IzEnzo 22:1-29
IzEnzo 22:1-29 Baasraak Zulu New Testament Bible (ZULUNT)
Madoda, bazalwane, nawobaba, yizwani ukuziphendulela kwami kini manje. (Sebezwile ukuthi ukhuluma kubo ngolimi lwesiHeberu, bathula kakhulu; wathi:) Mina-ke ngingumuntu ongumJuda, owazalelwa eTarsu, umuzi waseKhilikhiya, nokho ngakhulela kulo muzi ngasezinyaweni zikaGamaliyeli, ngifundisiwe ngomthetho wawoyise opheleleyo, ngishisekela uNkulunkulu, njengoba ninjalo nonke namuhla. Ngayizingela leNdlela kwaze kwaba sekufeni, ngibopha, ngibakhaphela ematilongweni abesilisa nabesifazane. njengalokhu nompristi omkhulu uyangifakazela, nebandla lonke lamalunga, engamukela kubo izincwadi eziya kubazalwane, ngaya eDamaseku ukuba ngibalethe eJerusalema beboshiwe, ukuze bajeziswe. Kwasekusithi ngisahamba sengisondela eDamaseko emini enkulu, kungazelelwe kwakhanyisa inhlangothi zonke ukukhanya okukhulu okuvela ezulwini. Ngawa phansi, ngezwa izwi lithi kimi: Sawulu, Sawulu, ungizingelelani na? Ngasengiphendula ngathi: Ungubani, Nkosi? Yathi kimi: Mina nginguJesu waseNazaretha omzingelayo. Lababe nami bakubona ukukhanya, besaba; kodwa abalizwanga ilizwi lalowo owayekhuluma lami. Ngasengisithi: Ngizakwenzani, Nkosi? INkosi yasisithi kimi: Sukuma uye eDamaseko; lapho-ke uzatshelwa khona ngakho konke okumiselwe wena ukuthi ukwenze. Kwathi ngingasaboni ngenxa yenkazimulo yalokho kukhanya, ngaholwa ngesandla sababe nami, ngafika eDamaseku. Njalo uAnaniya othile, indoda ekholwayo ngokomlayo, efakazelwa kuhle ngabaJuda bonke abakhileyo lapho. Weza kimi, wema, wathi kimi: ‘Sawulu mzalwane, buya ubone. Ngaso leso sikhathi ngabheka kuye. Wathi: “UNkulunkulu wawobaba ukukhethile ukuba wazi intando yakhe, umbone oLungileyo, uzwe izwi lomlomo wakhe. Ngokuba uyakuba ngufakazi wakhe kubantu bonke walokho okubonileyo nokuzwileyo. Manje ulibelelani na? sukuma ubhapathizwe, uhlanze izono zakho, ubize igama leNkosi. Kwathi lapho ngibuyela eJerusalema, ngikhuleka ethempelini, ngaba nesiyezi; Ngambona ethi kimi: ‘Sheshisa uphume masinyane eJerusalema, ngokuba kabayikwamukela ubufakazi bakho ngami. Ngase ngithi: Nkosi, bayazi bona ukuthi bengibabopha ngibashaya emasinagogeni wonke abakholwa nguwe; Lapho kuchithwa igazi likaStefanu ufakazi wakho, nami ngangimi khona, ngivumelana nokubulawa kwakhe, ngilinda izingubo zabambulalayo. Yathi kimi: ‘Hamba, ngokuba mina ngiyakukuthuma kude kwabezizwe. Basebemlalela kwaze kwaba kulelolizwi, basebephakamisa amazwi abo besithi: Msuseni onjalo emhlabeni, ngoba kakufanelanga ukuthi aphile. Kwathi bekhala, belahla izingubo zabo, baphonsa uthuli emoyeni; Induna yenkulungwane yasilaya ukuthi angeniswe enqabeni, yasilaya ukuthi aphenywe ngesiswepu; ukuze azi ukuthi kungani bekhala kanje kuye. Kwathi besambopha ngemichilo, uPawuli wathi enduneni yekhulu eyayimi lapho: Kuvunyelwe yini kini ukutshaya ngesiswepu umuntu ongumRoma engalahlwanga yicala? Kwathi induna yekhulu isizwile, yasuka yabikela induna, yathi: Qaphela okwenzayo, ngoba lumuntu ungumRoma. Induna yenkulungwane yeza yathi kuye: Ngitshele, ungumRoma yini? Wathi: Yebo. Induna yenkulungwane yasiphendula yathi: Mina ngalizuza ngemali enkulu. UPawuli wasesithi: Kodwa mina ngizelwe. Khona basuka masinyane kuye labo ababezakumphenya
IzEnzo 22:1-29 IsiZulu 2020 (ZUL20)
