NgokukaLuka 19:1-10
NgokukaLuka 19:1-10 Baasraak Zulu New Testament Bible (ZULUNT)
UJesu wangena wadabula iJeriko. Bheka, kwakukhona indoda igama layo linguZakewu, iyinhloko yabathelisi, inothile; Yayifuna ukumbona uJesu ukuthi ungubani; wahluleka ngenxa yexuku, ngoba wayemude. Wasegijimela phambili, wakhwela esihlahleni somthombe ukuthi ambone, ngoba wayezadlula ngaleyondlela. Kwathi uJesu efika kuleyo ndawo, wabheka phezulu, wayibona, wathi kuyo: “Zakewu, shesha wehle; ngoba lamuhla ngimele ukuhlala endlini yakho. Waseshesha wehla, wamamukela ngokuthokoza. Sebekubonile bonke bakhonona, besithi: Ungene ukuvakatshela indoda eyisoni. UZakewu wema wathi eNkosini; Bheka, Nkosi, inxenye yempahla yami ngiyipha abampofu; futhi uma ngithathe utho kumuntu ngamanga, ngimbuyisela ngokuphindwe kane. UJesu wathi kuye: “Namuhla insindiso isifikile kule ndlu, lokhu naye eyindodana ka-Abrahama. Ngokuba iNdodana yomuntu ize ukufuna nokusindisa obekulahlekile.
NgokukaLuka 19:1-10 IsiZulu 2020 (ZUL20)
UJesu wangena eJerikho, wadabula kulo. Kwakukhona indoda okuthiwa nguZakewu, ingumthelisi omkhulu, futhi icebile. Yayifuna ukumbona uJesu ukuthi ungubani, kodwa yehluleka ngenxa yesixuku sabantu, ngokuba yayimfushane. Yagijimela phambili, yagibela esihlahleni somthombe, ukuze imbone, ngokuba wayezakwedlula ngalapho. UJesu esefikile kuleyo ndawo, wabheka phezulu, wathi kuyo: “Zakewu, shesha wehle, ngokuba namuhla kufanele ngingenise endlini yakho.” UZakewu washesha wehla, wamemukela ngokuthokoza. Kuthe lapho bekubona lokho, bakhononda bonke, bathi: “UJesu ungenise endlini yendoda eyisoni.” Kepha uZakewu wasukuma, wathi eNkosini: “Nkosi, ngipha abampofu ingxenye yempahla yami; kuthi uma ngimqolile umuntu okuthile, ngikubuyisele kuye sekuphindwe kane.” UJesu wathi kuye: “Namuhla insindiso ifikile kule ndlu, lokhu naye uyindodana ka-Abhrahama. Ngokuba iNdodana yomuntu ize ukuzofuna nokusindisa okulahlekileyo.”
NgokukaLuka 19:1-10 IBHAYIBHELI ELINGCWELE (ZUL59)
Wangena eJeriko, wadabula khona. Bheka, kwakukhona indoda, igama layo linguZakewu, ingumthelisi omkhulu, icebile. Yayifuna ukumbona uJesu ukuthi ungubani; yahluleka ngenxa yesixuku, ngokuba yayimfushane. Yagijimela phambili, yakhwela emthombeni ukuba imbone, ngokuba ebezakudlula ngakhona. Esefikile uJesu kuleyo ndawo wabheka phezulu, wathi kuyo: “Zakewu, shesha wehle, ngokuba namuhla ngimelwe ukuhlala endlini yakho.” Washesha wehla, wamamukela ngokuthokoza. Kuthe bekubona, bakhonona bonke, bathi: “Uye kungenisa kwandoda eyisoni.” Kodwa uZakewu wasukuma, wathi eNkosini: “Bheka, Nkosi, ngipha abampofu inxenye yempahla yami; kuthi uma ngimaphucile umuntu into ngamacebo, ngiyibuyisa iphindwe kane.” UJesu wathi kuye: “Namuhla insindiso ifikile kule ndlu, lokhu naye eyindodana ka-Abrahama. Ngokuba iNdodana yomuntu ize ukufuna nokusindisa okulahlekileyo.”
NgokukaLuka 19:1-10 Contemporary Zulu Bible 2024 (CZB24)
UJesu wangena wadabula iJeriko. Bheka, kwakukhona indoda igama layo linguZakewu, iyinhloko yabathelisi, inothile; Yayifuna ukumbona uJesu ukuthi ungubani; wahluleka ngenxa yexuku, ngoba wayemude. Wasegijimela phambili, wakhwela esihlahleni somthombe ukuthi ambone, ngoba wayezadlula ngaleyondlela. Kwathi uJesu efika kuleyo ndawo, wabheka phezulu, wayibona, wathi kuyo: “Zakewu, shesha wehle; ngoba lamuhla ngimele ukuhlala endlini yakho. Waseshesha wehla, wamamukela ngokuthokoza. Sebekubonile bonke bakhonona, besithi: Ungene ukuvakatshela indoda eyisoni. UZakewu wema wathi eNkosini; Bheka, Nkosi, inxenye yempahla yami ngiyipha abampofu; futhi uma ngithathe utho kumuntu ngamanga, ngimbuyisela ngokuphindwe kane. UJesu wathi kuye: “Namuhla insindiso isifikile kule ndlu, lokhu naye eyindodana ka-Abrahama. Ngokuba iNdodana yomuntu ize ukufuna nokusindisa obekulahlekile.