NgokukaLuka 19:12-27
NgokukaLuka 19:12-27 Baasraak Zulu New Testament Bible (ZULUNT)
Wathi-ke: “Umuntu othile wobukhosi waya ezweni elikude ukuyozithathela umbuso, abuye. Wabiza izinceku zakhe eziyishumi, wazinika omina abayishumi, wathi kuzo: ‘Hhwebani ngize ngibuye. Kepha izakhamuzi zakhe zazimzonda, zathuma amanxusa emva kwakhe, zithi: “Asithandi ukuba lo abuse phezu kwethu. Kwathi esebuyile esewamukele umbuso, wayala ukuba kubizelwe kuye lezo zinceku abezinike imali, ukuze azi ukuthi yilowo nalowo ube zuzile kangakanani ngokuhweba. Yafika eyokuqala, yathi: ‘Nkosi, umina wakho uzuze omina abayishumi. Yathi kuyo: “Kuhle, nceku enhle; ngokuba ubuthembekile kokuncane, yiba namandla phezu kwemizi eyishumi. Yafika neyesibili, yathi: ‘Nkosi, umina wakho uzuze omina abayisihlanu. Wasesithi kuye: Lawe yiba phezu kwemizi eyisihlanu. Kwasekusiza nenye, yathi: Nkosi, bheka, nangu umina wakho, ebengiwubeke eqhiyeni. Ngokuba bengikwesaba, lokhu ungumuntu olukhuni; uthatha ongakubekanga, uvune ongakuhlwanyelanga. Wathi kuyo: “Ngizakwahlulela ngokuphuma emlonyeni wakho, nceku embi. Ubuwazi ukuthi ngingumuntu olukhuni, othabatha engingakubekanga, avune engingakuhlwanyelanga; Pho, awufakanga ngani imali yami ebhange, ukuze ekufikeni kwami ngiyibize nenzalo na? Wathi kwababemi khona: “Mthatheleni umina, nimnike onawomina abayishumi. Bathi kuye: Nkosi, unomina abayishumi. Ngokuba ngithi kini: Yilowo nalowo onakho uyakuphiwa; lalowo ongelakho, lalokho alakho uzakwemukwa. Kodwa lezozitha zami ezazingathandanga ukuthi ngibuse phezu kwazo, ziletheni lapha, lizibulale phambi kwami.
NgokukaLuka 19:12-27 IsiZulu 2020 (ZUL20)
Wathi-ke: “Kwakukhona umuntu wasebukhosini owaya ezweni elikude eyozithathela umbuso bese ebuya. Wabiza izinceku zakhe ezilishumi, wazinika uhlamvu lwemali ngayinye, wathi kuzo: ‘Hwebani ngazo ngize ngibuye.’ “Kepha abantu bezwe lakhe babemzonda, ngakho-ke bathumela amanxusa, amlandela, ukuba afike lapho, athi: ‘Asithandi ukuba lo abuse phezu kwethu.’ “Kwathi esebuyile ekuthatheni umbuso, wazibiza lezo zinceku ayezinike imali ukuze ezwe ukuthi zizuzeni ngokuhweba. “Kweza eyokuqala, yathi: ‘Nkosi, uhlamvu lwakho lwemali luzuze izinhlamvu zemali ezilishumi.’ “Wathi kuyo: ‘Kuhle-ke, nceku enhle, ngokuba wethembekile kokuncane, uzakubusa imizi elishumi.’ “Kweza neyesibili, yathi: ‘Nkosi, uhlamvu lwakho lwemali luzuze eziyisihlanu.’ “Wathi nakuleyo: ‘Nawe busa imizi emihlanu.’ “Kweza nenye, yathi: ‘Nkosi, nantu uhlamvu lwakho lwemali engalusonga ngendwangu ngalulondoloza. Phela bengikwesaba, kwazise ungumuntu olukhuni. Uthatha ongazange ukubeke, uvune ongazange ukuhlwanyele.’ “Wathi kuyo: ‘Ngizakwehlulela ngamazwi akho, wena nceku embi. Ubuwazi kahle ukuthi ngingumuntu olukhuni: ngithatha engingazange ngikubeke, ngivune engingakuhlwanyelanga. Kungani ungalufakanga uhlamvu lwemali yami ebhange, khona kuzothi ekubuyeni kwami, ngiluthole nenzalo na?’ “Wayesethi kwababemi lapho: ‘Mephuceni uhlamvu lwemali, nilunike onezilishumi.’ “Kepha bathi kuye: ‘Nkosi, unezinhlamvu zemali ezilishumi.’ “Ngithi kini: yilowo nalowo onakho, uyakuphiwa; kodwa lowo ongenakho, uyakwemukwa nalokho anakho. Kepha lezo zitha zami ezazingathandi ukuba ngizibuse, ziletheni lapha, nizibulale ngizibonela ngawami.”
