IzEnzo 25:1-22
IzEnzo 25:1-22 IsiZulu 2020 (ZUL20)
Kwathi uFestu esefikile esifundeni, emva kwezinsuku ezintathu, wasuka eKhesariya, wakhuphukela eJerusalema. Abaphristi abakhulu nezikhulu zabaJuda bamchazela ngoPawula. Bamncenga, becela umusa kuye ukuba ambizele eJerusalema uPawula; base bakhe uzungu lokumbulala endleleni. Kepha uFestu wabaphendula ngokuthi uPawula njengoba egcinwe eKhesariya nje, naye usazobuyela khona lapho ngokushesha. Wayesethi: “Makwehle kanye nami izikhulu phakathi kwenu, uma kukhona utho olubi elwenzileyo le ndoda, aziyimangalele.” Esehlalile nabo izinsuku ezingaphezu kweziyisishiyagalombili noma ezilishumi, wehlela eKhesariya. Ngakusasa wahlala esihlalweni sokwehlulela, wayaleza ukuba uPawula alethwe kuye. Esefikile, abaJuda ababehle bevela eJerusalema bema bemngungile, bambeka uxhaxha lwamacala anzima abangenabufakazi bawo. UPawula eziphendulela, wathi: “Angonanga ngalutho emthethweni wabaJuda, nasethempelini, nakuKhesari.” Kepha uFestu ethanda ukubongwa ngabaJuda, wamphendula uPawula, wathi: “Uyathanda yini ukwenyukela eJerusalema, wehlulelwe khona phambi kwami ngalezi zinto, na?” UPawula wayesethi: “Ngimi phambi kwesihlalo sokwehlulela sikaKhesari, lapho kumele ngehlulelwe khona. Akukho okubi engikwenze kubaJuda njengalokhu nawe wazi kahle. Uma ngenzile utho olubi olufanele ukufa, mangife, angenqabi, kodwa nxa kungekho utho olunjalo kulokhu laba abangimangalela ngakho, akekho-ke onganginikela kubo. Ngilidlulisela kuKhesari.” Ngakho-ke uFestu esekhulumile nomphakathi, waphendula wathi: “Ulidlulisele kuKhesari, uzokuya kuKhesari.” Kuthe sekwedlule izinsuku ezithile, u-Agripha inkosi, noBhernisi bafika eKhesariya ukuyobingelela uFestu. Bahlala khona izinsuku eziningi; uFestu walubeka ezithebeni phambi kwenkosi udaba lukaPawula, wathi: “Kunendoda ethile eyisiboshwa eyashiywa nguFelikisi, okwathi ngiseJerusalema, abaphristi abakhulu namalunga abaJuda bangibikela ngayo becela ukuba ilahlwe ngecala. Ngabaphendula ngathi akusiwo umkhuba wamaRoma ukudlulisa umuntu omangalelwe engakamiswa phambi kwabammangaleleyo, athole ithuba lokuziphendulela ngecala amangalelwe ngalo. Ngakho-ke sebebuthene lapha, angipholisanga maseko, ngahlala esihlalweni sokwehlulela ngakusasa. Ngayaleza ukuba le ndoda ilethwe, basukuma-ke, abayimangalelanga ngacala engangilindele ukuthi bazolisho. Kepha babenokuphikisana ngokuthile mayelana nenkolo yakubo nangomuntu othile, uJesu owafayo, athi ngaye uPawula uyaphila. Kepha mina njengoba ngingaziqondi lezi zinto, ngabuza ukuthi uyafuna yini ukuya eJerusalema ayobhekana namacala abekwe wona lapho. Kepha uPawula eseledlulisile icala wacela ukuba agcinwe lize lithethwe yinkosi enkulu, ngayala ukuba agcinwe ngize ngimthumele kuKhesari.” U-Agripha wathi kuFestu; “Nami ngiyathanda ukumuzwa lo muntu.” Wathi: “Uzomuzwa kusasa.”
