: izinkomo ezimbili, nezinqama eziyisihlanu, nezinqama eziyisihlanu, nezimvu zamaduna ezineminyaka emihlanu ubudala; lokho kwakungumnikelo ka-Abhidani indodana kaGideyoni. Ngosuku lweshumi u-Ahiyeseri indodana ka-Amisadayi, isikhulu sabantwana bakwaDani, wanikela. Umnikelo wakhe wawuyindishi eyodwa yesiliva, isisindo sayo singamashekeli ayikhulu namashumi amathathu, isitsha esisodwa sesiliva samashekeli angamashumi ayisikhombisa ngokweshekeli lendlu engcwele; zombili zigcwele impuphu ecolekileyo exovwe namafutha njengomnikelo womlilo. Indebe eyodwa yegolide yamashekeli ayishumi, igcwele impepho; ijongosi elilodwa ithole lenkomo, inqama eyodwa, iwundlu lemvu elimnyaka munye kube ngumnikelo wokutshiswa; izinyane lembuzi elilodwa libe ngumnikelo wesono; Okomnikelo wokubonga nakhu: izinkomo ezimbili, nezinqama eziyisihlanu, nezinqama eziyisihlanu, nezimvu zamaduna ezineminyaka emihlanu ubudala; lokho kwakungumnikelo ka-Ahieseri indodana ka-Amisadayi. Ngosuku lweshumi nanye uPagiyeli indodana ka-Okirani, isikhulu sabantwana bakwa-Asheri, wanikela. Umnikelo wakhe wawuyindishi eyodwa yesiliva, isisindo sayo singamashekeli ayikhulu namashumi amathathu, isitsha esisodwa sesiliva samashekeli angamashumi ayisikhombisa ngokweshekeli lendlu engcwele; zombili zigcwele impuphu ecolekileyo exovwe namafutha njengomnikelo womlilo. Indebe eyodwa yegolide yamashekeli ayishumi, igcwele impepho; ijongosi elilodwa ithole lenkomo, inqama eyodwa, iwundlu lemvu elimnyaka munye kube ngumnikelo wokutshiswa; izinyane lembuzi elilodwa libe ngumnikelo wesono; Okomhlatshelo wokubonga nakhu: izinkomo ezimbili, nezinqama eziyisihlanu, nezinqama eziyisihlanu, nezimvu zamaduna ezineminyaka emihlanu ubudala; lokho kwakungumnikelo kaPagiyeli indodana ka-Okirani. Ngosuku lweshumi nambili u-Ahira indodana ka-Enani, isikhulu sabantwana bakwaNafetali, wanikela. Umnikelo wakhe wawuyindishi eyodwa yesiliva, isisindo sayo singamashekeli ayikhulu namashumi amathathu, isitsha esisodwa sesiliva samashekeli angamashumi ayisikhombisa ngokweshekeli lendlu engcwele; zombili zigcwele impuphu ecolekileyo exovwe namafutha njengomnikelo womlilo. Indebe eyodwa yegolide yamashekeli ayishumi, igcwele impepho; ijongosi elilodwa ithole lenkomo, inqama eyodwa, iwundlu lemvu elimnyaka munye kube ngumnikelo wokutshiswa; izinyane lembuzi elilodwa libe ngumnikelo wesono; Okomnikelo wokubonga nakhu: izinkomo ezimbili, nezinqama eziyisihlanu, nezinqama eziyisihlanu, nezimvu zamaduna ezineminyaka emihlanu ubudala; lokho kwakungumnikelo ka-Ahira indodana ka-Enani. Lokhu kwakungukwahlukaniselwa kwe-altare mhla ligcotshwa yizikhulu zakwa-Israyeli: izingqwembe zesiliva eziyishumi nambili, nezindebe zesiliva eziyishumi nambili, nezindebe zegolide eziyishumi nambili; indishi eyodwa yesiliva yayingamashekeli ayikhulu namashumi amathathu, isitsha ngasinye singamashekeli angamashumi ayisikhombisa; zonke izitsha zesiliva zazingamashekeli ayizinkulungwane ezimbili namakhulu amane ngokweshekeli lendlu engcwele; Izinkezo zegolide zaziyishumi nambili, zigcwele impepho, zinesisindo esingamashekeli ayishumi ngokweshekeli lendlu engcwele; lonke igolide lezinkezo lalingamashekeli ayikhulu namashumi amabili. Zonke izinkomo zomnikelo wokushiswa zaziyizinkunzi eziyishumi nambili, nezinqama eziyishumi nambili, nezimvu zamawundlu ezinomnyaka munye eziyishumi nambili neminikelo yazo yokudla, nezinqama zibe ngumnikelo wesono eziyishumi nambili. Zonke izinkomo zomnikelo wokubonga zaziyizinkunzi ezingamashumi amabili nane, nezinqama ezingamashumi ayisithupha, nezimpongo ezingamashumi ayisithupha, nezimvu zamawundlu ezingamashumi ayisithupha ezinomnyaka munye. Lokhu kwakungukwahlukaniselwa kwe-altare, lase ligcotshwa. UMose esengena etendeni lokuhlangana ukuba akhulume naye, wezwa izwi lokhuluma kuye livela esihlalweni somusa esiphezu komphongolo wobufakazi phakathi kwamakherubi omabili; wakhuluma kuye.