UGenesise 18:16-33
UGenesise 18:16-33 IsiZulu 2020 (ZUL20)
Lawo madoda asukuma ahamba alibhekisa eSodoma, u-Abhrahama wawaphelezela. USimakade wathi: “Ngimfihlele yini u-Abhrahama engikuhlosile na? Ngeke ngimfihlele, njengalokhu u-Abhrahama ezokuba yisizwe esikhulu nesinamandla, nezizwe zonke zomhlaba zibusiseke ngaye, futhi ngimqokile ukuba afundise abantwana bakhe nabendlu yakhe, ukuba bagcine umyalo kaSimakade ngokwenza ukulunga nobulungiswa, ukuze uSimakade akufeze lokho amethembise khona.” USimakade wamtshela u-Abhrahama wathi: “Isikhalo ngeSodoma neGomora sesisikhulu kakhulu, nezono zabo zimbi kakhulu. Ngakho-ke ngizokwehlela khona ukuba ngibone ukuthi ngempela benze njengokwesikhalo esesifike kimi yini, uma kungenjalo, ngiyokwazi.” Lawo madoda awufulathela umuzi ka-Abhrahama, alibangisa eSodoma, kodwa u-Abhrahama wasala emi phambi kukaSimakade. U-Abhrahama wasondela kuye wathi: “Ngabe uzoqotha imbokodo nesisekelo yini kwabalungileyo nababi na? Kungenzeka kube khona abalungileyo abangama-50 kulo muzi. Ngabe uzowuqothula wonke umuzi ungawuyeki ngenxa yabalungileyo abangama-50 abakuwo na? Impela mazingafi ngamvunye, abalungileyo nababi. Makube kude nawe ukwenza into efana naleyo. UMehluleli womhlaba wonke angakwenza kanjani okungalungile na?” USimakade wathi: “Uma ngithola abangama-50 abalungileyo emzini waseSodoma, ngiyakuyiyeka indawo ngingayibhubhisi ngenxa yabo.” U-Abhrahama waphendula wathi: “Njengalokhu sengize ngazidela ngakhuluma eNkosini yize ngiwuthuli nomlotha nje, uma kwenzeka laba abangama-50 abalungileyo behle ngabahlanu, usengawubhubhisa yini wonke umuzi ngenxa yabahlanu ababi na?” USimakade wathi: “Uma ngithola abangama-45 angiyukuwubhubhisa.” U-Abhrahama waqhubeka wathi: “Mhlawumbe kwenzeke kutholakale abangama-40.” Wathi kuye: “Ngenxa yabangama-40 angiyukuwubhubhisa.” Wayesethi: “Ngicela iNkosi ingangithukutheleli kengiphawule. Mhlawumbe kwenzeke kutholakale abangama-30.” Yaphendula yathi: “Angiyukuwubhubhisa uma ngithola abangama-30.” U-Abhrahama wathi: “Njengoba sengizidelile ngakhuluma nawe Nkosi, mhlawumbe kwenzeke kutholakale abangama-20.” Yaphendula yathi: “Ngenxa yabangama-20 angiyukuwubhubhisa.” Wayesethi: “Ngicela Nkosi ungangicasukeli, ngiphawule okokugcina. Mhlawumbe kwenzeke kutholakale lapho abalishumi.” Yaphendula yathi: “Ngenxa yabalishumi angiyukuwubhubhisa.” Kwathi ukuba uSimakade aqede ukukhuluma no-Abhrahama, behlukana, u-Abhrahama waphindela ekhaya.
UGenesise 18:16-33 IBHAYIBHELI ELINGCWELE (ZUL59)
Amadoda asuka lapho, abheka ngaseSodoma; u-Abrahama wahamba nawo ewaphelekezela. UJehova wathi: “Ngingamfihlela u-Abrahama lokho engizakukwenza na? U-Abrahama uyakuba yisizwe esikhulu, esinamandla; ziyakubusiswa kuyena izizwe zonke zomhlaba. Ngokuba ngimkhethele ukuba ayale abantwana bakhe nendlu yakhe emva kwakhe ukugcina indlela kaJehova nokusebenza ukulunga nokwahlulela, ukuze uJehova amenzele u-Abrahama lokho amthembise khona.” UJehova wathi: “Isikhalo saseSodoma nesaseGomora sikhulu, nezono zabo zinzima impela. Ngalokho ngiyakwehla, ngibone ukuba benzile impela konke njengokwesikhalo esesifikile kimi; uma kungenjalo, ngiyakukwazi.” Ayesefulathela lapho amadoda, aya ngaseSodoma, kepha u-Abrahama wayesemi ebusweni bukaJehova. U-Abrahama wasondela, wathi: “Uyakubhubhisa olungileyo kanye nomubi na? Mhlawumbe kukhona abalungileyo abangamashumi ayisihlanu phakathi komuzi; imbala uyakuyibhubhisa, ungayiyeki indawo ngenxa yabalungileyo abangamashumi ayisihlanu abakuyo na? Makube kude nawe ukwenza ngale ndlela, ukubulala olungileyo kanye nomubi, olungileyo abe njengomubi; lokhu makube