U-Isaya 44:9-20
U-Isaya 44:9-20 IsiZulu 2020 (ZUL20)
Bonke abenza izithombe ezibunjiweyo bayize, nezinto abazithokozelayo azinanzuzo kubo, ofakazi babo ababoni, futhi kabazi, bayothelwa ngehlazo. Ngubani owenza unkulunkulu, abumbe umfanekiso ongenakukwenza okuhle na? Bonke abasikhonzayo bayothelwa ngehlazo, nabakhandi bangabantu nje, mabahlangane bonke, mabasukume bonke, bangenwe yingebhe; bonke bayakuthelwa ngehlazo kanyekanye. Umkhandinsimbi wenza ithuluzi, uyalisebenza emalahleni, alicangcathe ngezando, alisebenze ngamandla ezingalo zakhe. Uyalamba, angabi namandla, uma engawaphuzi amanzi, uyakhathala. Umbazi welula intambo yokukala, adwebe umuthi ngokubomvu, awugwede ngezingwedo, awuklame ngensimbi yokudweba isiyingi, awenze ngomfanekiso womuntu, ube nobuhle bomuntu; ukuba uhlale endlini. Uyazigawulela imisedari, athathe imikhoba nemi-okhi, akuvikele phakathi kwemithi yehlathi; utshala umsedari, imvula iwenze ukhule. Bese kuba ngokomuntu ukuba abase ngakho; uthatha okunye kukho, othe; abase umlilo, abhake isinkwa; wenza futhi unkulunkulu, amkhothamele; wenza isithombe esibaziweyo, asikhulekele. Ushisa ingxenye yawo emlilweni; phezu kwenye ingxenye, ose izoso, adle inyama, asuthe; yebo, uyotha athi: “Halala! Sengifudumele, ngothe umlilo.” Ngokuseleyo wenza ngakho unkulunkulu nesithombe sakhe; akukhothamele, akhuleke kukho, athandaze kukho, athi: “Ngisindise; ungunkulunkulu wami.” Kabazi, kabaqondi, ngokuba amehlo abo uwasilekile ukuze bangaboni, nezinhliziyo zabo ukuze bangaqondi. Akekho okhumbulayo, nokwazi ukuqonda bese, ethi: “Ingani ingxenye yawo ngiyishise ngomlilo, ngapheka isinkwa phezu kwamalahle awo, ngosa inyama, ngayidla; ngokuseleyo kuwo, ngenza okuyisinengiso; ngakhothama phambi kwesiqu somuthi.” Udla umlotha, inhliziyo ekhohlisiweyo imdukisile; akanakuwusindisa umphefumulo wakhe, nokuba athi: “Akukho yini amanga kwesokunene sami na?”
U-Isaya 44:9-20 IBHAYIBHELI ELINGCWELE (ZUL59)
Abenza isithombe esibaziweyo bayize bonke; izinto zabo ezithandekayo aziyikusiza; ofakazi babo ababoni, futhi abazi; bayakujabhiswa. Ngubani owenzile uNkulunkulu, ngubani obumbile isithombe esibaziweyo esingesokusiza na? Bheka, bonke abangane bakhe bayakujabha, nezisebenzi zingabantu nje. Mabahlangane bonke, beme; bayakwesaba, bajabhe kanyekanye. Umkhandi wensimbi wenza imbazo, asebenze emalahleni, ayibumbe ngezando, ayisebenze ngamandla ezingalo zakhe; uyalamba, angabikho amandla; akaphuzi amanzi, uyadangala. Umbazi uyelula intambo, adwebe umuthi ngokubomvu, awenze ngezibazo, adwebe ngekompasi,* awenze ngomfanekiso womuntu, ngobuhle bomuntu, ukuba uhlale endlini. Uyazigawulela imisedari,* athathe imikhoba nama-oki,* awaqinise phakathi kwemithi yehlathi; uyatshala umfire,* imvula iwukhulise. Bese kuba ngokomuntu ukuba abase ngakho; uthatha