KumaHeberu 7:11-28
KumaHeberu 7:11-28 Baasraak Zulu New Testament Bible (ZULUNT)
Ngakho-ke uma ukuphelela kwakukhona ngobupristi bukaLevi, ngokuba abantu bawemukela umthetho ngaphansi kwabo, kwakusaswelekelani ukuba kuvele omunye umpristi ngokokuma kukaMelkisedeki, angabizwa ngokokuma ka-Aroni na? Ngokuba uma ubupristi buguqulwa, kufanele ukuba nomthetho uguqulwe. Ngokuba lowo okukhulunywa ngaye lokho ungowesinye isizwe, okungekho muntu kuso owake wakhonza e-altare. Ngokuba kusobala ukuthi iNkosi yethu yavela kwaJuda; isizwe uMose angakhulumanga lutho ngaso ngobupristi. Kusesobala kakhulu ukuthi kuvele omunye umpristi ofana noMelkisedeki. ongenziwanga ngokomthetho womyalo wenyama, kodwa ngokwamandla okuphila okungenasiphelo. Ngokuba uyafakaza ngokuthi: “Wena ungumpristi kuze kube phakade ngokokuma kukaMelkisedeki. Ngokuba umthetho owandulelayo uyachithwa ngenxa yobuthakathaka nokungasizi kwawo. Ngokuba umthetho awuphelelisanga lutho, kepha kwangeniswa ithemba elingcono; esisondela ngayo kuNkulunkulu. Ngalokho-ke wenziwa umpristi ngaphandle kwesifungo; (Ngokuba labo abapristi benziwa ngaphandle kwesifungo, kodwa lokhu ngesifungo ngaye owathi kuye: INkosi yafunga, kayiyikuzisola: Wena ungumpristi kuze kube nininini ngokwendlela kaMelkisedeki;) Ngakho uJesu waba yisibambiso sesivumelwano esingcono. Futhi ngempela babebaningi abapristi, ngoba ukufa kwakunqatshelwe ukuqhubeka. Kepha yena, ngokuba ehlala phakade unobupristi obungenakuguquleka. Ngakho unamandla okusindisa ngokupheleleyo abeza kuNkulunkulu ngaye, lokhu ephilela njalo ukubakhulekela. Ngokuba umpristi omkhulu onjalo usifanele, ongcwele, ongenacala, ongenabala, owahlukanisiwe nezoni, ophakanyiswe ngaphezu kwamazulu; ongadingi insuku ngensuku njengabapristi abakhulu ukuthi anikele imihlatshelo kuqala ngezakhe izono, andukuba ezezabantu; Ngokuba umthetho umisa abantu abanobuthakathaka babe ngabapristi abakhulu; kepha izwi lesifungo, elalandela umthetho, limisa iNdodana engcwele kuze kube phakade.
KumaHeberu 7:11-28 IsiZulu 2020 (ZUL20)
Uma-ke ukuphelela kutholakala ngobuphristi bukaLevi ngokuba isizwe samiselwa bona ngomthetho, pho kusadingeke ngani ukuba kuvele omunye umphristi ngokokuma kukaMelkhizedeki, kungabi ngokohlelo luka-Aroni na? Ngokuba lapho kunoguquko ebuphristini, kuba nesidingo sokuba kuguqulwe nomthetho. Ngoba lowo okushiwo ngaye lokho, ungowesinye isizwe okungakaze kube khona muntu kuso owake wakhonza e-althare. Kusobala ukuthi iNkosi yethu ivele kuJuda, isizwe uMose angakhulumanga lutho ngaso mayelana nobuphristi. Kusobala kakhulu lokho, uma kumiswa omunye umphristi ofana noMelkhizedeki, ongamiswanga ngokomthetho womyalo wabantu, kodwa ngamandla okuphila okungabhubhiyo. Ngokuba kufakazwa ngaye ukuthi: “Wena ungumphristi kuze kube phakade, ngokokuma kukaMelkhizedeki.” Kukhona ngakolunye uhlangothi ukwesulwa komthetho wokuqala ngenxa yokuba ubuthakathaka, futhi ungasizi ngalutho, lokhu akukho okupheleliswe ngomthetho, yingakho-ke sesinikwe ithemba elingcono, okungalo sisondela kuNkulunkulu. Lokho akubanga ngenxa yokufunga, ngokuba laba babekwa baba ngabaphristi ngaphandle kokufunga, kepha yena wabekwa ngokufunga nguye owakhuluma kuye, ethi: “INkosi yafunga, ayiyukuzisola, yathi: ‘Wena ungumphristi kuze kube phakade.’ ” Kungenxa yalokho-ke uJesu waba yisiqinisekiso sesivumelwano esingcono. Kepha abaphristi bokuqala babebaningi, ngokuba bathiywa ngukufa ukuba baqhubeke njalo, kodwa uJesu Yena, ngenxa yokuthi uphila ingunaphakade, unobuphristi obungenakuguquka. Ngakho-ke unamandla okusindisa ngokupheleleyo laba abeza kuNkulunkulu ngaye, lokhu ephila ukuba abamele njalo. Ngokuba umphristi omkhulu onjengaye usifanele thina; ongcwele, ongenacala, ongenasici, owehlukanisiwe kwabayizoni, owenziwe waphakama phezu kwamazulu. Akadingi, njengabanye abaphristi abakhulu, ukuba imihla ngemihla anikele ngemihlatshelo ngenxa yezono zakhe kuqala, bese kuba ngenxa yezabantu, ngokuba wakwenza lokho kwaba kanye mhla ezinikela Yena. Ngokuba umthetho ubeka abantu abanobuthakathaka ngokwemvelo ukuba babe ngabaphristi abakhulu, kodwa izwi lesifungo elalandela umthetho libeka iNdodana ephelelisiwe, kuze kube phakade.
