UGenesise 43:15-34
UGenesise 43:15-34 IBHAYIBHELI ELINGCWELE (ZUL59)
Amadoda ayesethatha leso sipho nemali ephindwe kabili esandleni sawo kanye noBenjamini, asuka ehlela eGibithe, ema ebusweni bukaJosefa. UJosefa esembona uBenjamini enabo, wathi kophezu kwendlu yakhe: “Ngenisa lawa madoda endlini, uhlabe, ulungise, ngokuba lawa madoda ayakudla nami emini.” Lowo muntu wenza njengalokho eshilo uJosefa; inceku yawangenisa amadoda endlini kaJosefa. Amadoda esaba, ngokuba angeniswa endlini kaJosefa, athi: “Singeniswe lapha ngenxa yemali eyabuyiselwa emasakeni ethu kuqala ukuba asizume, asehlele, asenze izigqila kanye nezimbongolo zethu.” Asondela-ke encekwini yendlu kaJosefa, akhuluma kuyo ngasemnyango wendlu, athi: “O nkosi, ngempela safika kuqala ukuthenga ukudla. Kwathi sesifike endlini yezihambi, savula amasaka ethu; bheka, imali yalowo nalowo yayisemlonyeni wesaka lakhe, imali yethu ngokulinganiswa kwayo; sesiyibuyisile ngesandla sethu. Sehle nenye imali esandleni sethu ukuba sithenge ukudla; asazi ukuthi ngubani owayifaka imali yethu emasakeni ethu.” Yayisithi kubo: “Ukuthula makube kinina; ningesabi; uNkulunkulu wenu noNkulunkulu kayihlo uniphe igugu emasakeni enu; imali yenu ngayithola.” Yaphumisa uSimeyoni, yamletha kubo. Inceku yayisingenisa amadoda endlini kaJosefa, yawanika amanzi; ageza izinyawo zawo; yazipha izimbongolo zawo ukudla. Alungisela uJosefa isipho, ezofika emini, ngokuba ayezwile ukuthi ayakudla khona. UJosefa esefike ekhaya, ayisa kuye endlini isipho esasisesandleni sawo, akhothamela phansi kuye. Wabuza impilo yabo, wathi: “Usaphila uyihlo, ixhegu enanikhuluma ngalo, na? Usekhona na?” Bathi-ke: “Inceku yakho ubaba isaphila, isekhona.” Bamkhothamela, bamkhonza. Wayesephakamisa amehlo akhe, wambona uBenjamini umfowabo, indodana kanina, wathi: “Nguye lo ongumfowenu omncane enakhuluma ngaye kimi na?” Wathi: “UNkulunkulu makabe nomusa kuwe ndodana yami.” Wakhawuleza uJosefa, ngokuba ngaphakathi kwakhe kwavutha isihe ngomfowabo; wafuna lapho angakhala khona, wangena ekamelweni lakhe, wakhala khona. Wageza ubuso bakhe, waphuma; wazibamba, wathi: “Lethani ukudla.” Bambekela ukudla ngokwakhe, nalabo ngokwabo, nabaseGibithe abadla naye ngokwabo, lokhu abaseGibithe bangedle namaHeberu, ngokuba kuyanengeka kubo abaseGibithe. Bahlala phambi kwakhe, izibulo njengobuzibulo balo nomncane njengobuncane bakhe; abantu bamangala omunye nomunye. Wabathathela izabelo kulokho okwakuphambi kwakhe, kepha isabelo sikaBenjamini saphindwa kahlanu silinganiswa nesabo. Baphuza, bathokoza naye.
UGenesise 43:15-34 IsiZulu 2020 (ZUL20)
Amadoda ayesethatha isipho, nemali ephindwe kabili, noBhenjamini, asuka ehlela eGibhithe, aziveza kuJosefa. Kwathi ukuba uJosefa ambone uBhenjamini enabo, wathi enduneni eyayengamele indlu yakhe: “Ngenisa lawa madoda endlini, uhlabe, ulungise, ngokuba azodla nami emini.” Indoda yenza njengoba uJosefa eshilo, yabangenisa endlini yakhe. Bafikelwa yingebhe lapho bebona ukuthi bangeniswe endlini kaJosefa, bathi: “Kungenxa yemali eyabuyiselwa emasakeni ethu ekuqaleni, ngakho-ke silethwe kule ndawo ukuze asizume, asithathe asenze izigqila, aqhwage nezimbongolo zethu.” Base beya enduneni eyayiphethe endlini kaJosefa eyayingasemnyango, bakhuluma nayo, bathi: “Mnumzane, sicela uxolo. Safika lapha ekuqaleni sizothenga ukudla. Kuthe lapho sesifike endlini yezihambi, sathi sivula amasaka ethu, kwaba yilowo nalowo wakhangwa yimali isemlonyeni wesaka lakhe, iphelele njengoba sasiyikhokhile, kodwa nansi ezandleni zethu siyibuyisile. Sibuye saphatha nenye ukuze sithenge ngayo ukudla, ngokuba asazi ukuthi ngubani owafaka imali yethu emasakeni ethu.” Yathi kubo: “Khululekani, ningesabi. UNkulunkulu wenu, uNkulunkulu kayihlo waninika umcebo emasakeni enu. Imali enathenga ngayo ngayithola.” Yayisimkhipha ejele uSimeyoni, yamletha kubo. Induna yayisiwangenisa lawo madoda endlini kaJosefa, yawanika