U-Esteri 5:1-9
U-Esteri 5:1-9 Contemporary Zulu Bible 2024 (CZB24)
Kwathi ngosuku lwesithathu u-Esteri wembatha ingubo yakhe yobukhosi, wema egcekeni elingaphakathi lendlu yenkosi malungana nendlu yenkosi; inkosi yahlala esihlalweni sayo sobukhosi endlini yenkosi malungana nesango lendlu. Lapho inkosi ibona u-Esteri indlovukazi emi egcekeni, wazuza umusa emehlweni ayo; inkosi yelulela u-Esteri intonga yegolide eyayisesandleni sayo. Khona-ke u-Esteri wasondela wathinta isihloko sentonga yobukhosi. Inkosi yasisithi kuye: Ufunani, ndlovukazi Esta? futhi siyini isicelo sakho? uyakunikwa kuze kube yingxenye yombuso. U-Esteri wathi: “Uma kukuhle emehlweni enkosi, makeze inkosi noHamani namuhla esidlweni engiyilungisele yona.” Inkosi yasisithi: UHamani kaphangise, ukuze enze njengokutsho kukaEsta. Inkosi noHamani base befika esidlweni u-Esteri ayesilungisile. Inkosi yasisithi kuEsta edilini lewayini: Uyini umkhuleko wakho? Futhi siyini isicelo sakho? kuyakufezwa engxenyeni yombuso. U-Esteri waphendula wathi: “Isicelo sami nesicelo sami yilokhu; Uma ngifumene umusa emehlweni enkosi, futhi uma kukuhle enkosini ukunginika umkhuleko wami nokugcwalisa isicelo sami, inkosi noHamani mabeze esidlweni engibalungisele sona, futhi kusasa ngizobalungiselela. Yenza njengokusho kwenkosi. Khona-ke uHamani waphuma ngalolo suku ejabula futhi enenhliziyo ejabulayo, kodwa lapho uHamani ebona uMoridekayi esangweni lenkosi ukuthi akasukumanga futhi akazange athuthumele ngenxa yakhe, uHamani wagcwala ulaka ngoMoridekayi.
U-Esteri 5:1-9 IsiZulu 2020 (ZUL20)
Kwathi ngosuku lwesithathu, u-Esteri wagqoka ingubo yobundlovukazi, wema egcekeni lesigodlo senkosi elingaphakathi, eliqondene nendlu yenkosi. Inkosi yayihleli esihlalweni sayo sobukhosi, iqondene nesango elingenela esigodlweni. Ithe ukuba inkosi ibone indlovukazi u-Esteri imi egcekeni, yaba nomusa kuyo. Yayikhomba ngentonga yegolide eyayiyiphethe ngesandla. U-Esteri waya kuyo, wathinta isihloko sentonga yobukhosi. Inkosi yathi kuye: “Kwenzenjani, ndlovukazi Esteri na? Ukhala ngani? Noma yini oyicelayo, ngisho kungaba yingxenye yombuso, uyoyinikwa.” U-Esteri wathi: “Uma kukuhle enkosini, mayize inkosi noHamani namuhla edilini engiyilungisele lona.” Inkosi yathi: “Phuthumani nibize uHamani ukuze sikwazi ukwenza lokho okucelwe ngu-Esteri.” Inkosi noHamani base beya edilini elalilungiswe ngu-Esteri. Besaphuza iwayini, inkosi yathi ku-Esteri: “Ucelani na? Uzoyenzelwa. Ukhala ngani? Ngisho ingxenye yombuso uyoyinikwa.” U-Esteri wayesephendula wathi: “Nasi isicelo sami nengikunxusayo: uma ngingathola umusa kuwe nkosi, ungenzele engikucelayo nengikunxusayo, makuthi inkosi noHamani beze kusasa edilini engizobe ngibalungisele lona, ngizobe sengenza njengokusho kwenkosi.” UHamani waphuma esigodlweni ejabule, umoya wakhe uthe cosololo ngalolo lusuku, kodwa kuthe lapho ebona uMoridekhayi esangweni lesigodlo, engamsukumeli noma athuthumele lapho embona, wagcwala intukuthelo, ethukuthelela uMoridekhayi
U-Esteri 5:1-9 IBHAYIBHELI ELINGCWELE (ZUL59)
Kwathi ngosuku lwesithathu u-Esteri wembatha ingubo yobukhosi, wema egcekeni elingaphakathi lendlu yenkosi malungana nendlu yenkosi; inkosi yayihlezi esihlalweni sayo sobukhosi endlini yobukhosi malungana nomnyango wendlu. Kwathi lapho inkosi ibona u-Esteri inkosikazi emi egcekeni, wafumana umusa emehlweni ayo; inkosi yamelulela u-Esteri intonga yegolide esesandleni sayo. Wayesesondela u-Esteri, wasithinta isihloko sentonga. Yayisithi inkosi kuye: “Ukhala ngani, nkosikazi Esteri, na? Yini oyifunayo na? Uyakunikwa kuze kube nenxenye yombuso.” Wathi u-Esteri: “Uma kukuhle enkosini, inkosi noHamani mabeze namuhla edilini engiyilungisele lona.” Yathi inkosi: “Msheshiseni uHamani ukuba kwenziwe njengezwi lika-Esteri.” Base beya inkosi noHamani edilini alilungisileyo u-Esteri. Inkosi yathi ku-Esteri ngasedilini lewayini: “Isicelo sakho siyini na? Uyakusenzelwa. Yini oyifunayo na? Kuyakwenziwa kuze kube nenxenye yombuso.” Wayesephendula u-Esteri, ethi: “Isicelo sami nengikufunayo nakhu: Uma ngifumene umusa emehlweni enkosi noma kukuhle enkosini ukunginika lokho engikucelayo nokwenza lokho engikufunayo, makuze inkosi noHamani edilini engiyakubalungisela lona; ngiyakwenza kusasa njengezwi lenkosi.” UHamani waphuma khona ngalolo suku, ethokoza enenhliziyo enhle; kepha lapho uHamani embona uMoridekayi esangweni lenkosi ukuthi akasukumanga, kanyakazanga ngaye, uHamani wagcwala ulaka ngoMoridekayi.