NgokukaLuka 19:29-48
NgokukaLuka 19:29-48 Baasraak Zulu New Testament Bible (ZULUNT)
Kwasekusithi esesondele eBetfage leBethaniya entabeni ethiwa yiNtaba Yemihlwathi, wathuma ababili kubafundi bakhe. esithi: Hambani liye emzaneni okhangelene lani; ekungeneni kwenu nizafica ithole lembongolo likhulekiwe, okungake kuhlale muntu kulo; Uma umuntu enibuza ethi: ‘Nilithukululelani na? nizakusho kuye ukuthi: ‘INkosi iyalidinga.’ Basuka ababethunyiwe, bafumana kunjengokusho kwakhe kubo. Kuthe besalithukulula ithole, abaninilo bathi kubo: Nilithukululelani ithole? Bathi: “INkosi iyalidinga. Baliyisa kuJesu, babeka izingubo zabo phezu kwethole, bamkhwelisa uJesu. Esahamba, bendlala izingubo zabo endleleni. Esesondele ekwehleni kweNtaba Yeminqumo, isixuku sonke sabafundi saqala ukuthokoza nokudumisa uNkulunkulu ngezwi elikhulu ngayo yonke imisebenzi yamandla ababeyibonile; besithi: Kayibusiswe iNkosi ezayo ebizweni leNkosi: ukuthula ezulwini, lenkazimulo kweliphezulu. Abanye kubaFarisi exukwini bathi kuye: Mfundisi, khuza abafundi bakho. Wasephendula wathi kubo: Ngithi kini: Uba bengathula laba, amatshe azakhala masinyane. Esesondele wawubona umuzi, wawukhalela; esithi: Aluba ubusazi lawe ngalolusuku lwakho, izinto zokuthula kwakho! kepha manje zifihliwe emehlweni akho. Ngokuba izinsuku ziyakufikela, lapho izitha zakho ziyokubiyela ngomsele, zikuhaqe, zikuvimbezele nxazonke; Ziyakuwisa phansi wena nabantwana bakho phakathi kwakho; kabayikutshiya ilitshe phezu kwelinye; ngoba ubungasazi isikhathi sokuhanjelwa kwakho. Wangena ethempelini, waqala ukuxosha ababethengisa kulo nabathengayo; wathi kubo: Kulotshiwe ukuthi: Indlu yami yindlu yokukhuleka; Wayefundisa ethempelini imihla ngemihla. Kepha abapristi abakhulu nababhali nezikhulu zabantu bafuna ukumbulala; Kodwa babengatholi abangakwenza, ngoba ixuku lonke lalilalela ukumuzwa.
NgokukaLuka 19:29-48 IsiZulu 2020 (ZUL20)
Kwathi uJesu esesondele eBhethifage naseBhethani, ngasentabeni okuthiwa eYeminqumo, wathuma abafundi ababili, ethi: “Hambani niye emzaneni oqondene nani, kuzakuthi lapho ningena, nifumane ithole lembongolo likhulekiwe, okungazange kuhlale muntu kulo. Lithukululeni, nililethe lapha. “Uma kukhona umuntu onibuzayo, ethi: ‘Nilithukulelani na?’ anothi: ‘INkosi iyalidinga.’ ” Ababethunyiwe bahamba, bathola kunjengalokhu ayebatshelile. Kuthe besalithukulula ithole, abaninilo bathi kubo: “Nilithukululelani ithole na?” Bathi: “INkosi iyalidinga.” Base beliletha kuJesu, babeka izingubo zabo phezu kwalo, bamgibelisa kulo uJesu. Esahamba, bendlala izingubo zabo endleleni. Kuthe esesondele emehlelweni weNtaba Yeminqumo isixuku sonke sabafundi saqala ukuthokoza nokudumisa uNkulunkulu ngezwi elikhulu ngazo zonke izimangaliso esizibonileyo, sithi: “Ubusisiwe uMbusi ozayo egameni leNkosi, ukuthula ezulwini nenkazimulo kweliphezulu!” Abanye babaFarisi besesixukwini, bathi kuye: “Mfundisi, bakhuze abafundi bakho.” Waphendula wathi: “Ngithi kini: uma bethula laba, amatshe azakumemeza.” Kwathi lapho esondela, ewubona umuzi, wawukhalela. Wathi: “Sengathi ngabe nawe ubuwazi ngalolu lusuku, lokho okungakulethela ukuthula. Kepha manje kufihlakele emehlweni akho. Ngokuba uyakufikelwa yizinsuku lapho izitha zakho ziyakwakha ugange, zikuhaqe, zikuvimbezele macala wonke. Zikuqumbe phansi othulini, wena nabantu abanawe; aziyukushiya litshe phezu kwelinye phakathi kwakho. Ngokuba awusazanga isikhathi sokuhanjelwa kwakho.” UJesu wangena ethempelini, waqala ukuxosha abathengisayo, wathi kubo: “Kulotshiwe ukuthi: ‘Indlu yami iyakuba yindlu yokukhuleka,’ kodwa nina niyenze ‘umhume wabaphangi.’ ” Wayefundisa ethempelini imihla ngemihla. Kepha abaphristi abakhulu, izazimthetho, nezikhulu zabantu, zafuna ukumbulala. Kepha babengazi ukuthi bazokwenza kanjani, ngokuba bonke abantu babenamathele kuye, bemlalele.
