1 AmaKhosi 18:42-46
1 AmaKhosi 18:42-46 IBHAYIBHELI ELINGCWELE (ZUL59)
Wayesekhuphuka u-Ahabi ukuba adle, aphuze. U-Eliya wakhuphukela esiqongweni saseKarmeli, wakhothamela phansi, wabeka ubuso bakhe phakathi kwamadolo akhe. Wathi encekwini yakhe: “Khuphuka, ubheke ngaselwandle.” Yakhuphuka, yabheka, yathi: “Akukho lutho.” Wayesethi: “Phinda kasikhombisa.” Kwathi ngokwesikhombisa yathi: “Bheka, kukhuphuka ifu elwandle, lingangesandla somuntu.” Wayesethi: “Khuphuka, umtshele u-Ahabi ukuthi: ‘Bophela, wehle, funa uvinjelwe yimvula.’ ” Kwathi ngesikhashana nje izulu laguqubala ngamafu nangomoya, lana imvula enkulu. U-Ahabi wakhwela inqola, waya eJizreyeli. Isandla sikaJehova sasiku-Eliya; wabopha ukhalo lwakhe, wagijima phambi kuka-Ahabi, waze wafika ekungeneni kwaseJizreyeli.
1 AmaKhosi 18:42-46 IsiZulu 2020 (ZUL20)
Wayesekhuphuka u-Ahabi ukuba adle, aphuze. U-Eliya wakhuphukela esiqongweni eKharmeli, wakhothamela phansi, wafaka ubuso bakhe phakathi kwamadolo akhe. Wathi encekwini yakhe: “Khuphuka, ubheke ngasolwandle.” Yakhuphuka, yabheka, yathi: “Akukho lutho.” Wayesethi: “Phinda kasikhombisa.” Kwathi ngokwesikhombisa yathi: “Bheka, kukhuphuka ifu elincane olwandle, lingangesandla somuntu.” Wayesethi: “Khuphuka, umtshele u-Ahabi uthi: ‘Bophela, wehle, funa uvinjezelwe yimvula.’ ” Kwathi ngesikhashana nje izulu laguqubala, kwaba nomoya, lana imvula enkulu. U-Ahabi wakhwela inqola, waya eJizreyeli. Isandla sikaSimakade sasiku-Eliya; wabopha ukhalo lwakhe, wabaleka phambi kuka-Ahabi, waze wayofika ekungeneni kwaseJizreyeli.
1 AmaKhosi 18:42-46 Contemporary Zulu Bible 2024 (CZB24)
U-Ahabi wayesekhuphuka ukuze adle anathe. U-Eliya wakhuphukela esiqongweni saseKarmeli; wawa ngobuso emhlabathini, wafaka ubuso bakhe phakathi kwamadolo akhe; Wathi encekwini yakhe: “Khuphuka manje, ubheke ulwandle.” Wakhuphuka, wabheka, wathi: “Akukho lutho.” Wathi: “Phinda kasikhombisa.” Wathi ngokwesikhombisa: “Bheka, ifu elincane livela olwandle njengesandla somuntu.” Wathi: “Khuphuka, uthi ku-Ahabi: Bophela inqola yakho, wehle, funa imvula inganivimbeli.” Kwathi kusesenjalo izulu laba mnyama ngamafu nomoya, kwaba yimvula enkulu. U-Ahabi wagibela, waya eJizreyeli. Isandla sikaJehova sasiphezu kuka-Eliya; wabopha ukhalo lwakhe, wagijima phambi kuka-Ahabi kwaze kwaba sekungeneni kwaseJizreyeli.