NgokukaLuka 19:28-40
NgokukaLuka 19:28-40 IsiZulu 2020 (ZUL20)
Kuthe esekushilo lokho wayeseqhubeka nohambo, wakhuphukela eJerusalema. Kwathi uJesu esesondele eBhethifage naseBhethani, ngasentabeni okuthiwa eYeminqumo, wathuma abafundi ababili, ethi: “Hambani niye emzaneni oqondene nani, kuzakuthi lapho ningena, nifumane ithole lembongolo likhulekiwe, okungazange kuhlale muntu kulo. Lithukululeni, nililethe lapha. “Uma kukhona umuntu onibuzayo, ethi: ‘Nilithukulelani na?’ anothi: ‘INkosi iyalidinga.’ ” Ababethunyiwe bahamba, bathola kunjengalokhu ayebatshelile. Kuthe besalithukulula ithole, abaninilo bathi kubo: “Nilithukululelani ithole na?” Bathi: “INkosi iyalidinga.” Base beliletha kuJesu, babeka izingubo zabo phezu kwalo, bamgibelisa kulo uJesu. Esahamba, bendlala izingubo zabo endleleni. Kuthe esesondele emehlelweni weNtaba Yeminqumo isixuku sonke sabafundi saqala ukuthokoza nokudumisa uNkulunkulu ngezwi elikhulu ngazo zonke izimangaliso esizibonileyo, sithi: “Ubusisiwe uMbusi ozayo egameni leNkosi, ukuthula ezulwini nenkazimulo kweliphezulu!” Abanye babaFarisi besesixukwini, bathi kuye: “Mfundisi, bakhuze abafundi bakho.” Waphendula wathi: “Ngithi kini: uma bethula laba, amatshe azakumemeza.”
NgokukaLuka 19:28-40 Contemporary Zulu Bible 2024 (CZB24)
Eseshilo lokho wandulela, wenyukela eJerusalema. Kwasekusithi esesondele eBetfage leBethaniya entabeni ethiwa yiNtaba Yemihlwathi, wathuma ababili kubafundi bakhe. Esithi: Hambani liye emzaneni okhangelene lani; ekungeneni kwenu nizafica ithole lembongolo likhulekiwe, okungake kuhlale muntu kulo; Uma umuntu enibuza ethi: ‘Nilithukululelani na? nizakusho kuye ukuthi: ‘INkosi iyalidinga.’ Basuka ababethunyiwe, bafumana kunjengokusho kwakhe kubo. Kuthe besalithukulula ithole, abaninilo bathi kubo: Nilithukululelani ithole? Bathi: “INkosi iyalidinga. Baliyisa kuJesu, babeka izingubo zabo phezu kwethole, bamkhwelisa uJesu. Esahamba, bendlala izingubo zabo endleleni. Esesondele ekwehleni kweNtaba Yeminqumo, isixuku sonke sabafundi saqala ukuthokoza nokudumisa uNkulunkulu ngezwi elikhulu ngayo yonke imisebenzi yamandla ababeyibonile; besithi: Kayibusiswe iNkosi ezayo ebizweni leNkosi: ukuthula ezulwini, lenkazimulo kweliphezulu. Abanye kubaFarisi exukwini bathi kuye: Mfundisi, khuza abafundi bakho. Wasephendula wathi kubo: Ngithi kini: Uba bengathula laba, amatshe azakhala masinyane.
NgokukaLuka 19:28-40 Baasraak Zulu New Testament Bible (ZULUNT)
Eseshilo lokho wandulela, wenyukela eJerusalema. Kwasekusithi esesondele eBetfage leBethaniya entabeni ethiwa yiNtaba Yemihlwathi, wathuma ababili kubafundi bakhe. esithi: Hambani liye emzaneni okhangelene lani; ekungeneni kwenu nizafica ithole lembongolo likhulekiwe, okungake kuhlale muntu kulo; Uma umuntu enibuza ethi: ‘Nilithukululelani na? nizakusho kuye ukuthi: ‘INkosi iyalidinga.’ Basuka ababethunyiwe, bafumana kunjengokusho kwakhe kubo. Kuthe besalithukulula ithole, abaninilo bathi kubo: Nilithukululelani ithole? Bathi: “INkosi iyalidinga. Baliyisa kuJesu, babeka izingubo zabo phezu kwethole, bamkhwelisa uJesu. Esahamba, bendlala izingubo zabo endleleni. Esesondele ekwehleni kweNtaba Yeminqumo, isixuku sonke sabafundi saqala ukuthokoza nokudumisa uNkulunkulu ngezwi elikhulu ngayo yonke imisebenzi yamandla ababeyibonile; besithi: Kayibusiswe iNkosi ezayo ebizweni leNkosi: ukuthula ezulwini, lenkazimulo kweliphezulu. Abanye kubaFarisi exukwini bathi kuye: Mfundisi, khuza abafundi bakho. Wasephendula wathi kubo: Ngithi kini: Uba bengathula laba, amatshe azakhala masinyane.
NgokukaLuka 19:28-40 IBHAYIBHELI ELINGCWELE (ZUL59)
Eseshilo lokho waqhubekela phambili, wakhuphukela eJerusalema. Kwathi esondele eBetfage naseBethaniya ngasentabeni ethiwa eYeminqumo, wathuma ababili kubafundi bakhe, ethi: “Hambani niye emzaneni obhekene nani, nothi ukuba ningene kuwo, nizakufumana ithole lembongolo likhulekiwe, okungazange kuhlale muntu kulo; lithukululeni, nililethe. Uma umuntu enibuza ethi: ‘Nilithukululelani na?’ anothi: ‘INkosi iyalidinga.’ ” Ababethunyiwe bahamba-ke, bafumana kunjengokusho kwakhe kubo. Kuthe besalithukulula ithole, abaninilo bathi kubo: “Nilithukululelani ithole na?” Bathi: “INkosi iyalidinga.” Base beliletha kuJesu; babeka izingubo zabo phezu kwethole, bamkhwelisa uJesu. Esahamba, babendlala izingubo zabo endleleni. Esesondela ekwehleleni kweNtaba Yeminqumo, isixuku sonke sabafundi saqala ukuthokoza nokumdumisa uNkulunkulu ngezwi elikhulu ngemisebenzi yonke yamandla esiyibonileyo, sithi: “Ubusisiwe uMbusi ozayo egameni leNkosi, ukuthula ezulwini nenkazimulo kweliphezulu!” Abanye babaFarisi besesixukwini bathi kuye: “Mfundisi, bakhuze abafundi bakho.” Waphendula wathi: “Ngithi kini: Uma bethula laba, amatshe azakumemeza.”