NgokukaLuka 19:29-48 IBHAYIBHELI ELINGCWELE (ZUL59)
Kwathi esondele eBetfage naseBethaniya ngasentabeni ethiwa eYeminqumo, wathuma ababili kubafundi bakhe, ethi: “Hambani niye emzaneni obhekene nani, nothi ukuba ningene kuwo, nizakufumana ithole lembongolo likhulekiwe, okungazange kuhlale muntu kulo; lithukululeni, nililethe. Uma umuntu enibuza ethi: ‘Nilithukululelani na?’ anothi: ‘INkosi iyalidinga.’ ” Ababethunyiwe bahamba-ke, bafumana kunjengokusho kwakhe kubo. Kuthe besalithukulula ithole, abaninilo bathi kubo: “Nilithukululelani ithole na?” Bathi: “INkosi iyalidinga.” Base beliletha kuJesu; babeka izingubo zabo phezu kwethole, bamkhwelisa uJesu. Esahamba, babendlala izingubo zabo endleleni. Esesondela ekwehleleni kweNtaba Yeminqumo, isixuku sonke sabafundi saqala ukuthokoza nokumdumisa uNkulunkulu ngezwi elikhulu ngemisebenzi yonke yamandla esiyibonileyo, sithi: “Ubusisiwe uMbusi ozayo egameni leNkosi, ukuthula ezulwini nenkazimulo kweliphezulu!” Abanye babaFarisi besesixukwini bathi kuye: “Mfundisi, bakhuze abafundi bakho.” Waphendula wathi: “Ngithi kini: Uma bethula laba, amatshe azakumemeza.” Kwathi esondela, ewubona umuzi, wawukhalela. Wathi: “Sengathi nga wazi nawe ngalolu suku okokuthula. Kepha kalokhu kufihlakele emehlweni akho. Ngokuba uyakufikelwa yizinsuku, lapho izitha ziyakukukaka ngodonga lwempi, zikuhaqe, zikuvimbezele nxazonke, zikuwise phansi, wena nabantwana abakuwe, zingashiyi itshe phezu kwetshe phakathi kwakho, ngokuba ungasazanga isikhathi sokuhanjelwa kwakho.” Wangena ethempelini, waqala ukuxosha abathengisayo, wathi kubo: “Kulotshiwe ukuthi: ‘Indlu yami iyakuba yindlu yokukhuleka,’ kepha nina niyenze ‘umhume wabaphangi’.” Wayefundisa ethempelini imihla ngemihla. Kepha abapristi abakhulu, nababhali, nezikhulu zabantu bafuna ukumbulala. Kodwa babengatholi ukuthi bangenzani, ngokuba abantu bonke babebambelela kuye bemuzwa.
NgokukaLuka 19:29-48 Contemporary Zulu Bible 2024 (CZB24)
Kwasekusithi esesondele eBetfage leBethaniya entabeni ethiwa yiNtaba Yemihlwathi, wathuma ababili kubafundi bakhe. Esithi: Hambani liye emzaneni okhangelene lani; ekungeneni kwenu nizafica ithole lembongolo likhulekiwe, okungake kuhlale muntu kulo; Uma umuntu enibuza ethi: ‘Nilithukululelani na? nizakusho kuye ukuthi: ‘INkosi iyalidinga.’ Basuka ababethunyiwe, bafumana kunjengokusho kwakhe kubo. Kuthe besalithukulula ithole, abaninilo bathi kubo: Nilithukululelani ithole? Bathi: “INkosi iyalidinga. Baliyisa kuJesu, babeka izingubo zabo phezu kwethole, bamkhwelisa uJesu. Esahamba, bendlala izingubo zabo endleleni. Esesondele ekwehleni kweNtaba Yeminqumo, isixuku sonke sabafundi saqala ukuthokoza nokudumisa uNkulunkulu ngezwi elikhulu ngayo yonke imisebenzi yamandla ababeyibonile; besithi: Kayibusiswe iNkosi ezayo ebizweni leNkosi: ukuthula ezulwini, lenkazimulo kweliphezulu. Abanye kubaFarisi exukwini bathi kuye: Mfundisi, khuza abafundi bakho. Wasephendula wathi kubo: Ngithi kini: Uba bengathula laba, amatshe azakhala masinyane. Esesondele wawubona umuzi, wawukhalela; esithi: Aluba ubusazi lawe ngalolusuku lwakho, izinto zokuthula kwakho! kepha manje zifihliwe emehlweni akho. Ngokuba izinsuku ziyakufikela, lapho izitha zakho ziyokubiyela ngomsele, zikuhaqe, zikuvimbezele nxazonke; Ziyakuwisa phansi wena nabantwana bakho phakathi kwakho; kabayikutshiya ilitshe phezu kwelinye; ngoba ubungasazi isikhathi sokuhanjelwa kwakho. Wangena ethempelini, waqala ukuxosha ababethengisa kulo nabathengayo; wathi kubo: Kulotshiwe ukuthi: Indlu yami yindlu yokukhuleka; Wayefundisa ethempelini imihla ngemihla. Kepha abapristi abakhulu nababhali nezikhulu zabantu bafuna ukumbulala; Kodwa babengatholi abangakwenza, ngoba ixuku lonke lalilalela ukumuzwa.