AbAhluleli 4:17-21
AbAhluleli 4:17-21 IsiZulu 2020 (ZUL20)
USisera wabaleka ngezinyawo waze wayofika ethendeni likaJayeli, umkaHebhere umKheni, ngokuba kwakunokuthula phakathi kukaJabhini, inkosi yaseHazori, nabendlu kaHebhere umKheni. UJayeli waphuma wamhlangabeza uSisera, wathi kuye: “Phambukela ngapha, nkosi yami, phambukela ngakimi, ungesabi.” Wayesephambukela kuye ethendeni, wayesemmboza ngengubo. Wayesethi kuye: “Ngicela ungiphuzise amanzi amancane, ngokuba ngomile.” Wayesevula igabha lobisi, wamnika ukuba aphuze, wayesemmboza. Wathi kuye: “Yima emnyango wethende, uma kufika noma ngubani ebuza, ethi: ‘Kukhona bani lapha, na?’ ubothi: ‘Akukho muntu.’ ” Kodwa uJayeli, umkaHebhere, wathatha ngesandla sakhe isikhonkwane sethende nesando, wanyonyoba waya kuye esazunywe ngubuthongo, wasiphisela isikhonkwane enhlafunweni saze saphumela emhlabathini. Wayezunywe ngobukhulu ubuthongo, ekhathele. Wafa kanjalo-ke uSisera.
AbAhluleli 4:17-21 IBHAYIBHELI ELINGCWELE (ZUL59)
Kepha uSisera wabaleka ngezinyawo, wafika etendeni likaJayeli umkaHebere umKheni, ngokuba kwakukhona ukuthula phakathi kukaJabini inkosi yaseHasori nendlu kaHebere umKheni. UJayeli waphuma ukumhlangabeza uSisera, wathi kuye: “Phambuka, nkosi yami; phambukela kimi, ungesabi.” Waphambukela kuye etendeni, wamembesa ingubo. Wayesethi kuye: “Ake ungiphuzise ingcosana yamanzi, ngokuba ngomile.” Wavumbulula igabha lobisi, wamphuzisa, wamembesa. Wathi kuye: “Yima emnyango wetende; kuyakuthi nxa kufika umuntu abuze kuwe athi: ‘Kukhona muntu lapha na?’ uthi: ‘Qha.’ ” UJayeli umkaHebere wayesethatha isikhonkwane setende, waphatha isando ngesandla, wanyonyobela kuye, wambethela esikhaleni sendlebe ngesikhonkwane, sagqobhoza, saphumela emhlabathini, ngokuba wayelele ubuthongo obukhulu ediniwe; wafa kanjalo.
AbAhluleli 4:17-21 Contemporary Zulu Bible 2024 (CZB24)
USisera wabaleka ngezinyawo waya etendeni likaJayeli umkaHebhere umKheni, ngokuba kwakukhona ukuthula phakathi kukaJabini inkosi yaseHazori nendlu kaHebhere umKheni. UJayeli waphuma ukumhlangabeza uSisera, wathi kuye: “Woza, nkosi yami, uze kimi; Ungesabi. Esengena naye etendeni, wamembathisa ingubo. Wathi kuye: “Ngiphuzise ingcosana yamanzi; ngoba ngomile Futhi wavula ibhodlela lobisi futhi wamphuzisa wavala. Wathi futhi kuye: “Yima ngasemnyango wetende; kuyakuthi lapho kufika othile futhi akubuze athi: ‘Ukhona yini lapha na?’ ukuthi lizakuthi: Hatshi. Khona-ke uJayeli umkaHebhere wathatha isikhonkwane etendeni waphatha isando ngesandla sakhe, waya kuye ngobumnene, wasibethela isikhonkwane ezinhlafunweni zakhe, wasigxisha emhlabathini, ngoba wayelele ubuthongo obukhulu futhi ekhathele. Ngakho wafa.