IzEnzo 21:1-14
IzEnzo 21:1-14 Baasraak Zulu New Testament Bible (ZULUNT)
Kwathi sesimukile kubo, sasuka ngomkhumbi, saqonda ngqo eKhose, ngangomuso eRodu, sasuka lapho safika ePhathara; Sathola umkhumbi owelela eFenike, sangena kuwo, samuka. Kwathi sesiyibonile iKhupro, sayishiya ngakwesokhohlo, sangena ngomkhumbi eSiriya, sehla eTire, ngokuba umkhumbi wawuzakwethula khona umthwalo wawo. Safumana abafundi, sahlala khona izinsuku eziyisikhombisa; bona bathi kuPawulu ngoMoya angenyukeli eJerusalema. Kwathi sesiqedile lezo zinsuku, saphuma sahamba; bonke basiphelekezela kanye nawomkabo nabantwana, kwaze kwaba ngaphandle komuzi; saguqa ogwini, sakhuleka. Kwathi sesivalelisane, sangena emkhunjini; babuyela ekhaya futhi. Sathi sesiqedile uhambo lwethu sisuka eTire, safika ePetolemayi, sabingelela abazalwane, sahlala nabo usuku lwaba lunye. Ngangomuso sasuka, safika eKesariya, sangena endlini kaFiliphu umvangeli, owayengomunye wabayisikhombisa; wahlala laye. yena lowo wayenamadodakazi amane, izintombi eziprofetha. Sathi sihlezi khona izinsuku eziningi, kwehla eJudiya umprofethi ogama lakhe lingu-Agabu. Kwathi esefikile kithi, wathatha ibhande likaPawuli, wazibopha izandla lenyawo, wathi: Utsho njalo uMoya oNgcwele, ngokunjalo abaJuda eJerusalema bazabopha indoda ephethe lelibhanti, njalo bazamnikela ejele. izandla zabezizwe. Kwathi sesikuzwile lokho, samncenga thina kanye labakuleyondawo ukuthi angenyukeli eJerusalema. UPawuli wasephendula wathi: Litshoni ukukhala lichoboza inhliziyo yami? ngoba mina angilungele ukubotshwa kuphela, kodwa lokufa eJerusalema ngenxa yebizo leNkosi uJesu. Kwathi engavumi ukuvunyiswa, sathula sathi: Mayenziwe intando yeNkosi.
IzEnzo 21:1-14 IsiZulu 2020 (ZUL20)
Kwathi lapho sesihlukene nabo, sahamba ngomkhumbi, sahamba ngendlela eqondile saze safika eKhose, ngakusasa safinyelela eRode, sedlula lapho saya ePhathara, sesitholile isikebhe esiwelela eFonesiya, sangena kuso, sahamba. Kwathi sesiyibona iKhuphro saze sayedlula, siyishiya ngemuva ngakwesokhohlo, saya eSiriya. Safika echwebeni eThire, ngokuba umkhumbi wawuzokwethula lapho izimpahla. Emva kokubafuna abafundi, sahlala khona izinsuku eziyikhombisa; beqhutshwa nguMoya, bamtshela uPawula ukuba angalubeki eJerusalema. Kepha kuthe seziphelile lezo zinsuku, saphuma sahamba, siphelezelwa yibo bonke, nomkabo nabantwana, baze basibeka ngaphandle komuzi. Saguqa ngamadolo ogwini, sakhuleka, savalelisana, sangena emkhumbini, kodwa bona babuyela emakhaya. Thina sesiluqedile uhambo sisuka eThire, safika ePhetholemayi, sesibabingelele abazalwane, sahlala nabo usuku. Ngakusasa sahamba saze safika eKhesariya, sangena emzini kaFiliphu umvangeli, owayengomunye wabayisikhombisa, sahlala naye. Yena-ke wayenamadodakazi amane, ayizintombi eziphrofethayo. Kwathi sisahleli lapho izinsukwana, kwafika umphrofethi evela eJudiya, igama lakhe lingu-Agabhu. Esefikile kithi, wathatha ibhande likaPawula, wazibopha ngalo izinyawo nezandla, wathi: “Usho lokhu uMoya oNgcwele, uthi: ‘Lo muntu ongumnikazi waleli bhande, abaJuda eJerusalema bazakumbopha kanje, bamkhaphele ezandleni zabezizwe.’ ” Lapho sikuzwa lokhu, samncenga thina kanye nabantu bakuleya ndawo ukuba angakhuphukeli eJerusalema. Nokho uPawula waphendula wathi: “Nenzani ukuba nikhale nidabukise inhliziyo yami na? Ngokuba mina sengikulungele, hhayi nje ukuboshwa kuphela, kodwa nokufa eJerusalema ngenxa yegama leNkosi uJesu.” Sesehlulekile ukumvimba, sathula sathi: “Mayenziwe intando yeNkosi.”