KumaHeberu 7:11-28 IBHAYIBHELI ELINGCWELE (ZUL59)
Uma-ke kwakukhona ukuphelela ngobupristi bukaLevi ngokuba isizwe samiselwa bona ngomthetho – kwakusaswelekelani ukuba kuvele omunye umpristi ngokukaMelkisedeki engabizwa ngokokuma kuka-Aroni na? Ngokuba uma ubupristi buguquliwe, kuyadingeka ukuba kuguqulwe nomthetho. Kepha lowo okushiwo lokho ngaye ungowesinye isizwe okungabanga bikho kuso umuntu owake wakhonza e-altare. Ngokuba kusobala ukuthi iNkosi yethu ivele kuJuda, isizwe uMose angakhulumanga lutho ngaso ngobupristi. Ikakhulu kusobala lokho, uma kumiswa omunye umpristi ofana noMelkisedeki, ongamiswanga ngomthetho womyalo wenyama kodwa ngamandla okuphila okungabhubhiyo. Ngokuba kufakazwa ngaye ukuthi: “Wena ungumpristi kuze kube phakade ngokokuma kukaMelkisedeki.” Ngokuba umthetho wokuqala uyachithwa ngenxa yobuthakathaka bawo nokungasizi kwawo, lokhu umthetho awuphelelisanga lutho, kepha sekungeniswa ithemba elingcono, esisondela ngalo kuNkulunkulu. Futhi ngalokho ukuthi akubanga ngaphandle kokufunga – ngokuba labo kambe babekwa babe ngabapristi ngaphandle kokufunga, kepha yena wabekwa ngokufunga nguye owasho kuye ukuthi: “INkosi yafunga, ayiyikuzisola, yathi: ‘Wena ungumpristi kuze kube phakade.’ ” Ngokungakho-ke uJesu waba yisiboniso sesivumelwano esingcono. Kulabo-ke baba baningi ababekwa babe ngabapristi, ngokuba bathiyeka ngenxa yokufa ukuba baqhube njalo; kepha yena, ngenxa yokuba ehlala phakade, unobupristi obungenakuguquka; ngakho-ke unamandla okusindisa ngokupheleleyo abeza kuNkulunkulu ngaye, lokhu ephilela njalo ukubamela. Ngokuba umpristi omkhulu onjalo usifanele thina, ongcwele, ongenacala, ongenabala, owahlukanisiwe nezoni, owenziwa aphakame phezu kwamazulu, ongadingi imihla ngemihla njengalabo bapristi abakhulu ukunikela ngemihlatshelo ngenxa yezakhe izono kuqala nangasemuva ngenxa yezabantu; ngokuba wenza lokho kanye mhla ezinikela yena. Ngokuba umthetho umisa abantu babe ngabapristi abakhulu abanobuthakathaka, kepha izwi lesifungo elalandela umthetho limisa iNdodana epheleliswe kuze kube phakade.
KumaHeberu 7:11-28 Contemporary Zulu Bible 2024 (CZB24)
Ngakho-ke uma ukuphelela kwakukhona ngobupristi bukaLevi, ngokuba abantu bawemukela umthetho ngaphansi kwabo, kwakusaswelekelani ukuba kuvele omunye umpristi ngokokuma kukaMelkisedeki, angabizwa ngokokuma ka-Aroni na? Ngokuba uma ubupristi buguqulwa, kufanele ukuba nomthetho uguqulwe. Ngokuba lowo okukhulunywa ngaye lokho ungowesinye isizwe, okungekho muntu kuso owake wakhonza e-altare. Ngokuba kusobala ukuthi iNkosi yethu yavela kwaJuda; isizwe uMose angakhulumanga lutho ngaso ngobupristi. Kusesobala kakhulu ukuthi kuvele omunye umpristi ofana noMelkisedeki. Ongenziwanga ngokomthetho womyalo wenyama, kodwa ngokwamandla okuphila okungenasiphelo. Ngokuba uyafakaza ngokuthi: “Wena ungumpristi kuze kube phakade ngokokuma kukaMelkisedeki. Ngokuba umthetho owandulelayo uyachithwa ngenxa yobuthakathaka nokungasizi kwawo. Ngokuba umthetho awuphelelisanga lutho, kepha kwangeniswa ithemba elingcono; esisondela ngayo kuNkulunkulu. Ngalokho-ke wenziwa umpristi ngaphandle kwesifungo; (Ngokuba labo abapristi benziwa ngaphandle kwesifungo, kodwa lokhu ngesifungo ngaye owathi kuye: INkosi yafunga, kayiyikuzisola: Wena ungumpristi kuze kube nininini ngokwendlela kaMelkisedeki;) Ngakho uJesu waba yisibambiso sesivumelwano esingcono. Futhi ngempela babebaningi abapristi, ngoba ukufa kwakunqatshelwe ukuqhubeka. Kepha yena, ngokuba ehlala phakade unobupristi obungenakuguquleka. Ngakho unamandla okusindisa ngokupheleleyo abeza kuNkulunkulu ngaye, lokhu ephilela njalo ukubakhulekela. Ngokuba umpristi omkhulu onjalo usifanele, ongcwele, ongenacala, ongenabala, owahlukanisiwe nezoni, ophakanyiswe ngaphezu kwamazulu; ongadingi insuku ngensuku njengabapristi abakhulu ukuthi anikele imihlatshelo kuqala ngezakhe izono, andukuba ezezabantu; Ngokuba umthetho umisa abantu abanobuthakathaka babe ngabapristi abakhulu; kepha izwi lesifungo, elalandela umthetho, limisa iNdodana engcwele kuze kube phakade.