NgokukaJohane 11:24-45

Dlulisela

NgokukaJohane 11:24-45 IsiZulu 2020 (ZUL20)

UMartha wathi kuye: “Ngiyazi ukuthi uyakuvuka ekuvukeni ngomhla wokuphela.” UJesu wathi kuye: “Mina ngingukuvuka nokuphila; okholwa yimi noma efa uyakuphila, nalowo ophilayo, akholwe yimi, akasoze afa nanini. Uyakukholwa yilokho na?” Waphendula, wathi: “Yebo Nkosi, ngiyakholwa ukuthi Wena unguKhristu, iNdodana kaNkulunkulu, obezakuza emhlabeni.” Esekushilo lokho uMartha, wahamba wayobiza uMariya, udadewabo ngasese, wathi: “UMfundisi ukhona, futhi uyakubiza.” Lapho ekuzwa lokho, uMariya wathi lacu masinyane, waya kuye. Kepha uJesu wayengakafiki emzini; wayesekuleyo ndawo uMartha ayemhlangabeze kuyo. Ngakho-ke abaJuda ababenaye endlini bemduduza, kuthe bebona uMariya esukuma ngokushesha ephuma, bamlandela, ngoba babecabanga ukuthi uya ethuneni ukuba ayokhala khona. Ngakho uMariya esefikile lapho uJesu ayekhona, wathi ukuba ambone wazilahla ngasezinyaweni zakhe, wathi: “Nkosi, ukuba ubukhona, umfowethu ngabe akafanga.” Ngakho-ke uJesu embona ekhala, nabaJuda ababefike naye bekhala, wathinteka kakhulu emoyeni, wakhathazeka, wayesethi: “Nimngcwabe kuphi na?” Bathi kuye: “Nkosi, woza uzobona.” UJesu wakhala izinyembezi. Ngakho-ke abaJuda bathi: “Bheka, indlela abemkhonze ngayo.” Kepha abanye kubo bathi: “Lo akavulanga yini amehlo empumputhe, pho ubengekwenze ngani ukuba le ndoda ingafi na?” Ngakho-ke uJesu wathinteka kakhulu emoyeni, waya ethuneni. Ithuna lalingumhume, kubekwe itshe, livundle kuwo. UJesu wathi: “Susani itshe.” UMartha, udadewabo kamufi, wathi kuye: “Nkosi, useyanuka, ngokuba sekulusuku lwesine lolu.” UJesu wathi kuye: “Angikutshelanga yini ukuthi uma ukholwa, uzakubona inkazimulo kaNkulunkulu na?” Balisusa-ke itshe. UJesu waphakamisa amehlo akhe, wathi: “Baba, ngiyakubonga, ngokuba ungizwile. Bengazi Mina ukuthi uhlala ungizwa, kodwa ngenxa yesixuku esingiphahlileyo ngikushilo lokho, ukuze sikholwe wukuthi nguwe ongithumileyo.” Esekushilo lokho, wamemeza ngezwi elikhulu, wathi: “Lazaru, phuma.” Waphuma obefile eboshwe ngezindwangu ezinyaweni nasezandleni, ubuso bakhe bumbozwe ngesiqephu sendwangu. UJesu wathi kubo: “Mthukululeni, nimyeke ahambe.” Ngakho abaJuda abaningi ababeze kuMariya bebona akwenzileyo, bakholwa kuye.

NgokukaJohane 11:24-45 IBHAYIBHELI ELINGCWELE (ZUL59)