IzEnzo 21:1-14 IBHAYIBHELI ELINGCWELE (ZUL59)
Kwathi sesimukile kubo, sasuka ngomkhumbi, saqonda ngqo, safika eKhose nangangomuso eRodu; sasuka lapho, safika ePathara; sesifumene umkhumbi owelela eFenike, sangena kuwo, samuka. Kwathi sekuqhamuke iKhupro, sesilishiyile ngakwesokhohlo, saqonda eSiriya, sehlika eTire, ngokuba umkhumbi wawuzakwethula khona impahla. Safumana abafundi, sahlala khona izinsuku eziyisikhombisa; bona bathi ngoMoya kuPawulu, angalubeki unyawo eJerusalema. Kwathi sesiqedile lezo zinsuku, saphuma sahamba; bonke basiphelekezela kanye nawomkabo nabantwana, kwaze kwaba ngaphandle komuzi; saguqa ngamadolo ogwini, sakhuleka, savalelisana, sangena emkhunjini, kepha bona babuyela emakhaya. Thina sesiqedile ukuhamba ngomkhumbi sisuka eTire, safika ePetolemayi, sabingelela abazalwane, sahlala nabo usuku lwaba lunye. Kepha ngangomuso samuka safika eKesariya, sangena endlini kaFiliphu umvangeli, owayengomunye wabayisikhombisa, sahlala naye. Yena-ke wayenamadodakazi amane, izintombi eziprofethayo. Kwathi sisahlezi khona izinsuku eziningana, kwehla eJudiya umprofethi ogama lakhe lingu-Agabu; yena wafika kithi, wathatha uqhotho lukaPawulu, wazibopha izinyawo nezandla, wathi: “Usho njalo uMoya oNgcwele, uthi: ‘Umuntu olungolwakhe lolu qhotho abaJuda bazakumbopha kanje eJerusalema, bamkhaphele ezandleni zabezizwe.’ ” Sesikuzwile lokho samncenga thina kanye nabakuleyo ndawo ukuba angakhuphukeli eJerusalema. Khona uPawulu waphendula wathi: “Nenzelani ukukhala nichoboza inhliziyo yami na? Ngokuba sengilungele, kungesikho ukuboshwa kuphela kepha nokufa eJerusalema ngenxa yegama leNkosi uJesu.” Engenakuvunyiswa, sathula sathi: “Mayenziwe intando yeNkosi.”
IzEnzo 21:1-14 Contemporary Zulu Bible 2024 (CZB24)
Kwathi sesimukile kubo, sasuka ngomkhumbi, saqonda ngqo eKhose, ngangomuso eRodu, sasuka lapho safika ePhathara; Sathola umkhumbi owelela eFenike, sangena kuwo, samuka. Kwathi sesiyibonile iKhupro, sayishiya ngakwesokhohlo, sangena ngomkhumbi eSiriya, sehla eTire, ngokuba umkhumbi wawuzakwethula khona umthwalo wawo. Safumana abafundi, sahlala khona izinsuku eziyisikhombisa; bona bathi kuPawulu ngoMoya angenyukeli eJerusalema. Kwathi sesiqedile lezo zinsuku, saphuma sahamba; bonke basiphelekezela kanye nawomkabo nabantwana, kwaze kwaba ngaphandle komuzi; saguqa ogwini, sakhuleka. Kwathi sesivalelisane, sangena emkhunjini; babuyela ekhaya futhi. Sathi sesiqedile uhambo lwethu sisuka eTire, safika ePetolemayi, sabingelela abazalwane, sahlala nabo usuku lwaba lunye. Ngangomuso sasuka, safika eKesariya, sangena endlini kaFiliphu umvangeli, owayengomunye wabayisikhombisa; wahlala laye. Yena lowo wayenamadodakazi amane, izintombi eziprofetha. Sathi sihlezi khona izinsuku eziningi, kwehla eJudiya umprofethi ogama lakhe lingu-Agabu. Kwathi esefikile kithi, wathatha ibhande likaPawuli, wazibopha izandla lenyawo, wathi: Utsho njalo uMoya oNgcwele, ngokunjalo abaJuda eJerusalema bazabopha indoda ephethe lelibhanti, njalo bazamnikela ejele izandla zabezizwe. Kwathi sesikuzwile lokho, samncenga thina kanye labakuleyondawo ukuthi angenyukeli eJerusalema. UPawuli wasephendula wathi: Litshoni ukukhala lichoboza inhliziyo yami? ngoba mina angilungele ukubotshwa kuphela, kodwa lokufa eJerusalema ngenxa yebizo leNkosi uJesu. Kwathi engavumi ukuvunyiswa, sathula sathi: Mayenziwe intando yeNkosi.