U-Eksodusi 17:8-16
U-Eksodusi 17:8-16 IsiZulu 2020 (ZUL20)
Ama-Amaleki aphuma alwa nabakwa-Israyeli eRefidimi. UMose wathi kuJoshuwa: “Sikhethele amadoda, uphume uyokulwa nama-Amaleki. Mina ngizobe ngimi esiqongweni sentaba, ngiphethe induku kaNkulunkulu esandleni.” UJoshuwa wenza njengalokhu uMose eshilo kuye, walwa nama-Amaleki, ngesikhathi uMose, u-Aroni, noHure bekhuphukela esiqongweni sentaba. Noma nini lapho isandla sikaMose siphakeme, u-Israyeli wayenqoba, kodwa uma esehlisa esiphumuza, kunqobe ama-Amaleki. Kodwa izandla zikaMose zase zikhathele, ngakho-ke bathatha itshe balibeka phansi kwakhe, wahlala kulo. U-Aroni noHure baphakamisa izandla zakhe, omunye kuleli cala nomunye kwelinye icala, izandla zama kanjalo ziqinile laze lashona ilanga. UJoshuwa wanqoba u-Ameleki nabantu bakhe ngenkemba. USimakade wathi kuMose: “Kulobe lokhu encwadini kube yisikhumbuzo, ukutshele uJoshuwa ngokuba ngizowabhubhisa aphele nya ama-Amaleki phansi kwezulu, angabe esakhunjulwa nhlobo.” UMose wakha i-althare, waliqamba ngokuthi: “uSimakade Nisi”. Wayesethi: “Isandla sisesihlalweni sikaSimakade! USimakade uyakulwa nama-Amaleki izizukulwane ngezizukulwane.”
U-Eksodusi 17:8-16 IBHAYIBHELI ELINGCWELE (ZUL59)
Kwase kufika u-Amaleki, walwa no-Israyeli eRefidimi. UMose wathi kuJoshuwa: “Sikhethele amadoda, uphume ulwe no-Amaleki; kusasa ngizakuma esiqongweni sentaba, induku kaNkulunkulu isesandleni sami.” UJoshuwa wenze njalo, njengalokho uMose eshilo kuye, walwa no-Amaleki; oMose, no-Aroni, noHure bakhuphukela esiqongweni sentaba. Kwathi uMose esephakamisile isandla sakhe, u-Israyeli wahlula, kepha nxa esehlisa, u-Amaleki wahlula. Kodwa izandla zikaMose zaba nzima; bathatha itshe, walibeka phambi kwakhe, wahlala kulo; o-Aroni noHure basekela izandla zakhe, omunye engalapha, omunye engalapha; zase zihlala ziqinile izandla zakhe laze lashona ilanga. UJoshuwa wamchitha u-Amaleki nabantu bakhe ngosiko lwenkemba. UJehova wathi kuMose: “Kulobe lokhu kube yisikhumbuzo encwadini, ukubeke ezindlebeni zikaJoshuwa ukuthi ngizakuqothula ukukhunjulwa kuka-Amaleki phansi kwezulu.” UMose walakha i-altare, waliqamba igama lokuthi iJehova-Nisi. Wathi: “Isandla singasesihlalweni sobukhosi sikaJehova sokuthi uJehova uyakulwa no-Amaleki izizukulwane ngezizukulwane.”
U-Eksodusi 17:8-16 Contemporary Zulu Bible 2024 (CZB24)
U-Amaleki weza walwa no-Israyeli eRafidimi. UMose wayesethi kuJoshuwa: “Sikhethele amadoda, uphume ulwe no-Amaleki; kusasa ngiyakuma esiqongweni sentaba, induku kaNkulunkulu isesandleni sami. UJoshuwa wenza njengalokho uMose emyalile, walwa no-Amaleki; oMose, no-Aroni, noHure bakhuphukela esiqongweni sentaba. Lapho uMose ephakamisa isandla sakhe, u-Israyeli wahlula; lapho esehlisa, u-Amaleki wahlula. Kodwa izandla zikaMose zazinzima; bathatha itshe, balibeka phansi kwakhe, wahlala phezu kwalo; o-Aroni noHure baphakamisa izandla zakhe, omunye ngalapha, omunye engalapha; izandla zakhe zaziqinile laze lashona ilanga. UJoshuwa wasanganisa u-Amaleki nabantu bakhe ngobukhali benkemba. INkosi yasisithi kuMozisi: Kubhale egwalweni kube yisikhumbuzo, ukuphindaphinde endlebeni zikaJoshuwa, ngoba ngizacima ngokupheleleyo isikhumbuzo sikaAmaleki ngaphansi kwezulu. UMose walakha i-altare, walibiza ngokuthi uJehova-Nisi. Wathi: “Ngokuba uJehova ufungile ukuthi uJehova uyakulwa no-Amaleki izizukulwane ngezizukulwane.”