“Madoda, bazalwane, nani bobaba, lalelani ukuziphendulela kwami phambi kwenu manje.” Sebezwa ukuthi ukhuluma nabo ngolimi lwesiHebheru, bathula bathi du. Wayesethi: “Mina ngiyindoda engumJuda ezalwa eTharsu eKhilikhiya, kodwa ngakhulela kuwo lo muzi, ngasezinyaweni zikaGamaliyeli, ngafundiswa ngesineke ngomthetho wobaba, ngishisekela uNkulunkulu njengalokhu nani ninjalo namuhla. Ngayizingela le Ndlela kwaze kwaba sekufeni, abesilisa nabesifazane ngibabopha, ngibakhaphela emajele, njengoba nomphristi omkhulu ufakaza ngami, namalunga wonke. Yibona engemukela kubo izincwadi ezilotshelwe abazalwane, ngangiya eDamaseku ukuba abakhona lapho ngibayise eJerusalema beboshiwe, ukuze bajeziswe. “Kwathi ngisendleleni ngihamba, sengisondela eDamaseku emini kwabha, kwabanika masinyane nxazonke ukukhanya okukhulu kuvela ezulwini, ngawela phansi emhlabathini, ngezwa izwi lithi kimi: ‘Sawula, Sawula, ungihluphelani na?’ “Ngaphendula ngathi: ‘Ungubani, Nkosina?’ “Wathi kimi: ‘NginguJesu waseNazaretha omzingelayo.’ “Kepha labo ababenami bakubona ukukhanya, kodwa izwi lowakhuluma nami abalizwanga. “Ngathi: ‘Ngizakwenzani, Nkosi, na?’ “INkosi yayisithi kimi: ‘Sukuma, uye eDamaseku, uzotshelwa lapho konke okubekelwe ukuba ukwenze.’ “Njengalokhu ngangingasaboni ngenxa yenkazimulo yalokho kukhanya, ngaholwa ngengalo yilabo engangihamba nabo, ngaze ngafika eDamaseku. “Indoda ethile okuthiwa ngu-Ananiya, eyayikholwa, iwugcina umthetho, eyayifakazelwa yibo bonke abaJuda ababakhe lapho, yafika kimi, yema, yathi kimi: ‘Sawula, mzalwane, phinda ubone.’ “Ngase ngibona ngaso leso sikhathi. “Wayesethi: ‘UNkulunkulu wokhokho wakumisela phambilini ukuba uyazi intando yakhe, nokumbona oLungileyo, nokulizwa izwi eliphuma emlonyeni wakhe. Ngokuba uzakuba ngufakazi wakhe kubantu bonke ngalokho okubonileyo nokuzwileyo. Pho usalindeleni na? Sukuma, ubhabhadiswe, uhlambulule izono zakho ngokukhuleka egameni lakhe.’ “Kwathi sengibuyele eJerusalema, ngikhuleka ethempelini, ngafikelwa yisiyezi, ngambona; wathi kimi: ‘Shesha uphume masinyane eJerusalema, ngokuba abazukubamukela ubufakazi bakho ngami.’ “Mina ngathi: ‘Nkosi, bayazi bona uqobo ukuthi yimina engangibabopha, ngibashaya emasinagogeni labo abakholwa nguwe, futhi namhla kuchithwa igazi likaStefani, ufakazi wakho, ngangimi khona lapho nami, ngivumelana nokwakwenzeka, ngiqaphe izingubo zabambulalayo.’ “Wathi kimi: ‘Hamba, ngokuba ngizakukuthuma kwabezizwe.’ ” Bamlalela kwaze kwaba kuleli lizwi, base bekhamuluka bethi: “Msuseni onje emhlabeni, ngokuba akafanele ukuba aphile.” Kwathi besakhamuluka, bekhumula izingubo zabo, bethunquza uthuli phezulu, induna yenkulungwane yayala ukuba angeniswe enkanjini, yathi akahlolwe ngenduku, ukuze iqonde ukuthi kungasici sini esibenza bamemeze kanje ngaye. Kuthe besambophe ngemichilo, uPawula wathi enduneni yekhulu eyayimi lapho: “Kuvumelekile yini ukuba kushaywe umuntu ongumRoma engakalahlwa yicala na?” Yathi ukuba induna yekhulu ikuzwe lokho, yaya enduneni yenkulungwane, yabika yathi: “Uzokwenzenjani na? Ngokuba lo muntu ungumRoma?” Induna yenkulungwane yaya kuPawula, yathi kuye: “Ngitshele, ngabe wena ungumRoma yini na?” Yena wathi: “Yebo.” Kepha induna yenkulungwane yaphendula, yathi: “Mina ngalithenga lelo lungelo ngemali enkulu.” Kepha uPawula wathi: “Mina-ke ngazalwa nalo.” Bamshiya masinyane labo ababezomhlola, nenduna yenkulungwane yesaba, lapho seyizwe ukuthi ungumRoma nokuthi ibimbophile.