kuwo, othe; uyawuphemba, enze isinkwa; wenza unkulunkulu, akhuleke kuye, enze nesithombe esibaziweyo, akhothambele kuso. Ushisa inxenye yawo emlilweni; phezu kwale nxenye uyadla inyama, ose izoso, asuthe; yebo, uyotha athi: “Halala! Sengifudumele, ngibonile umlilo.” Ngokuseleyo kuwo uyakwenza unkulunkulu nesithombe; uyakhothamela kuso, akhuleke kuso, athandaze kuso, athi: “Ngophule; ungunkulunkulu wami.” Abazi, abaqondi, ngokuba unamekile amehlo abo ukuze bangaboni, nezinhliziyo zabo ukuze bangaqondi. Akakho okhumbulayo, nokwazi nokuqonda akukho kokuba kuthiwe: “Ngishisile inxenye yawo ngomlilo, ngenzile isinkwa phezu kwamalahle awo, ngosile inyama, ngayidla; ngingenza okuseleyo kuwo kube yisinengiso, ngikhothamele umbhuku womuthi,” na? Udla umlotha; inhliziyo ekhohlisiweyo imdukisile; akanakophula umphefumulo wakhe nokuba athi: “Akukho yini amanga kwesokunene sami na?”
U-Isaya 44:9-20 Contemporary Zulu Bible 2024 (CZB24)
Abenza izithombe ezibaziweyo bayize; nezinto zabo ezimnandi ngeke zisize; futhi bangofakazi babo; ababoni futhi abazi; ukuze babe lenhloni. Ngubani owenze unkulunkulu noma obumbile isithombe esibaziweyo esingasizi lutho na? Bheka, bonke abangane bakhe bajabhile, nezisebenzi zingabantu; mabahlangane bonke, basukume; nokho bayakwesaba, bajabhe kanyekanye. Umkhandi wensimbi wenza amalahle ngodlawu, awasebenze ngezando, awasebenze ngamandla ezingalo zakhe; yebo, ulambile, namandla akhe anda; akaphuzi manzi udiniwe. Umbazi uyelula ukubusa kwakhe; uyimaketha ngomugqa; uyawulungisa ngezinga, awuthengise ngekhampasi, awenze ube nomfanekiso womuntu, njengobuhle bomuntu; ukuthi ingahlala endlini. Uyazigawulela imisedari, athathe umsayipuresi aziqinisela khona phakathi kwemithi yehlathi; utshala umlotha, imvula iyawunothisa. Khona-ke kuyakuba ngokomuntu ukuba ashise, ngokuba athathe kuwo, othe; yebo, uyabasa, abhake isinkwa; yebo, wenza unkulunkulu, akhuleke kuye; wenza umfanekiso obaziweyo ngawo, awele phezu kwawo. Ingxenye yawo uyishisa ngomlilo; ngenxenye yawo udla inyama; uyosa asuthe; yebo, uyotha, athi: “Ashila, ngiyafudumala, ngabona umlilo. Okuseleyo kuwo uwenza unkulunkulu, umfanekiso wakhe obaziweyo; aguqe phezu kwayo ayikhonze akhuleke kuyo athi: Ngikhulule! ngoba wena ungunkulunkulu wami. Kabazanga futhi kabaqedisisa, ngoba wayevale amehlo abo ukuze bangaboni; nezinhliziyo zabo, ukuze bangakwazi ukuqonda. Akakho ophakamisa enhliziyweni yakhe, kungekho kwazi nokuqonda ukuba athi: Ingxenye yawo ngiyishisile ngomlilo; yebo, ngabhaka isinkwa phezu kwamalahle alo; ngosiwe inyama, ngayidla, nensali yakhona ngiyenze isinengiso na? ngizowela esiqwini sesihlahla? Ukhuphula umlotha; inhliziyo ekhohlisayo imjikisile, ukuze angakwazi ukusindisa umphefumulo wakhe futhi angasho ukuthi: Akukho manga esandleni sami sokunene na?