UMarta wathi kuye: “Ngiyazi ukuthi uyakuvuka ekuvukeni ngosuku lokugcina.” UJesu wathi kuye: “Mina ngingukuvuka nokuphila; okholwa yimi, noma efa, wophila. Nalowo ophila, akholwe yimi, kasoze afa naphakade. Uyakholwa yilokho na?” Wathi kuye: “Yebo, Nkosi, ngiyakholwa ukuthi wena unguKristu, iNdodana kaNkulunkulu, obezakuza ezweni.” Eseshilo lokho wamuka wabiza uMariya udadewabo ngasese, wathi: “UMfundisi ukhona, uyakubiza.” Yena-ke ekuzwa lokho wasuka masinyane, waya kuye. Kepha uJesu wayengakafiki emzini, kodwa wayesekuleyo ndawo uMarta amhlangabeza kuyo. AbaJuda ababesendlini naye bemkhuza, bebona uMariya esuka masinyane ephuma, bamlandela, bathi: “Uya ethuneni ukuba akhale khona.” UMariya esefike lapho ekhona uJesu, embona, wawa ngasezinyaweni zakhe, wathi: “Nkosi, uma ubukhona, umnewethu nga engafanga.” Ngakho uJesu embona ekhala, nabaJuda abafika naye bekhala, wabubula emoyeni, wakhathazeka; wathi: “Nimbekephi na?” Bathi kuye: “Nkosi, woza ubone.” UJesu wakhala izinyembezi. Ngakho-ke abaJuda bathi: “Bheka, ukumthanda kwakhe okungaka.” Kepha abanye kubo bathi: “Lo owavula amehlo empumputhe wayengekwenze yini ukuba yena lo angafi na?” Ngakho uJesu, ebubula futhi phakathi kwakhe, wafika ethuneni. Lalingumhume, kwakukhona itshe phezu kwawo. Wathi uJesu: “Susani itshe.” UMarta, udadewabo wofileyo, wathi kuye: “Nkosi, usenuka; ngokuba sezizine.” UJesu wathi kuye: “Angishongo yini kuwe ukuthi uma ukholwa, uzakubona inkazimulo kaNkulunkulu, na?” Balisusa-ke itshe. Kepha uJesu waphakamisa amehlo, wathi: “Baba, ngiyakubonga ngokuba ungizwile. Bengazi mina ukuthi ungizwa njalo, kodwa ngenxa yesixuku esingiphahlileyo ngishilo lokho, ukuze bakholwe ukuthi nguwena ongithumileyo.” Esekhulume lokho wamemeza ngezwi elikhulu, wathi: “Lazaru, phuma.” Waphuma ofileyo eboshwe izinyawo nezandla ngezindwangu, ubuso bakhe bumboziwe ngeduku. UJesu wathi kubo: “Mthukululeni, nimyeke ahambe.” Khona abaningi kubaJuda ababezile kuMariya bebona abekwenzile, bakholwa nguye.

NgokukaJohane 11:24-45 Contemporary Zulu Bible 2024 (CZB24)

UMarta wathi kuye: Ngiyazi ukuthi uyakuvuka ekuvukeni ngosuku lokugcina. UJesu wathi kuye: Mina ngingukuvuka nokuphila; okholwa yimi, noma efile, wophila. Nalowo ophilayo ekholwa yimi kasoze afa naphakade. Uyakukholwa lokhu na? Wathi kuye: Yebo, Nkosi, ngiyakholwa ukuthi wena unguKristu, iNdodana kaNkulunkulu obezakuza emhlabeni. Eseshilo lokho wamuka, wabiza udadewabo uMariya ngasese, wathi: “UMfundisi ufikile, uyakubiza. Wathi ekuzwa lokho wasuka masinyane, weza kuye. Kepha uJesu wayengakafiki emzini, kodwa wayesekuleyo ndawo uMarta amhlangabeza kuyo. AmaJuda ayenaye endlini emduduza, ebona uMariya esukuma masinyane waphuma, amlandela, ethi: “Uya ethuneni ukuyokhala khona. Kwathi uMariya efika lapho uJesu ekhona, embona, wawa phansi ezinyaweni zakhe, wathi kuye: “Nkosi, uma ubukhona, umnewethu nga engafanga. Kwathi uJesu embona ekhala, nabaJuda ababeze naye bekhala, wabubula emoyeni, wakhathazeka; Wathi: “Nimbeke ngaphi na? Basebesithi kuye: Nkosi, woza ubone. UJesu wakhala izinyembezi. Ngakho amaJuda athi: Khangelani ukuthi wayemthanda kangakanani! Abanye kubo bathi: “Lo owavula amehlo empumputhe ubengekwenze yini ukuba nalo angafi na? Ngakho uJesu ebubula futhi phakathi kwakhe wafika ethuneni. Lalingumhume, kubekwe itshe phezu kwawo. UJesu wathi: Susani itshe. UMarta, udadewabo wofileyo, wathi kuye: “Nkosi, usenuka, ngokuba usenezinsuku ezine efile. UJesu wathi kuye: “Angishongo yini kuwe ukuthi, uma ukholwa, uzakubona inkazimulo kaNkulunkulu na? Balisusa-ke itshe endaweni lapho ofile ayebekwe khona. UJesu waphakamisa amehlo akhe, wathi: “Baba, ngiyakubonga ngokuba ungizwile. Mina bengisazi ukuthi uyangizwa njalo, kodwa ngenxa yexuku elibemi khona ngitshilo, ukuze bakholwe ukuthi wena ungithumile. Esetshilo lokho wamemeza ngelizwi elikhulu wathi: Lazaru, phuma. Waphuma ofileyo eboshwe izinyawo nezandla ngezindwangu, nobuso bakhe buboshwe ngeduku. UJesu wathi kubo: Mthukululeni, limyeke ahambe. Ngakho abaningi kubaJuda ababeze kuMariya bebona akwenzileyo uJesu bakholwa nguye.