IzEnzo 22:1-29 IBHAYIBHELI ELINGCWELE (ZUL59)
“Madoda, bazalwane, nani bobaba, yizwani ukuziphendulela kwami phambi kwenu kalokhu.” Kwathi bemuzwa ekhuluma kubo ngolimi lwesiHeberu, bathula bathi du. Wayesethi: “Mina ngiyindoda engumJuda, ngazalwa eTarsu laseKhilikhiya, kodwa ngakhulela kulo muzi, ngafundiswa ngasezinyaweni zikaGamaliyeli ngesineke ngomthetho wawobaba, ngashisekela uNkulunkulu njengokuba nonke ninjalo namuhla; ngayizingela leyo Ndlela kwaze kwaba sekufeni, ngibopha ngibakhaphela ematilongweni abesilisa nabesifazane, njengokuba nompristi omkhulu ufakaza ngami namalunga onke; ngamukela kubo izincwadi ezilotshelwe abazalwane, ngaya eDamaseku ukuba nababe khona lapho ngibayise eJerusalema beboshiwe, ukuze bajeziswe. “Kwathi ngisahamba ngisondela eDamaseku kuphakathi kwemini, kwangibaneka masinyane nxazonke ukukhanya okukhulu okwavela ezulwini, ngawa phansi emhlabathini, ngezwa izwi lithi kimi: ‘Sawulu, Sawulu, ungizingelelani na?’ “Ngase ngiphendula ngathi: ‘Ungubani, Nkosi, na?’ “Wathi kimi: ‘Mina nginguJesu waseNazaretha omzingelayo.’ Kepha labo ababe nami bakubona ukukhanya, kodwa izwi lowakhuluma nami abalizwanga. “Ngathi: ‘Ngizakwenzani, Nkosi, na?’ “INkosi yayisithi kimi: ‘Sukuma, uye eDamaseku, uzakutshelwa khona konke okumiselweyo ukuba ukwenze.’ Kepha njengokuba ngangingasaboni ngenxa yenkazimulo yalokho kukhanya, ngaholwa ngesandla yibo ababe nami, ngafika eDamaseku. “U-Ananiya othile, indoda ekholwa ngokomthetho, owayefakazelwa yibo bonke abaJuda ababakhile khona, weza kimi, wema, wathi kimi: ‘Sawulu, mzalwane, buye ubone.’ Mina ngase ngimbona ngaso leso sikhathi. “Wayesethi: ‘UNkulunkulu wawobaba wakumisela ngaphambili ukuyazi intando yakhe, nokumbona oLungileyo, nokulizwa izwi eliphuma emlonyeni wakhe, ngokuba uzakuba ngufakazi wakhe kubantu bonke walokho okubonileyo nokuzwileyo. Manje-ke ulibalelani na? Sukuma, ubhapathizwe, uhlambulule izono zakho ngokukhuleka egameni lakhe.’ “Kwathi sengibuyele eJerusalema, ngikhuleka ethempelini, ngehlelwa yisiyezi, ngambona; wathi kimi: ‘Khawuleza uphume masinyane eJerusalema, ngokuba abazukwamukela ubufakazi bakho ngami.’ “Mina ngase ngithi: ‘Nkosi, bayazi bona ukuthi yimina engangibabopha ngibashaya emasinagogeni* abakholwa nguwe; futhi mhla kuchithwa igazi likaStefanu ufakazi wakho, ngangimi khona mina, ngivuma, ngilinda izingubo zabambulalayo.’ “Wathi kimi: ‘Hamba, ngokuba mina ngizakukuthuma uye kude kwabezizwe.’ ” Kepha bamlalela kwaze kwaba kulelo zwi; base bephakamisa izwi labo, bethi: “Msuseni onje emhlabeni, ngokuba akufanele ukuba aphile.” Kwathi besabangalasa, behlubula izingubo, bethuquza uthuli phezulu, induna yenkulungwane yayala ukuba angeniswe ekamu,* yathi akahlolwe ngenduku, ukuze iqonde ukuthi kungasiphi isici bememeza kanje ngaye. Kepha besamelula ngemichilo, uPawulu wathi enduneni yekhulu eyayimi khona: “Kuvunyelwe yini ukushaya umuntu ongumRoma engalahlwanga yicala na?” Induna yekhulu ikuzwile yaya enduneni yenkulungwane, yabika yathi: “Usuzakwenzani na, ngokuba lowo muntu ungumRoma?” Induna yenkulungwane yayisifika, yathi kuye: “Ngitshele, wena ungumRoma na?” Yena wathi: “Yebo.” Kepha induna yenkulungwane yaphendula yathi: “Mina ngalithenga lelo lungelo ngemali enkulu.” Kodwa uPawulu wathi: “Kepha mina ngazalwa nalo.” Ngakho basuka kuye masinyane abase bezakumhlola; kepha induna yenkulungwane yesaba, isiyazi ukuthi ungumRoma nokuthi ibimbophile.