kude nawe; umahluleli womhlaba wonke ubengayikwenza ukulunga na?” UJehova wathi: “Uma ngifumana eSodoma abalungileyo abangamashumi ayisihlanu phakathi komuzi, ngiyakuyekela indawo yonke ngenxa yabo.” Kepha u-Abrahama waphendula wathi: “Bheka, sengiqalile ukukhuluma eNkosini, mina engiluthuli nomlotha. Mhlawumbe kuyakusweleka abayisihlanu kubo abalungileyo abangamashumi ayisihlanu; ubuyakubhubhisa wonke umuzi ngenxa yalabo abayisihlanu na?” Wathi: “Angiyikuwubhubhisa, uma ngifumana khona abangamashumi amane nanhlanu.” Kepha wabuye wakhuluma kuye, wathi: “Mhlawumbe kungafunyaniswa khona abangamashumi amane.” Wathi: “Angiyikukwenza ngenxa yabangamashumi amane.” Wayesethi: “Mayingathukutheli iNkosi ukuthi ngisakhuluma. Mhlawumbe kungafunyaniswa khona abangamashumi amathathu.” Wathi: “Angiyikukwenza, uma ngifumana abangamashumi amathathu lapho.” Kepha wathi: “Bheka, ngiqalile ukukhuluma neNkosi. Mhlawumbe kungatholakala abangamashumi amabili khona.” Wathi: “Angiyikuwubhubhisa ngenxa yabangamashumi amabili.” Wayesethi: “Mayingathukutheli iNkosi ukuthi ngisakhuluma kanye nje. Mhlawumbe kungafunyanwa abayishumi khona.” Wathi: “Angiyikuwubhubhisa ngenxa yalabo abayishumi.” UJehova wasuka, nxa eseqedile ukukhuluma no-Abrahama; u-Abrahama wabuyela endaweni yakhe.
UGenesise 18:16-33 Contemporary Zulu Bible 2024 (CZB24)
Amadoda asuka lapho abheka ngaseSodoma; u-Abrahama wahamba nawo ukuba awangenise endleleni. INkosi yasisithi: Ngifihlele uAbrahama engikwenzayo yini? Bhekani ukuthi u-Abrahama uyakuba yisizwe esikhulu nesinamandla, nezizwe zonke zomhlaba ziyobusiswa ngaye? Ngokuba ngiyamazi, ukuze ayale abantwana bakhe nendlu yakhe emva kwakhe, bagcine indlela yeNkosi, benze ukulunga nokulunga; ukuze uJehova amehlisele u-Abrahama lokho ekushilo ngaye. INkosi yasisithi: Ngoba isililo seSodoma leGomora sikhulu, langoba isono sabo sinzima kakhulu; Manje ngizokwehla ngibone uma benzile ngokuphelele ngokuvumelana nokukhala kwalokho okwafika kimi; futhi uma kungenjalo, ngizokwazi. Amadoda afulathela lapho, aya eSodoma, kepha u-Abrahama wayemi phambi kukaJehova. U-Abrahama wasondela, wathi: “Niyakubhubhisa olungileyo kanye nomubi na?” Mhlawumbe kukhona abalungileyo abangamashumi amahlanu emzini; uyakuyichitha indawo, ungahawukeli abalungileyo abangamashumi ayisihlanu abakuyo na? Makube kude nawe ukwenza kanjalo, ukubulala olungileyo kanye nomubi, nokuba olungileyo abe njengomubi, okude nawe; umahluleli womhlaba wonke akayikwenza ubulungisa na? Yathi iNkosi: “Uma eSodoma ngifumana abalungileyo abangamashumi ayisihlanu emzini, ngiyakuhawukela yonke indawo ngenxa yabo.” U-Abrahama waphendula, wathi: “Bheka, nginqume ukukhuluma neNkosi, eluthuli nomlotha.” Mhlawumbe kuyakusweleka abahlanu kwabalungileyo abangamashumi amahlanu; Uzachitha umuzi wonke ngenxa yokuswela ezinhlanu? Wathi: “Uma ngifumana khona abangamashumi amane nanhlanu, angiyikubabhubhisa.” Wabuye wakhuluma kuye, wathi: “Mhlawumbe kuyakutholwa abangamashumi amane.” Wathi: “Angiyikukwenza ngenxa yamashumi amane.” Wathi kuye: “Mayingathukutheli iNkosi, mina-ke ngiyakukhuluma: Mhlawumbe kungafunyanwa abangamashumi amathathu.” Wathi: “Angiyikukwenza uma ngithola amashumi amathathu.” Wathi: “Bheka-ke, ngibeke phezu kwami ukukhuluma neNkosi: Mhlawumbe kuyotholwa abangamashumi amabili.” Wathi: “Angiyikuwubhubhisa ngenxa yabangamashumi amabili.” Wathi: “INkosi mayingathukutheli, ngisakhuluma kanye nje: Mhlawumbe kungafunyanwa abayishumi khona.” Wathi: “Angiyikuwubhubhisa ngenxa yabayishumi.” INkosi yasihamba indlela yayo, isiqedile ukukhuluma loAbrahama; uAbrahama wasebuyela endaweni yakhe.