amanzi ukuze ageze izinyawo, yanika nezimbongolo zawo ifolishi. Ayeselungisa isipho, alungela ukufika kukaJosefa emini, ngoba ayezwile ukuthi azodla lapho. Kwathi lapho uJosefa efika ekhaya, amadoda ethula isipho ayefike naso, aguqa ayesethi mbo ngobuso emhlabathini. Wawabuza impilo wathi: “Iphila kanjani indoda endala enguyihlo enangitshela ngayo na? Isawadla yini anhlamvana na?” Bathi: “Inceku yakho ubaba ukhona, usaphila.” Baphinda bamkhothamela, bamkhulekela. Waphakamisa amehlo, wabona umfowabo uBhenjamini, abashiyelana naye ibele, wathi: “Nguye lo umfowenu omncane enangitshela ngaye na?” Wathi kuBhenjamini: “Sengathi uNkulunkulu angaba nomusa kuwe ndodana yami.” UJosefa wathinteka kakhulu enhliziyweni yakhe lapho ebona umnawakhe, waphuma masinyane, wafuna indawo lapho angase akhale khona. Waya endlini yakhe, wakhala lapho. Wageza ubuso, waphuma, waziqinisa wathi: “Phakani ukudla.” Bamphakela yedwa, base bebaphakela nabo kanjalo, nabaseGibhithe ababedla naye babaphakela ngokwabo, lokhu abaseGibhithe babengeke badle namaHebheru, ngokuba kwakuyisinengiso kubo. Bahlaliswa phambi kwakhe ngokwelamana kwabo, izibulo ngobuzibulo balo, nomncane ngobuncane bakhe; abafowabo babhekana ngokumangala. Baphakelwa izabelo zabo etafuleni likaJosefa, kodwa esikaBhenjamini sasiphindwe kahlanu kunezabanye. Baphuza, bathokoza naye.
UGenesise 43:15-34 Contemporary Zulu Bible 2024 (CZB24)
Amadoda asethatha leso sipho, aphatha esandleni sawo imali ephindwe kabili, noBenjamini; wasukuma, wehlela eGibithe, wema phambi kukaJosefa. UJosefa ebona uBenjamini enabo, wathi enduneni yendlu yakhe: “Buyisela lawa madoda ekhaya, uwabulale, uzilungise; ngoba lamadoda azakudla lami emini. Indoda yenza njengokuyala kukaJosefa; indoda yawangenisa amadoda endlini kaJosefa. Amadoda esaba, ngokuba angeniswa endlini kaJosefa; bathi: Ngenxa yemali eqale yabuyiselwa emaphaketheni ethu, sangeniswa; ukuze afune ithuba ngokumelene nathi futhi asehlele futhi asithathe njengezigqila nezimbongolo zethu. Asondela kumlindi wendlu kaJosefa, akhuluma kuye ngasemnyango wendlu; bathi: “O, Nkosi, sehla okokuqala ukuzothenga ukudla.” Lapho sifika endlini yezihambi, savula izikhwama zethu, bheka, imali yalowo nalowo yayisemlonyeni wesikhwama sakhe, imali yethu ngesisindo sayo; futhi sayibuyisela esandleni sethu. Saletha enye imali esandleni sethu ukuba sithenge ukudla; ngeke sazi ukuthi ubani owafaka imali yethu emaphaketheni ethu. Wathi: “Ukuthula makube kinina, ningesabi; uNkulunkulu wenu noNkulunkulu kayihlo uninikile ingcebo emaphaketheni enu; Benginayo imali yakho. Wamkhiphela uSimeyoni. Indoda yawangenisa amadoda endlini kaJosefa, yawanika amanzi, ageza izinyawo zawo; wazinika izimbongolo zabo ifolishi. Basebelungisela uJosefa isipho, owafika emini, ngoba bezwile ukuthi bazakudla khona isinkwa. UJosefa esengenile endlini, amngenisa endlini isipho esasisesandleni sawo, akhothamela phansi phambi kwakhe. Wababuza ukuphila kwabo, wathi: “Uyihlo, ixhegu enakhuluma ngalo, wenza kahle na? Usaphila? Bathi: “Inceku yakho ubaba iphilile, isekhona; Bagebisa amakhanda abo, bakhuleka. Waphakamisa amehlo akhe, wabona uBenjamini umfowabo, indodana kanina, wathi: “Lo ungumfowenu omncane enakhuluma ngaye kimi na?” Wathi: “UNkulunkulu makakuhawukele, ndodana yami! UJosefa washesha; ngoba izibilini zakhe zinxanela umfowabo, wadinga lapho angakhala khona; wangena ekamelweni lakhe, wakhala khona. Wageza ubuso bakhe, waphuma wazibamba, wathi: “Beka isinkwa.” Basebemlungisela yena yedwa, eyedwa, labaseGibhithe ababedla laye, bodwa, ngoba amaGibhithe ayengelakudla isinkwa lamaHebheru; ngoba kuyisinengiso kwabaseGibhithe. Bahlala phambi kwakhe, izibulo njengobuzibulo balo, omncane njengobuncane bakhe; amadoda amangala wodwa. Wabathatha, wabathuma basuka phambi kwakhe; kepha ukudla kukaBenjamini kwaba ngokuphindwe kahlanu kunabo bonke. Baphuza, bajabula naye.