NgokukaJohane 11:24-45 Baasraak Zulu New Testament Bible (ZULUNT)

UMarta wathi kuye: Ngiyazi ukuthi uyakuvuka ekuvukeni ngosuku lokugcina. UJesu wathi kuye: Mina ngingukuvuka nokuphila; okholwa yimi, noma efile, wophila. Nalowo ophilayo ekholwa yimi kasoze afa naphakade. Uyakukholwa lokhu na? Wathi kuye: Yebo, Nkosi, ngiyakholwa ukuthi wena unguKristu, iNdodana kaNkulunkulu obezakuza emhlabeni. Eseshilo lokho wamuka, wabiza udadewabo uMariya ngasese, wathi: “UMfundisi ufikile, uyakubiza. Wathi ekuzwa lokho wasuka masinyane, weza kuye. Kepha uJesu wayengakafiki emzini, kodwa wayesekuleyo ndawo uMarta amhlangabeza kuyo. AmaJuda ayenaye endlini emduduza, ebona uMariya esukuma masinyane waphuma, amlandela, ethi: “Uya ethuneni ukuyokhala khona. Kwathi uMariya efika lapho uJesu ekhona, embona, wawa phansi ezinyaweni zakhe, wathi kuye: “Nkosi, uma ubukhona, umnewethu nga engafanga. Kwathi uJesu embona ekhala, nabaJuda ababeze naye bekhala, wabubula emoyeni, wakhathazeka; Wathi: “Nimbeke ngaphi na? Basebesithi kuye: Nkosi, woza ubone. UJesu wakhala izinyembezi. Ngakho amaJuda athi: Khangelani ukuthi wayemthanda kangakanani! Abanye kubo bathi: “Lo owavula amehlo empumputhe ubengekwenze yini ukuba nalo angafi na? Ngakho uJesu ebubula futhi phakathi kwakhe wafika ethuneni. lalingumhume, kubekwe itshe phezu kwawo. UJesu wathi: Susani itshe. UMarta, udadewabo wofileyo, wathi kuye: “Nkosi, usenuka, ngokuba usenezinsuku ezine efile. UJesu wathi kuye: “Angishongo yini kuwe ukuthi, uma ukholwa, uzakubona inkazimulo kaNkulunkulu na? Balisusa-ke itshe endaweni lapho ofile ayebekwe khona. UJesu waphakamisa amehlo akhe, wathi: “Baba, ngiyakubonga ngokuba ungizwile. Mina bengisazi ukuthi uyangizwa njalo, kodwa ngenxa yexuku elibemi khona ngitshilo, ukuze bakholwe ukuthi wena ungithumile. Esetshilo lokho wamemeza ngelizwi elikhulu wathi: Lazaru, phuma. Waphuma ofileyo eboshwe izinyawo nezandla ngezindwangu, nobuso bakhe buboshwe ngeduku. UJesu wathi kubo: Mthukululeni, limyeke ahambe. Ngakho abaningi kubaJuda ababeze kuMariya bebona akwenzileyo uJesu bakholwa nguye.