IzEnzo 25:1-22 IBHAYIBHELI ELINGCWELE (ZUL59)
Kwathi uFestu engenile esikhundleni, wasuka eKesariya emva kwezinsuku ezintathu, wenyukela eJerusalema; abapristi abakhulu nezikhulu zabaJuda base bemangalela uPawulu kuye, bamncenga, bazicelela umusa ngaye wokuba ambizele eJerusalema, becebile ukumqamekela ukuba bambulale endleleni. Kepha uFestu waphendula ngokuthi uPawulu ugcinwe eKesariya nokuthi naye usezakuya khona masinyane; wathi: “Izikhulu phakathi kwenu azehle nami; uma kukhona utho olubi kuleyo ndoda, aziyimangalele.” Kwathi esehlale nabo izinsuku ezingaphezu kweziyisishiyagalombili nokuba eziyishumi, wehlela eKesariya; ngangomuso wahlala esihlalweni sokwahlulela, wayala ukuba uPawulu alethwe. Esefikile yena, abaJuda ababehlile eJerusalema bema bemhaqile, bembeka amacala amaningi anzima, abangenakuwaqinisa, lapho uPawulu eziphendulela ngokuthi: “Angonanga ngalutho nasemthethweni wabaJuda, nasethempelini, nakuKesari.” Kepha uFestu ethanda ukubongwa ngabaJuda, wamphendula uPawulu, wathi: “Uyathanda yini ukwenyukela eJerusalema, wahlulelwe khona phambi kwami ngalezi zinto, na?” UPawulu wayesethi: “Ngimi phambi kwesihlalo sokwahlulela sikaKesari, lapho ngimelwe ukwahlulelwa khona. Angenzanga okungalungile kubaJuda njengalokhu nawe wazi kahle. Kepha uma ngonile ngenza utho olufanele ukufa, angali ukufa; kodwa uma kungekho lutho lwalokho laba abangimangalela ngakho, akakho onganginikela kubo. Ngilidlulisela kuKesari.” Khona uFestu esekhulumile nomphakathi waphendula wathi: “Ulidlulisele kuKesari, uzakuya kuKesari.” Kwathi sekudlule izinsuku ezithile, u-Agripha inkosi, noBernike behlela eKesariya ukuyobingelela uFestu. Sebehlezi khona izinsuku eziningi, uFestu weneka phambi kwenkosi indaba kaPawulu, wathi: “Kukhona indoda ethile eyashiywa nguFeliksi iboshiwe; kwathi ngiseJerusalema, abapristi abakhulu namalunga abaJuda babika ngaye becela ukuba ilahlwe; ngabaphendula ngathi akusiwo umkhuba wamaRoma ukumnikela umuntu omangalelwayo engakamiswa phambi kwabammangalelayo, athole ithuba lokuziphendulela ngecala amangalelwe ngalo. Ngakho sebebuthene lapha, angilibalanga; ngangomuso ngahlala esihlalweni sokwahlulela, ngayala ukuba leyo ndoda ilethwe; basukuma-ke abayimangalelayo, kepha abavezanga cala ngayo lalezo zinto ezimbi ebengizicabangile mina, kodwa babe nokuphikisana okuthile naye ngenkolo yakubo nangomuntu othile, uJesu, owafayo, asho ngaye uPawulu ukuthi uyaphila. Kuthe mina ngisakhohliwe ukuthi leyo ndaba ngizakuyihlola kanjani, ngathi angathanda yini ukuya eJerusalema ukuba ahlulelwe khona ngalezo zinto. Kepha uPawulu eselidlulisile wacela ukuba agcinwe lize lithethwe yinkosi enkulu, ngayala ukuba agcinwe ngize ngimthumele kuKesari.” U-Agripha wayesethi kuFestu: “Nami bengithanda ukumuzwa lowo muntu.” Wathi: “Uzakumuzwa ngomuso.”
IzEnzo 25:1-22 Contemporary Zulu Bible 2024 (CZB24)
Kwathi uFestu esengenile esikhundleni, wasuka eKesariya emva kwezinsuku ezintathu, wenyukela eJerusalema. Khona umpristi omkhulu nezikhulu zabaJuda bamangalela uPawulu kuye, bamncenga. Bacela umusa ngaye ukuba ambize eJerusalema, beqamekele ukuba bambulale endleleni. Kodwa uFestusi waphendula wathi uPawuli ugcinwe eKesariya, lokuthi laye ngokwakhe usezasuka aye khona masinyane. Wathi-ke labo abanamandla phakathi kwenu mabehle nami, bambeke icala lo muntu, uma kukhona okubi kuyo. Esehlale nabo izinsuku ezingaphezu kweziyishumi, wehlela eKesariya; ngangomuso ehlezi esihlalweni sokwahlulela, wayala ukuba uPawulu alethwe. Esefikile, abaJuda abehla bevela eJerusalema bama bemhaqa, bamangalela uPawulu izimangalo eziningi ezimbi, abangenakuzifakazela. Eziphendulela wathi: “Nangomthetho wabaJuda, nethempeli, nakuKesari angonanga lutho. Kepha uFestu ethanda ukujabulisa abaJuda, wamphendula uPawulu, wathi: “Uyathanda ukukhuphukela eJerusalema, wahlulelwe khona ngalezi zinto phambi kwami na? UPawuli wasesithi: Ngimi esihlalweni sokwahlulela sikaKesari, lapho engifanele ukwahlulelwa khona; Ngokuba uma ngingonile, noma ngenze utho olufanele ukufa, angifuni ukufa; ngidlulisela icala kuKesari. UFestusi esekhulume nomphakathi waphendula wathi: “Ulidlulisele kuKesari? kuKesari uzakuya. Kwathi emva kwezinsuku ezithile u-Agripha inkosi noBernike bafika eKesariya ukuyobingelela uFestu. Sebehlale khona izinsuku eziningi, uFestu wayilandisa inkosi indaba kaPawulu, wathi: “Kukhona indoda ethile eshiywe nguFeliksi iboshiwe; okwathi lapho ngiseJerusalema, abapristi abakhulu namalunga abaJuda bangibikela, befuna ukwahlulelwa. Engabaphendula ngathi: Kakusiwo umkhuba wamaRoma ukunikela umuntu ukuthi afe, omangalelweyo engakahlanganisi abammangalelayo, athole ithuba lokuziphendulela ngecala lakhe. Ngakho-ke sebefikile lapha, angilibalanga ngangomuso ngahlala esihlalweni sokwahlulela, ngayala ukuba le ndoda ilethwe. Kwathi sebesukuma abamangaleli, kabavezanga cala lalezo zinto engangizicabanga. Kepha babe nezimpikiswano ezithile naye ngenkolo yabo siqu, nangalowo uJesu owafayo, lowo uPawulu athi uyaphila. Kwathi mina ngingabaza ngalemibuzo, ngambuza ukuthi angathanda yini ukuya eJerusalema, ahlulelwe khona ngalezizinto. Kepha uPawulu eselidlulisele icala lokuba agcinelwe icala lika-Awugustu, ngayala ukuba agcinwe, ngize ngimthumele kuKesari. U-Agripha wayesethi kuFestu: “Nami ngiyathanda ukumuzwa lowo muntu; Wathi, kusasa nizamuzwa.