NgokukaLuka 19:12-27 IBHAYIBHELI ELINGCWELE (ZUL59)
Wathi-ke: “Umuntu othile wohlanga olukhulu waya ezweni elikude eyozithathela umbuso, abuye. Wayesebiza izinceku zakhe eziyishumi, wazinika omina* abayishumi, wathi kuzo: ‘Hwebani ngabo, ngize ngibuye.’ “Kepha abantu bomuzi wakhe babemzonda, bathuma amanxusa emva kwakhe, bethi: ‘Asithandi ukuba lo abuse phezu kwethu.’ “Kwathi esebuyile ekuthatheni umbuso, wathi azibizelwe kuye lezo zinceku abezinike imali ukuba azi ukuthi yileyo naleyo izuzeni ngokuhweba. “Yavela-ke eyokuqala, yathi: ‘Nkosi, umina wakho uzuze omina abayishumi.’ “Wathi kuyo: ‘Kuhle-ke, nceku enhle; lokhu ufunyanwe uthembekile kokuncinyane, uzakubusa phezu kwemizi eyishumi.’ “Yafika neyesibili, yathi: ‘Umina wakho, Nkosi, uzuze omina abayisihlanu.’ “Wathi nakuleyo: ‘Nawe yiba phezu kwemizi eyisihlanu.’ “Kwafika nenye, yathi: ‘Nkosi, nangu umina wakho ebengimkhwezile esongwe endwangwini. Ngokuba bengikwesaba, lokhu ungumuntu olukhuni; uthabatha ongakubekanga, uvuna ongakuhlwanyelanga.’ “Wathi kuyo: ‘Ngizakukwahlulela ngomlomo wakho wena nceku embi. Ubuwazi ukuba ngingumumtu olukhuni, ngithabatha engingakubekanga, ngivuna engingakuhlwanyelanga; awufakanga ngani imali yami ebhange,* mina-ke ekufikeni kwami ngabe ngiyibizile kanye nenzalo, na?’ “Wayesethi kwababemi khona: ‘Maphuceni umina, nimnike onawomina abayishumi.’ “Kepha bathi kuye: ‘Nkosi, unawomina abayishumi.’ “Ngithi kini: Yilowo nalowo onakho uyakuphiwa, kepha ongenakho uyakwaphucwa nalokho anakho. Kodwa lezo zitha zami ezazingathandi ukuba ngibuse phezu kwazo, ziletheni lapha, nizibulale phambi kwami.”
NgokukaLuka 19:12-27 Contemporary Zulu Bible 2024 (CZB24)
Wathi-ke: “Umuntu othile wobukhosi waya ezweni elikude ukuyozithathela umbuso, abuye. Wabiza izinceku zakhe eziyishumi, wazinika omina abayishumi, wathi kuzo: ‘Hhwebani ngize ngibuye. Kepha izakhamuzi zakhe zazimzonda, zathuma amanxusa emva kwakhe, zithi: “Asithandi ukuba lo abuse phezu kwethu. Kwathi esebuyile esewamukele umbuso, wayala ukuba kubizelwe kuye lezo zinceku abezinike imali, ukuze azi ukuthi yilowo nalowo ube zuzile kangakanani ngokuhweba. Yafika eyokuqala, yathi: ‘Nkosi, umina wakho uzuze omina abayishumi. Yathi kuyo: “Kuhle, nceku enhle; ngokuba ubuthembekile kokuncane, yiba namandla phezu kwemizi eyishumi. Yafika neyesibili, yathi: ‘Nkosi, umina wakho uzuze omina abayisihlanu. Wasesithi kuye: Lawe yiba phezu kwemizi eyisihlanu. Kwasekusiza nenye, yathi: Nkosi, bheka, nangu umina wakho, ebengiwubeke eqhiyeni. Ngokuba bengikwesaba, lokhu ungumuntu olukhuni; uthatha ongakubekanga, uvune ongakuhlwanyelanga. Wathi kuyo: “Ngizakwahlulela ngokuphuma emlonyeni wakho, nceku embi. Ubuwazi ukuthi ngingumuntu olukhuni, othabatha engingakubekanga, avune engingakuhlwanyelanga; Pho, awufakanga ngani imali yami ebhange, ukuze ekufikeni kwami ngiyibize nenzalo na? Wathi kwababemi khona: “Mthatheleni umina, nimnike onawomina abayishumi. Bathi kuye: Nkosi, unomina abayishumi. Ngokuba ngithi kini: Yilowo nalowo onakho uyakuphiwa; lalowo ongelakho, lalokho alakho uzakwemukwa. Kodwa lezozitha zami ezazingathandanga ukuthi ngibuse phezu kwazo, ziletheni lapha, lizibulale phambi kwami.