IzEnzo 22:1-29 Contemporary Zulu Bible 2024 (CZB24)
Madoda, bazalwane, nawobaba, yizwani ukuziphendulela kwami kini manje. (Sebezwile ukuthi ukhuluma kubo ngolimi lwesiHeberu, bathula kakhulu; wathi:) Mina-ke ngingumuntu ongumJuda, owazalelwa eTarsu, umuzi waseKhilikhiya, nokho ngakhulela kulo muzi ngasezinyaweni zikaGamaliyeli, ngifundisiwe ngomthetho wawoyise opheleleyo, ngishisekela uNkulunkulu, njengoba ninjalo nonke namuhla. Ngayizingela leNdlela kwaze kwaba sekufeni, ngibopha, ngibakhaphela ematilongweni abesilisa nabesifazane. Njengalokhu nompristi omkhulu uyangifakazela, nebandla lonke lamalunga, engamukela kubo izincwadi eziya kubazalwane, ngaya eDamaseku ukuba ngibalethe eJerusalema beboshiwe, ukuze bajeziswe. Kwasekusithi ngisahamba sengisondela eDamaseko emini enkulu, kungazelelwe kwakhanyisa inhlangothi zonke ukukhanya okukhulu okuvela ezulwini. Ngawa phansi, ngezwa izwi lithi kimi: Sawulu, Sawulu, ungizingelelani na? Ngasengiphendula ngathi: Ungubani, Nkosi? Yathi kimi: Mina nginguJesu waseNazaretha omzingelayo. Lababe nami bakubona ukukhanya, besaba; kodwa abalizwanga ilizwi lalowo owayekhuluma lami. Ngasengisithi: Ngizakwenzani, Nkosi? INkosi yasisithi kimi: Sukuma uye eDamaseko; lapho-ke uzatshelwa khona ngakho konke okumiselwe wena ukuthi ukwenze. Kwathi ngingasaboni ngenxa yenkazimulo yalokho kukhanya, ngaholwa ngesandla sababe nami, ngafika eDamaseku. Njalo uAnaniya othile, indoda ekholwayo ngokomlayo, efakazelwa kuhle ngabaJuda bonke abakhileyo lapho. Weza kimi, wema, wathi kimi: ‘Sawulu mzalwane, buya ubone. Ngaso leso sikhathi ngabheka kuye. Wathi: “UNkulunkulu wawobaba ukukhethile ukuba wazi intando yakhe, umbone oLungileyo, uzwe izwi lomlomo wakhe. Ngokuba uyakuba ngufakazi wakhe kubantu bonke walokho okubonileyo nokuzwileyo. Manje ulibelelani na? sukuma ubhapathizwe, uhlanze izono zakho, ubize igama leNkosi. Kwathi lapho ngibuyela eJerusalema, ngikhuleka ethempelini, ngaba nesiyezi; Ngambona ethi kimi: ‘Sheshisa uphume masinyane eJerusalema, ngokuba kabayikwamukela ubufakazi bakho ngami. Ngase ngithi: Nkosi, bayazi bona ukuthi bengibabopha ngibashaya emasinagogeni wonke abakholwa nguwe; Lapho kuchithwa igazi likaStefanu ufakazi wakho, nami ngangimi khona, ngivumelana nokubulawa kwakhe, ngilinda izingubo zabambulalayo. Yathi kimi: ‘Hamba, ngokuba mina ngiyakukuthuma kude kwabezizwe. Basebemlalela kwaze kwaba kulelolizwi, basebephakamisa amazwi abo besithi: Msuseni onjalo emhlabeni, ngoba kakufanelanga ukuthi aphile. Kwathi bekhala, belahla izingubo zabo, baphonsa uthuli emoyeni; Induna yenkulungwane yasilaya ukuthi angeniswe enqabeni, yasilaya ukuthi aphenywe ngesiswepu; ukuze azi ukuthi kungani bekhala kanje kuye. Kwathi besambopha ngemichilo, uPawuli wathi enduneni yekhulu eyayimi lapho: Kuvunyelwe yini kini ukutshaya ngesiswepu umuntu ongumRoma engalahlwanga yicala? Kwathi induna yekhulu isizwile, yasuka yabikela induna, yathi: Qaphela okwenzayo, ngoba lumuntu ungumRoma. Induna yenkulungwane yeza yathi kuye: Ngitshele, ungumRoma yini? Wathi: Yebo. Induna yenkulungwane yasiphendula yathi: Mina ngalizuza ngemali enkulu. UPawuli wasesithi: Kodwa mina ngizelwe. Khona basuka masinyane kuye labo ababezakumphenya