2 AmaKhosi 6:1-7
2 AmaKhosi 6:1-7 IsiZulu 2020 (ZUL20)
Amadodana abaphrofethi athi ku-Elisha: “Bheka phambi kwakho indawo esihlala kuyo; sesiminyene. Masihambe siye eJordani, sithathe khona, kube yilowo nalowo, umshayo ube munye, sizakhele lapho indawo esizohlala kuyo.” Wathi: “Hambani.” Kepha omunye wathi: “Vuma ukuhamba nezinceku zakho.” Wathi: “Ngiyakuhamba.” Wayesehamba nabo. Bafika eJordani bagawula imithi. Kwathi lapho omunye esegawula umshayo, insimbi yawela emanzini; wakhala wathi: “Maye, nkosi yami! Ibitshelekiwe!” Umuntu kaNkulunkulu wathi: “Iwele kuphi na?” Wamkhombisa indawo. Wayesenquma uthi, waluphonsa lapho, insimbi yantanta. Wayesethi: “Yikhuphule.” Welula isandla sakhe, wayithatha.
2 AmaKhosi 6:1-7 IBHAYIBHELI ELINGCWELE (ZUL59)
Amadodana abaprofethi athi ku-Elisha: “Bheka, indawo esihlezi kuyo phambi kwakho, siminyene kuyo. Masihambe siye eJordani, sithathe khona, kube yilowo nalowo umshayo ube munye, senzele khona indawo esingahlala kuyo.” Wathi: “Hambani.” Kepha omunye wathi: “Vuma uhambe nezinceku zakho.” Wathi: “Ngiyakuhamba.” Wayesehamba nabo. Sebefike eJordani bagawula imithi. Kwathi lapho omunye esegawula umshayo, insimbi yawela emanzini; wakhala wathi: “Maye, nkosi! Ibitshelekiwe!” Wathi lowo muntu kaNkulunkulu: “Iwelephi na?” Wamkhombisa indawo. Wayesenquma uthi, waluphonsa khona, insimbi yantanta. Wayesethi: “Yikhuphule.” Welula isandla sakhe, wayithatha.
2 AmaKhosi 6:1-7 Contemporary Zulu Bible 2024 (CZB24)
Amadodana abaprofethi athi ku-Elisha: “Bheka, indawo esihlala kuyo nawe iminyene kakhulu kithi; Masiye eJordani, sizithathele khona, kube yilowo nalowo ugodo, sizenzele khona indawo yokuhlala. Wathi: Hamba! Omunye wathi: “Vuma, uhambe nezinceku zakho.” Wasesithi: Ngizahamba. Wasehamba labo. Sebefike eJordani bagawula izinkuni. Kodwa kwathi othile esagamula ugodo, izembe lawela emanzini, wakhala wathi: “Awu, nkosi! ngoba libolekiwe. Umuntu kaNkulunkulu wasesithi: Liwele ngaphi? Wamkhombisa indawo. Wagawula induku, wayiphonsa; insimbi yabhukuda. Ngakho wathi: Zithathele. Futhi welula isandla sakhe, wayithatha.