2 kuThimothewu 2:1-13
2 kuThimothewu 2:1-13 Baasraak Zulu New Testament Bible (ZULUNT)
Ngakho wena, ndodana yami, qina emuseni okuKristu Jesu. Lokho okuzwileyo kimi phambi kofakazi abanengi, lokho kubeke ebantwini abathembekileyo abazakuba lamandla okufundisa labanye. Ngakho wena khuthazelela ubunzima njengebutho elihle likaJesu Kristu. Akakho osempini ozifaka ezindabeni zalokhu kuphila; ukuze amthokozise omkhethileyo ukuba yisosha. Futhi uma umuntu encintisana, kathweswa umqhele, ngaphandle kokuthi encintisana ngokomthetho. Umlimi osebenzayo umelwe ukuba ngesabelo kuqala izithelo. Nakana engikushoyo; iNkosi ikunike ukuqedisisa ezintweni zonke. Khumbula ukuthi uJesu Kristu wavuswa kwabafileyo, wenzalo kaDavide ngokwevangeli lami; engihlupheka ngakho kuze kube sekuboshweni njengomenzi wokubi; kepha izwi likaNkulunkulu aliboshiwe. Ngakho ngibekezelela izinto zonke ngenxa yabakhethiweyo, ukuze labo bazuze usindiso olukuKristu Jesu, kanye lenkazimulo yaphakade. Likholekile izwi elithi: Ngokuba uma safa kanye naye, siyakuphila futhi kanye naye; uma sibekezela, siyakubusa kanye naye; uma simphika, naye uyakusiphika; Uma singakholwa, yena uhlala ethembekile, angeziphike.
2 kuThimothewu 2:1-13 IsiZulu 2020 (ZUL20)
Ngakho-ke wena mntanami, qina emseni okuKhristu uJesu. Lokho okuzwile kimi phambi kofakazi abaningi, kwedlulisele kubantu abathembekileyo, abafanele ukufundisa abanye. Hlanganyela nami ekuhluphekeni njengebutho elihle likaKhristu. Akekho othi esebenza njengebutho alibale yiminako yalokhu kuphila, kodwa ulwela ukuthokozisa lowo ombuthileyo. Kanjalo futhi uma umuntu esemncintiswaneni, akanikwa umqhele uma engayilandelanga imithetho yokuncintisana. Kufanele ukuba umlimi osebenzayo kube nguye othola isabelo sezithelo zokuqala. Kucabangisise lokhu engikushoyo, ngokuba iNkosi iyakukunika ukuba uziqonde zonke lezi zinto. Khumbula uJesu Khristu owavuswa kwabafileyo, owolibo lukaDavide, ngokwevangeli lami, engihlupheka ngenxa yalo kuze kube sekuboshweni njengeselelesi, kodwa izwi likaNkulunkulu aliboshiwe. Ngakho-ke ngibekezelela konke ngenxa yabakhethiweyo, ukuze nabo bazuze insindiso ekuKhristu uJesu, nenkazimulo yaphakade. Lithembekile leli lizwi elithi: ngokuba uma safa naye, siyakuphila futhi naye. Uma sikhuthazela, siyakubusa futhi sikanye naye; uma simphika naye uyakusiphika. Uma singethembekile, Yena uhlala ethembekile, ngokuba akakwazi ukuziphika.
2 kuThimothewu 2:1-13 IBHAYIBHELI ELINGCWELE (ZUL59)
Ngakho wena mntanami, yiba namandla emseni okuKristu Jesu; lokho okuzwileyo kimi phambi kofakazi abaningi, lokho-ke kubeke kubantu abathembekileyo abazakuba namandla okufundisa nabanye. Hlanganyela nami ukuhlupheka njengebutho elihle likaKristu. Akakho osempini olibala izidingo zalokhu kuphila, aze akholeke kulowo abuthwe nguye. Futhi nxa umuntu encintisana, kaqheliswa engancintisananga ngokomthetho. Umlimi osebenzayo kufanele ukuba kwamukele yena izithelo kuqala. Qonda engikushoyo; ngokuba iNkosi iyakukunika ukuqonda ngezinto zonke. Khumbula uJesu Kristu ovukile kwabafileyo, wenzalo kaDavide ngokwevangeli lami, engihlupheka ngalo kuze kube sekuboshweni njengeselelesi; kepha izwi likaNkulunkulu aliboshiwe. Ngalokho ngiyakhuthazela kukho konke ngenxa yabakhethiweyo, ukuze nabo bazuze insindiso ekuKristu Jesu, kanye nenkazimulo yaphakade. Likholekile leli zwi lokuthi: Ngokuba uma safa naye, siyakuphila naye futhi; uma sikhuthazela, siyakubusa naye futhi; uma simphika, naye uyakusiphika; uma singathembeki, yena uhlala ethembekile, ngokuba akanakuziphika.
2 kuThimothewu 2:1-13 Contemporary Zulu Bible 2024 (CZB24)
Ngakho wena, ndodana yami, qina emuseni okuKristu Jesu. Lokho okuzwileyo kimi phambi kofakazi abanengi, lokho kubeke ebantwini abathembekileyo abazakuba lamandla okufundisa labanye. Ngakho wena khuthazelela ubunzima njengebutho elihle likaJesu Kristu. Akakho osempini ozifaka ezindabeni zalokhu kuphila; ukuze amthokozise omkhethileyo ukuba yisosha. Futhi uma umuntu encintisana, kathweswa umqhele, ngaphandle kokuthi encintisana ngokomthetho. Umlimi osebenzayo umelwe ukuba ngesabelo kuqala izithelo. Nakana engikushoyo; iNkosi ikunike ukuqedisisa ezintweni zonke. Khumbula ukuthi uJesu Kristu wavuswa kwabafileyo, wenzalo kaDavide ngokwevangeli lami; engihlupheka ngakho kuze kube sekuboshweni njengomenzi wokubi; kepha izwi likaNkulunkulu aliboshiwe. Ngakho ngibekezelela izinto zonke ngenxa yabakhethiweyo, ukuze labo bazuze usindiso olukuKristu Jesu, kanye lenkazimulo yaphakade. Likholekile izwi elithi: Ngokuba uma safa kanye naye, siyakuphila futhi kanye naye; uma sibekezela, siyakubusa kanye naye; uma simphika, naye uyakusiphika; Uma singakholwa, yena uhlala ethembekile, angeziphike.