NgokukaLuka 18:18-30
NgokukaLuka 18:18-30 IBHAYIBHELI ELINGCWELE (ZUL59)
Umbusi othile wayesembuza ethi: “Mfundisi omuhle, ngiyakwenzani ukuba ngidle ifa lokuphila okuphakade na?” Kepha uJesu wathi kuye: “Ungibizelani ngokuthi ngimuhle na? Kakho omuhle, munye kuphela, uNkulunkulu. Uyayazi imiyalelo ukuthi: ‘Ungaphingi, ungabulali, ungebi, ungafakazi amanga, yazisa uyihlo nonyoko.’ ” Kepha wathi: “Konke lokho ngikugcinile kwasebusheni bami.” UJesu ekuzwa lokho wathi kuye: “Usasilalelwe into inye: thengisa ngakho konke onakho, wabele abampofu, khona uzakuba negugu ezulwini; uze ungilandele.” Kuthe ekuzwa lokho, wadabuka impela, ngokuba wayenothile kakhulu. UJesu embona wathi: “Kulukhuni kangakanani kwaba nomnotho ukungena embusweni kaNkulunkulu. Kulula ukuba ikamela lingene ngentunja yosungulo kunokuba onothileyo angene embusweni kaNkulunkulu.” Abezwayo base bethi: “Pho, kungasindiswa bani na?” Kepha wathi: “Okungenzeki kubantu kungenzeka kuNkulunkulu.” Wayesethi uPetru: “Bheka, thina sishiye okwethu, sakulandela.” Wathi kubo: “Ngiqinisile ngithi kini: Akukho muntu oshiye indlu, noma umkakhe, noma abafowabo, noma abazali, noma abantwana ngenxa yombuso kaNkulunkulu, ongayikwamukeliswa okuphindwe kaningi kulesi sikhathi nasenkathini ezayo ukuphila okuphakade.”
NgokukaLuka 18:18-30 Baasraak Zulu New Testament Bible (ZULUNT)
Umbusi othile wambuza, wathi: “Mfundisi omuhle, ngenzeni ukuba ngidle ifa lokuphila okuphakade na? UJesu wathi kuye: “Ungibizelani ngokuthi ngimuhle na? kakho omuhle, ngaphandle koyedwa, uNkulunkulu. Uyayazi imilayo ethi: Ungafebi, ungabulali, ungebi, ungafakazi amanga, yazisa uyihlo lonyoko. Wathi: “Konke lokho ngikugcinile kwasebusheni bami. UJesu ekuzwa lokho wathi kuye: “Usasilalelwe into eyodwa; thengisa ngakho konke onakho, wabele abampofu, khona uzakuba negugu ezulwini; uze ungilandele. Ekuzwa lokho wadabuka kakhulu, ngokuba wayecebile kakhulu. UJesu ebona ukuthi wayelusizi kakhulu wathi: “Kuyakuba lukhuni kangakanani kwabanengcebo ukungena embusweni kaNkulunkulu! Ngokuba kulula ukuba ikamela lingene ngentunja yenaliti, kunokuba onothileyo angene embusweni kaNkulunkulu. Abezwayo bathi: Pho kungasindiswa bani? Wathi: Izinto ezingenzekiyo kubantu ziyenzeka kuNkulunkulu. UPetro wasesithi: Khangela, thina sitshiye konke, sakulandela. Wasesithi kubo: Ngiqinisile ngithi kini: Kakho otshiye indlu, kumbe abazali, kumbe abafowabo, kumbe umkakhe, kumbe abantwana, ngenxa yombuso kaNkulunkulu; ongayikwamukeliswa okuphindwe kaningi kulesi sikhathi, nasezweni elizayo ukuphila okuphakade.
NgokukaLuka 18:18-30 IsiZulu 2020 (ZUL20)
Umbusi othile wayesembuza, ethi: “Mfundisi omuhle, ngiyakwenzenjani ukuze ngidle ifa lokuphila okuphakade na?” Kepha uJesu wathi kuye: “Ungibizelani ngokuthi ngimuhle na? Akekho omuhle, kuphela, uNkulunkulu. Uyayazi imiyalelo ethi: ‘Ungaphingi, ungabulali, ungebi, ungafakazi amanga, hlonipha uyihlo nonyoko.’ ” Kepha yena wathi: “Konke lokho ngikugcinile kusukela ebusheni bami.” Esekuzwile lokho, uJesu wathi kuye: “Kunye kuphela okusakusalele: thengisa ngakho konke onakho, uphe abampofu, khona-ke uzakuba nengcebo ezulwini, bese uza, ungilandele.” Kuthe ekuzwa lokho, waphatheka kabi, ngokuba wayecebe kakhulu. UJesu embona ukuthi ulimele kakhulu, wathi: “Kulukhuni kuyitshe kwabanothileyo ukuba bangene embusweni kaNkulunkulu. Kulula ukuba ikameli lingene ngembobo yosungulo, kunokuba onothileyo angene embusweni kaNkulunkulu.” Abakuzwayo lokho base bethi: “Pho kuyakusindiswa bani na?” Kepha uJesu wathi kubo: “Okungenzeki kubantu, kungenzeka kuNkulunkulu.” UPhethro wayesethi: “Thina sishiye okungokwethu, sakulandela.” UJesu wathi kubo: “Ngiqinisile ngithi kini: akukho muntu oshiye indlu, noma umkakhe, noma abafowabo, noma abazali, noma abantwana, ngenxa yombuso kaNkulunkulu, ongayukukwamukeliswa okuphindwe kaningi kulesi sikhathi, esikhathini esizayo, ukuphila okuphakade.”
NgokukaLuka 18:18-30 Contemporary Zulu Bible 2024 (CZB24)
Umbusi othile wambuza, wathi: “Mfundisi omuhle, ngenzeni ukuba ngidle ifa lokuphila okuphakade na? UJesu wathi kuye: “Ungibizelani ngokuthi ngimuhle na? kakho omuhle, ngaphandle koyedwa, uNkulunkulu. Uyayazi imilayo ethi: Ungafebi, ungabulali, ungebi, ungafakazi amanga, yazisa uyihlo lonyoko. Wathi: “Konke lokho ngikugcinile kwasebusheni bami. UJesu ekuzwa lokho wathi kuye: “Usasilalelwe into eyodwa; thengisa ngakho konke onakho, wabele abampofu, khona uzakuba negugu ezulwini; uze ungilandele. Ekuzwa lokho wadabuka kakhulu, ngokuba wayecebile kakhulu. UJesu ebona ukuthi wayelusizi kakhulu wathi: “Kuyakuba lukhuni kangakanani kwabanengcebo ukungena embusweni kaNkulunkulu! Ngokuba kulula ukuba ikamela lingene ngentunja yenaliti, kunokuba onothileyo angene embusweni kaNkulunkulu. Abezwayo bathi: Pho kungasindiswa bani? Wathi: Izinto ezingenzekiyo kubantu ziyenzeka kuNkulunkulu. UPetro wasesithi: Khangela, thina sitshiye konke, sakulandela. Wasesithi kubo: Ngiqinisile ngithi kini: Kakho otshiye indlu, kumbe abazali, kumbe abafowabo, kumbe umkakhe, kumbe abantwana, ngenxa yombuso kaNkulunkulu; ongayikwamukeliswa okuphindwe kaningi kulesi sikhathi, nasezweni elizayo ukuphila okuphakade.