IzEnzo 25:1-22 Baasraak Zulu New Testament Bible (ZULUNT)
Kwathi uFestu esengenile esikhundleni, wasuka eKesariya emva kwezinsuku ezintathu, wenyukela eJerusalema. Khona umpristi omkhulu nezikhulu zabaJuda bamangalela uPawulu kuye, bamncenga. bacela umusa ngaye ukuba ambize eJerusalema, beqamekele ukuba bambulale endleleni. Kodwa uFestusi waphendula wathi uPawuli ugcinwe eKesariya, lokuthi laye ngokwakhe usezasuka aye khona masinyane. Wathi-ke labo abanamandla phakathi kwenu mabehle nami, bambeke icala lo muntu, uma kukhona okubi kuyo. Esehlale nabo izinsuku ezingaphezu kweziyishumi, wehlela eKesariya; ngangomuso ehlezi esihlalweni sokwahlulela, wayala ukuba uPawulu alethwe. Esefikile, abaJuda abehla bevela eJerusalema bama bemhaqa, bamangalela uPawulu izimangalo eziningi ezimbi, abangenakuzifakazela. Eziphendulela wathi: “Nangomthetho wabaJuda, nethempeli, nakuKesari angonanga lutho. Kepha uFestu ethanda ukujabulisa abaJuda, wamphendula uPawulu, wathi: “Uyathanda ukukhuphukela eJerusalema, wahlulelwe khona ngalezi zinto phambi kwami na? UPawuli wasesithi: Ngimi esihlalweni sokwahlulela sikaKesari, lapho engifanele ukwahlulelwa khona; Ngokuba uma ngingonile, noma ngenze utho olufanele ukufa, angifuni ukufa; ngidlulisela icala kuKesari. UFestusi esekhulume nomphakathi waphendula wathi: “Ulidlulisele kuKesari? kuKesari uzakuya. Kwathi emva kwezinsuku ezithile u-Agripha inkosi noBernike bafika eKesariya ukuyobingelela uFestu. Sebehlale khona izinsuku eziningi, uFestu wayilandisa inkosi indaba kaPawulu, wathi: “Kukhona indoda ethile eshiywe nguFeliksi iboshiwe; okwathi lapho ngiseJerusalema, abapristi abakhulu namalunga abaJuda bangibikela, befuna ukwahlulelwa. Engabaphendula ngathi: Kakusiwo umkhuba wamaRoma ukunikela umuntu ukuthi afe, omangalelweyo engakahlanganisi abammangalelayo, athole ithuba lokuziphendulela ngecala lakhe. Ngakho-ke sebefikile lapha, angilibalanga ngangomuso ngahlala esihlalweni sokwahlulela, ngayala ukuba le ndoda ilethwe. Kwathi sebesukuma abamangaleli, kabavezanga cala lalezo zinto engangizicabanga. Kepha babe nezimpikiswano ezithile naye ngenkolo yabo siqu, nangalowo uJesu owafayo, lowo uPawulu athi uyaphila. Kwathi mina ngingabaza ngalemibuzo, ngambuza ukuthi angathanda yini ukuya eJerusalema, ahlulelwe khona ngalezizinto. Kepha uPawulu eselidlulisele icala lokuba agcinelwe icala lika-Awugustu, ngayala ukuba agcinwe, ngize ngimthumele kuKesari. U-Agripha wayesethi kuFestu: “Nami ngiyathanda ukumuzwa lowo muntu; Wathi, kusasa nizamuzwa.