NgokukaJohane 4:43-53
NgokukaJohane 4:43-53 IsiZulu 2020 (ZUL20)
Emva kwezinsuku ezimbili, uJesu wasuka lapho, waya eGalile. Ngokuba uJesu uqobo wafakaza ukuthi umphrofethi akahlonishwa ezweni lakubo. Kuthe esefikile eGalile, abaseGalile bamamukela, njengalokhu babekubonile konke akwenzayo eJerusalema ngomkhosi, ngokuba nabo babeyile emkhosini. Ngakho-ke waphinda waya eKhana eGalile, lapho aguqula khona amanzi aba yiwayini. Kwakukhona induna ethile yenkosi eyayigulelwa yindodana yayo eKhaphernawume. Kwathi ukuba izwe ukuthi uJesu ufikile eGalile evela eJudiya, yaya kuye, yamncenga ukuba ehlele eKhaphernawume aphilise indodana yayo, ngokuba yayisizokufa. Ngakho-ke uJesu wathi enduneni: “Ngaphandle kokuba nina nibone izibonakaliso nezimangaliso, anisoze nakholwa.” Induna yenkosi yathi kuye: “Nkosi, yehla engakafi umntanami.” UJesu wathi kuyo: “Hamba, indodana yakho isiphilile.” Induna yakholwa yizwi uJesu alikhuluma kuyo, yahamba. Kwathi isehla, izinceku zayo zayihlangabeza, zathi: “Umntanakho uphilile.” Yazibuzisisa izinceku isikhathi aqale ngaso ukuba ngcono. Zathi-ke kuyo: “Umkhuhlane umyeke izolo ngehora lesikhombisa.” Ngakho-ke wazi ukuthi yilelo hora uJesu asho ngalo kuye wathi: “Indodana yakho isiphilile.” Wakholwa nomndeni wakhe wonke.
NgokukaJohane 4:43-53 Baasraak Zulu New Testament Bible (ZULUNT)
Kwathi emva kwezinsuku ezimbili wamuka lapho, waya eGalile. Ngokuba uJesu uqobo wafakaza ngokuthi umprofethi kadunyiswa ezweni lakubo. Kuthe esefikile eGalile, abaseGalile bamamukela, sebebone konke akwenzayo eJerusalema emkhosini, ngokuba nabo babeyile emkhosini. UJesu wabuye weza eKhana laseGalile, lapho enza khona amanzi aba yiwayini. Kwakukhona induna ethile, indodana yayo yayigula eKapernawume. Lathi selizwile ukuthi uJesu usefikile eGalili evela eJudiya, laya kuye, lamncenga ukuthi ehle, asilise indodana yakhe, ngoba yayisigulela ukufa. Khona uJesu wathi kuye: “Uma ningaboni izibonakaliso nezimangaliso, anisoze nakholwa; Isikhulu sathi kuye: “Nkosi, yehla engakafi umntanami. UJesu wathi kuye: “Hamba; indodana yakho iyaphila. Indoda yakholwa yizwi uJesu alishilo kuye, yahamba. Kwathi esehla, izinceku zakhe zamhlangabeza, zamtshela ukuthi: “Indodana yakho iphilile. Wasebabuza ihola aqale ngalo ukululama. Basebesithi kuye: Izolo ngehola lesikhombisa umkhuhlane umyekele. Wasekwazi uyise ukuthi yisona leso sikhathi uJesu asho ngaso kuye ukuthi: “Indodana yakho iphilile.” Wakholwa yena nendlu yakhe yonke.
NgokukaJohane 4:43-53 IBHAYIBHELI ELINGCWELE (ZUL59)
Kepha emva kwezinsuku ezimbili waphuma lapho ukuya eGalile. Ngokuba uJesu uqobo wafakaza ngokuthi umprofethi kaziswa ezweni lakubo. Kuthe-ke ukuba afike eGalile, abaseGalile bamamukela bebone konke akwenzayo eJerusalema emkhosini; ngokuba nabo babezile emkhosini. UJesu wayesephinda eza eKhana laseGalile, lapho enza khona amanzi abe yiwayini. Kwakukhona induna ethile yenkosi endodana yayo yayigula eKapernawume. Yathi ukuba izwe ukuthi uJesu ufikile eGalile evela eJudiya, yaya kuye, yamncenga ukuba ehle aphulukise indodana yayo, ngokuba yayisizakufa. Ngakho-ke uJesu wathi kuyo: “Uma ningaboni izibonakaliso nezimangaliso, anisoze nakholwa.” Induna yenkosi yathi kuye: “Nkosi, yehla engakafi umntanami.” Wathi kuyo uJesu: “Hamba, indodana yakho iphilile.” Lowo muntu wakholwa yizwi alishilo kuye uJesu, wahamba. Kwathi esehla, izinceku zakhe zamhlangabeza, zathi umntanakhe uphilile. Wayesezibuza isikhathi aqale ngaso ukuba ngcono; khona zathi kuye: “Umkhuhlane umyekile izolo ngehora lesikhombisa.” Wayeseqonda uyise ukuthi yilona lelo hora uJesu asho ngalo kuye ukuthi: “Indodana yakho iphilile.” Wakholwa yena nendlu yakhe yonke.
NgokukaJohane 4:43-53 Contemporary Zulu Bible 2024 (CZB24)
Kwathi emva kwezinsuku ezimbili wamuka lapho, waya eGalile. Ngokuba uJesu uqobo wafakaza ngokuthi umprofethi kadunyiswa ezweni lakubo. Kuthe esefikile eGalile, abaseGalile bamamukela, sebebone konke akwenzayo eJerusalema emkhosini, ngokuba nabo babeyile emkhosini. UJesu wabuye weza eKhana laseGalile, lapho enza khona amanzi aba yiwayini. Kwakukhona induna ethile, indodana yayo yayigula eKapernawume. Lathi selizwile ukuthi uJesu usefikile eGalili evela eJudiya, laya kuye, lamncenga ukuthi ehle, asilise indodana yakhe, ngoba yayisigulela ukufa. Khona uJesu wathi kuye: “Uma ningaboni izibonakaliso nezimangaliso, anisoze nakholwa; Isikhulu sathi kuye: “Nkosi, yehla engakafi umntanami. UJesu wathi kuye: “Hamba; indodana yakho iyaphila. Indoda yakholwa yizwi uJesu alishilo kuye, yahamba. Kwathi esehla, izinceku zakhe zamhlangabeza, zamtshela ukuthi: “Indodana yakho iphilile. Wasebabuza ihola aqale ngalo ukululama. Basebesithi kuye: Izolo ngehola lesikhombisa umkhuhlane umyekele. Wasekwazi uyise ukuthi yisona leso sikhathi uJesu asho ngaso kuye ukuthi: “Indodana yakho iphilile.” Wakholwa yena nendlu yakhe yonke.