UHabakuki 1:1-11
UHabakuki 1:1-11 IsiZulu 2020 (ZUL20)
Isiphrofetho esabonwa nguHabhakuki umphrofethi. Kuyoze kube nini Simakade ngikhalela usizo, ungezwa, ngikhala kuwe kalusizi, ungasindisi na? Kungani ungibonisa ububi, uthalalise ngenkathazo na? Imbubhiso nobudlova kuphambi kwami; kukhona ukulwa nombango okudlangile. Ngalokho-ke umthetho awusathi shu, nokwehlulela akusenziwa unomphelo, ngokuba omubi uhaqa olungileyo; ngenxa yalokho ubulungiswa buphuma buhlanekezelwe. Bhekani phakathi kwezizwe, nibuke, nishaqeke ngokumangala, ngokuba ngizakwenza isimanga ezinsukwini zenu eningayukusikholwa, lapho kulandwa ngaso. Ngokuba niyabona-ke, sengizakuvusa amaKhaledi, isizwe esinonya nesidlovayo, esidabula ebubanzini bomhlaba siyodla izindawo zokuhlala okungesizo ezaso. Siyethusa, siyesabeka; kuphuma kuso ukwehlulela kwaso nesithunzi saso. ukuthi yini elungileyo. Amahhashi aso agijima ukwedlula izingwe, eyesabeka kunamankentshane ebusuku; abagibeli bamahhashi aso bayagabadula, futhi bavela kude abagibeli bamahhashi aso, bandiza njengokhozi luphuthuma elizokudla. Sonke ngothi lwaso sitheleka ngendluzula, ubuso baso buqonde ngqo phambili; sibutha abathunjwa njengesihlabathi. Siklolodela amakhosi, ababusi bayinhlekisa kuso; sihleka zonke izinqaba, senze izindunduma ngomhlabathi, sidle izinqaba. Sidlula njengesiphepho, sidlulele phambili, kodwa sona sinecala, amandla aso angunkulunkulu waso.
UHabakuki 1:1-11 IBHAYIBHELI ELINGCWELE (ZUL59)
Isiprofetho owasibonayo uHabakuki umprofethi. Ngiyakukuncenga kuze kube nini, Jehova, ungezwa, ngikhala ngendluzula, ungasindisi, na? Ungiboniselani ububi, ungibhekise ukukhathazeka na? Ngokuba ukuchitheka nendluzula kuphambi kwami; kukhona ukulwa, ukuxabana kuyaqhamuka. Ngalokho umthetho uba buthakathaka, nokwahlulela akuphumi kuze kube nini, ngokuba omubi uhaqa olungileyo; ngalokho ukwahlulela kuphuma kuhlanekezelwe. “Bonani phakathi kwabezizwe, nibheke, nimangale nokumangala, ngokuba wenza isenzo ezinsukwini zenu eningayikukholwa yiso, lapho silandwa. Ngokuba bhekani, ngiyavusa amaKaledi, isizwe esibabayo nesiphulukundlelayo, esidabula ebubanzini bomhlaba ukuyokudla izindawo zokuhlala ezingeyizo ezaso. Siyethusa, siyesabeka; kuphuma kuso ukwahlulela kwaso nesithunzi saso. Amahhashi aso anejubane kunezingwe, anonya kunezimpisi zakusihlwa; abamahhashi baso bayaqinisela; yebo, bavela kude abamahhashi baso, bandiza njengokhozi oluphuthuma ukudla. Zonke zifikela indluzula, ubuso bazo bujonga phambili; zibutha abathunjwa njengesihlabathi. Yebo, sibhinqa amakhosi, nababusi balusulu kuso; sihleka zonke izinqaba, sinqwabela uthuli, sizithathe. Bese sikhukhula njengomoya, sidlule, sizitholele icala, sona esimandla aso angunkulunkulu waso.”
UHabakuki 1:1-11 Contemporary Zulu Bible 2024 (CZB24)
Isiprofetho esabonwa umprofethi uHabakuki. O Jehova, koze kube nini ngikhala, kodwa ungezwa! ngisho nakubizela ebudloveni, kodwa ngeke ukhulule! Kungani umemezela ububi bami futhi ungenze ngibone isikhalo? ngokuba impango nobudlova kuphambi kwami, futhi kukhona abavusa ukuxabana nokuxabana. Ngakho-ke umthetho uxegisiwe, nokwahlulelwa akuphumi; ngokuba ababi bahaqa olungileyo; ngakho-ke ukwahlulela okungalungile kuyaqhubeka. Bhekani phakathi kwabezizwe, nibone, nimangale ngokumangalisayo, ngokuba ngiyakwenza umsebenzi ezinsukwini zenu eningayikukholwa, noma niwutsheliwe. Ngokuba bhekani, ngiyakuvusa amaKaledi, isizwe esibabayo nesisheshayo, esidabula ububanzi bezwe, ukuba sidle izindawo zokuhlala ezingezona ezaso. Bayesabeka, besabeka; ukwahlulela kwabo nesithunzi sabo kuvela kubo. Amahhashi aso anejubane kunezingwe, anolaka kunezimpisi zasebusuku; bayondiza njengokhozi oludla ngokuphangisa. Bonke bayakuza ngobudlova; ubuso babo buyomunca njengomoya wasempumalanga, futhi bayobutha abadingisiwe njengesihlabathi. Bayoklolodela amakhosi, nezikhulu zibe yinhlekisa kubo; bayoklolodela zonke izinqaba; ngoba bayobutha uthuli futhi baluthathe. Khona-ke ingqondo yakhe iyoshintsha, futhi iyodlula futhi ithukuthele ngokubeka amandla akhe kunkulunkulu wayo.